Lombok

Saka Wikipédia Jawa, bauwarna mardika basa Jawa
Lombok
Geography
LocationAsiah Kidul-wétan
Coordinates8°33′54″S 116°21′04″E / 8.565°S 116.351°E / -8.565; 116.351Koordhinat: 8°33′54″S 116°21′04″E / 8.565°S 116.351°E / -8.565; 116.351
ArchipelagoKapuloan Nusa Tenggara
Area4.514,11 km2 (174.290,8 sq mi)
Highest elevation3,726 m (12,224 ft)
Administration
Indonésia
Demographics
Population3.311.044
Pop. density733,5 /km2 (18.998 /sq mi)

Lombok iku pulo ing Provinsi Nusa Tenggara Wétan, Indonésia. Pulo iki minangka péranganing rerangkèn Kapuloan Nusa Tenggara kang kaapit Selat Lombok ing kuloné lan Selat Alas ing wétané. Pulo iki awangun rada bunder lan duwé "buntut" (ingaran Ujung Sekotong) ing lor-kuloné kang dawané 70 kilomèter lan jembaré watara 4.514 kilomèter pasagi. Kutha krajan provinsiné uga kutha gedhé dhéwé ing pulo iki yaiku Kutha Mataram. Pulo iki gedhé lan padheté èmper-èmperan karo Pulo Bali minangka pulo tanggan ing kuloné, uga irib-iriban ing babagan warisan budaya. Pulo tanggan ing wétané iku Pulo Sumbawa kang arang-arang wargané. Pulo Lombok kinubengan akèh pulo cilik utawa gili kang kaloka.

Ana 3,17 yuta warga Indonésia kang kacathet ing sènsus 2010 kang dumunung ing Pulo Lombok;[1][2][3][4] Angkané per Januari 2014 kira-kira ngancik 3.311.044 jiwa.

Administrasi[besut | besut sumber]

Pulo Lombok iku rèhrèhaning Gubernur Provinsi Nusa Tenggara Kulon (cara Indonésia: Nusa Tenggara Barat dicekak NTB) kang ditata saka kutha krajan provinsiné, yaiku Kutha Mataram ing Lombok Kulon. Pulo iki administrasiné kapérang dadi kabupatèn cacah papat lan kutha cacah siji. Kabupatèn-kabupatèn lan kuthané yaiku kaya kang kapacak ing ngisor iki. Angka-angkané dhedhasar sènsus 2010 lan pangira-ira resmi déning pamaréntah enggonan kana.

Jeneng Jembar

(km2)

Cacah jiwa 2005

(kira-kira)

Cacah jiwa 2010

(sènsus)

Cacah jiwa 2014

(kira-kira)

Kutha

krajan

Kabupatèn Lombok Lor 776,25 757.369 199.904 209.060 Tanjung
Kabupatèn Lombok Kulon 862,62 599.609 626.941 Gerung
Kabupatèn Lombok Tengah 1.208,39 810.645 859.309 898.855 Praya
Kabupatèn Lombok Wétan 1.605,55 1.039.195 1.105.671 1.155.247 Selong
Kutha Mataram 61,30 342.896 402.296 420.941 Mataram
Gunggung 4.514,11 2.950.105 3.166.789 3.311.044

Dhémografi[besut | besut sumber]

Sing manggon ing Pulo Lombok iku 85%-né minangka wong Sasak, kang asal-usulé diprakirakaké saka Pulo Jawa nalika miléniyum pisanan SM. Liyané kaya ta wong Bali kang cacahé ngancik 10–15% wong kang manggon ing pulo iki, uga ana bebrayan-bebrayan cilik kaya ta wong Tiyonghwa, Jawa, Sumbawa, lan Arab.

Wong Sasak ing babagan budaya lan basa gegayutan raket karo wong Bali, nanging yèn wong Bali agamané Hindhu, pérangan gedhé wong Sasak mono Muslim. Mula, ing Pulo Lombok akèh yasan masjid déné kagiyatan sarta dina préiné wargané uga gegayutan karo tradhisi Islam.

Ing taun 2008, Pulo Lombok dienggoni kulawarga cacah 866.838 lan reratané ana wong 3,635 ing saben kulawarga.[5]

Sènsus 2010 nyathet manawa warga NTB cacahé ana wong 4.496.855[4], kang 70,42%-né utawa wong 3.166.789 manggon ing Pulo Lombok.

Cathetan sikil[besut | besut sumber]

  1. "Jumlah Penduduk NTB 4,4 Juta Jiwa". Media Indonesia. 3 Sèptèmber 2010. Diarsip saka sing asli ing 2011-08-20. Dibukak ing 7 Fèbruari 2011.
  2. "15 Things You Should Visit In Lombok". 2015. Dibukak ing 2015. {{cite web}}: Check date values in: |accessdate= (pitulung)
  3. "Population of Indonesia by Province". Badan Pusat Statistik Republik Indonesia (Statistics Indonesia). 2010. Diarsip saka sing asli ing 18 Juli 2011. Dibukak ing 7 Fèbruari 2011.
  4. a b Thomas Brinkhoff (18 Fèbruari 2012). "INDONESIA: Urban City Population". City Population. Thomas Brinkhoff. Dibukak ing 16 Agustus 2012.
  5. "By Regency / Municipality in West Nusa Tenggara Year 2008". Badan Pusat Statistik Provinsi Nusa Tenggara Barat (Central Bureau of Statistics West Nusa Tenggara Province). December 11, 2009. Diarsip saka sing asli ing May 16, 2010. Dibukak ing 30 Agustus 2010.

Pranala njaba[besut | besut sumber]