Kapuloan Nusa Tenggara

Nusa Tenggara

Geografi
Lokasi	Asia Tenggara
Koordinat	9°00′S, 120°00′E
Kapuloan	Kapuloan Sunda
Negara
Indonesia
Provinsi	Bali, Nusa Tenggara Kulon, Nusa Tenggara Wétan
Timor Leste

Kapuloan Nusa Tenggara utawaKapuloan Sunda Kecil (saiki kadhangkala dianggo jroning péta-péta geografis donya), iku gugusan pulo-pulo ing sisih wétan Pulo Jawa, wiwit saka Pulo Bali ing sisih kulon, nganti Pulo Timor ing sisih wétan. Pulo Wetar sing dadi bagéan saka wilayah Provinsi Maluku sacara geologis uga kalebu jroning kapuloan Nusa Tenggara.

Sacara administratif, Kapuloan Nusa Tenggara kalebu wilayah negara Indonésia, kajaba bagéan wétan Pulo Timor kalebu wilayah negara Timor Leste.

Ing wiwitan kamardikan Indonésia, kapuloan iki minangka wilayah Provinsi Sunda Kecil sing ibu kuthané ing Singaraja, saiki dumadi saka 3 provinsi. ya iku: Bali, Nusa Tenggara Kulon, lan Nusa Tenggara Wétan.

Etimologi

Ing taun 1950-an Mentri Pendhidhikan lan Kabudayan Moh. Yamin njenengaké Kapuloan Sunda Kecil dadi Kapuloan Nusa Tenggara sing maknané "Nusa" (pulo, kapuloan) sing dumunung ing tenggara Indonésia.. Saiki jeneng "Nusa Tenggara" dipigunakaké déning rong dhaérah administratif: Provinsi Nusa Tenggara Kulon lan Nusa Tenggara Wétan.

Pulo-pulo utama

Bali

• Pulo Bali
• Pulo Nusa Penida

Nusa Tenggara Kulon

• Pulo Lombok
• Pulo Sumbawa
• Pulo Sangeang
• Pulo Moyo

Nusa Tenggara Wétan

• Pulo Komodo
• Pulo Flores
• Pulo Palue
• Pulo Adonara
• Pulo Solor
• Pulo Lomblen (Pulo Lembata)
• Pulo Pantar
• Pulo Alor
• Pulo Sumba
• Pulo Timor
• Pulo Sawu
• Pulo Rote

Deleng uga

• Dhaptar pulo-pulo Indonésia
• Kapuloan Sunda Besar