Pulo Palue

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pulo Palue
Senja wonten Pulo Palue

Pulo Palue inggih salah satunggaling pulo ing Indonésia ingkang dumunung ing sisih lor Pulo Florès. Miterat cathetan administratipipun, pulo punika kalebet wilayah Kabupaten Sikka, Propinsi Nusa Tenggara Timur, Indonésia.

Ing bagéyan sisih kidul saking Pulo Palue wonten gunung api inggih punika Rokatenda. Pulo Palu'e ugi dipunwastani "Pulo gunung" ing sakitering Laut Flores amargi dipunanggep gadhah kathah dhaérah gunung api ingkang miterat basa Palu'e dipunsebat "poa". "Poa" punika ingkang lajeng dipunginakaken déning masarakat Palu'e kanthi proses "sublimasi".

Geografi[sunting | sunting sumber]

Ambanipun Pulo Palu'e inggih punika kirang langkung 41 km². Déné pendhudhukipun wonten krang langkung 10.000 tiyang, ingkang kaperang wonten ing wolung désa ing Pulo Palue ingkang dumunung ing dataran rendhah lan dataran inggil. Ing Pulo Palue sampun wonten mergi ageng lan kendaraan bermotor wiwit taun 2006. Menawi badhe tumuju dhateng Pulo Palu'e saged liwat Maumere, salah satunggaling kitha ing Flores, mawi prau motor kayu dangunipun sekawan jam.

Pulo Palue mapan wonten ing titik koordinat 8°19'27"S 121°42'36"E. [1] Pulo Palue ingkang gadhah ambanipun kirang langkung 39,5 kilometer inggih bageyan awakipun Gunung Rokatenda. Pulo Palue mapan wonten ing Laut Flores lan kathah warga pendhudhuk ingkang dumunung ing pulo punika. Dene pendhudhuk ingkang dumunung ing Pulo Palue kirang langkung 10.000 tiyang ingkang kaperang wonten ing wolung desa. [2]

Pendhudhuk[sunting | sunting sumber]

Pendhudhuk ingkang dumunung ing Pulo Palue inggih punika etnis Palue, inggih punika salah satunggal saking enem etnis pendhudhuk ingkang dumunung ing Kabupaten Sikka. Warga Palue gadhah basa, adat, saha budaya ingkang beda saking masarakat Pulo Flores ing padatanipun. Warga masarakat Palue asring nindakaken maneka warna jinis upacara adat minangka wujud sukuripun dhateng Gusti ingkang Murbeng Dumadi. Salah satunggaling upacara adat ingkang taksih dipun uri-uri inggih punika Upacara adat "Pathi Kharaphau" ingkang dipun adani saben 5 taun sepisan minangka adicara puncak kangge ngaturaken gunging panuwun saha raos sukur awit saking sedaya nikmat, karunia ingkang sampun dipun paringaken dhateng masarakat Palue. Upacara punika dipun adani ing saperangan desa/dhusun, inggih punika wonten ing Nitung, Cua, Koa, Cawalo, Lei, Tomu, saha Ladaloka, kanthi wekdal anggenipun ngadani upacaranipun beda-beda ing antawisipun desa setunggal kaliyan desa sanesipun, gumantung saking wekdal ingkang sampun dipun temtokaken dening saben Lakimosa utawi kepala adat.

Cathetan Suku[sunting | sunting sumber]

  1. ^ (en)[[1]] Pulau Palue (dipunundhuh tanggal 11 Januari 2013)
  2. ^ (id)[[2]] Surono: Tidak Perlu Pengosongan Pulau Palue (dipunundhuh tanggal 11 Januari 2013)

Koordinat: 8°19′27″S 121°42′36″E / 8.32417°S 121.71°E / -8.32417; 121.71

Sumber artikel punika saking kaca situs web: "http://jv.wikipedia.org/w/index.php?title=Pulo_Palue&oldid=835171"