Pulo Moyo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pulo Moyo
Pulo Mojo
—  Pulo  —
Coordinates: 8°15′0″S 117°34′0″E / 8.25°S 117.566667°E / -8.25; 117.566667
kapuloan Sunda Kecil
Nusa Tenggara Barat
WewengkonPante 88 km
 • Total 350 km2 (140 sq mi)
Èlevasi 85 - 160 m (−440 ft)
Pulo Moyo

Pulo Moyo ugi dipunsebat Pulo Mojo inggih punika salah satunggaling pulo ing Indonésia ingkang dumunung udakawis 2,5 km ing sisih lor Pulo Sumbawa.[1] Ambanipun Pulo Moyo kirang langkung 350 km2, kanthi dhuwuripun paling inggil 671 meter, lan garis pante nipun 88 km. Ing administratif, pulo punika kalebet wilayah Kabupaten Sumbawa, Nusa Tenggara Barat, Indonésia. Pulo Moyo kalebet ing desa Labuan Aji saha Desa Sebotok, kecamatan Labuhan Badas, Kabupaten Sumbawa, propinsi Nusa Tenggara Barat. Miturut cathetan astronomis-ipun, Pulo Moyo mapan wonten ing titik koordinat 17º27’43” - 117º35’42” Bujur Timur dan 8º9’36” - 8º23’19” Lintang Selatan.

Geografi[sunting | sunting sumber]

Pulo Moyo mapan wonten ing sisih loripun saking Pulo Sumbawa Besar. Ambanipun Pulo Moyo inggih punika kirang langkung 32.044,86 hektar kanthi cacahipun pendhudhuk miturut sensus pendhudhuk taun 2010 inggih punika 1.944 tiyang. [2] Pulo Moyo sak punika sanpun dipun dadosaken Taman Wisata Alam Laut kanthi ambanipun ngantos 6.000 hektar wiwit dipun wedalaken surat keputusan menteri kehutanan dan perkebunan no. 308/KPTs-11/1986 nalika tanggal 29 September 1986 ing ngandhap pengendalian Badan Konservasi sumber daya alam Nusa Tenggara Barat. Ing Pulo Moyo wonten 6 dhusun ingkang wonten pendhudhukipun, inggih punika:

  • Dhusun Labuan Aji
  • Dhusun Brang Rea
  • Dhusun Sebotok
  • Dhusun Brang Kua
  • Dhusun Stema
  • Dhusun Patedong

Pulo Moyo taksih gadhah raman buru ingkang ambanipun kirang langkung 22.000 hektar, dados taksih kathah potensi wisata ingkang saged dipun padosi saha saged paring kontribusi dhateng Pemerintah Daerah Nusa Tenggara Barat saha masarakat ing sakiteripum. Taman buru ingkang mapan ing pulo Moyo punika sae sanget dipun dadosaken papan wisata amargi ing salebetipun taman taksih wonten maneka warna flora saha fauna, mliginipun manuk Cacatua Sulphurea saha manuk bertong.

Kahanan Fisik[sunting | sunting sumber]

Iklim ing Pulo Moyo inggih padatanipun iklim tropis kanthi curah udanipun ing antawisipun 1250 mm/th ing dhaerah ingkang andhap ngantos 1500- 2000 mm/taun ing dhaerah dataran inggil. Jinising siti ing pulo Moyo punika inggih siti regosol kelabu saha Litosol bahan induk awu vulkanis intermediate. [3] Kahanan wilayah perairanipun ing Taman wisata alam laut pulo Moyo inggih gadhah perairan ingkang landai.

Cathetan Suku[sunting | sunting sumber]

  1. ^ (id) [1] (dipunundhuh tanggal 23 Oktober 2012)
  2. ^ (id)[[2]] Pulau Moyo (dipunundhuh tanggal 10 Januari 2013)
  3. ^ (id)[3]] Kawasan Konservasi (dipunundhuh tanggal 10 Januari 2013)
Sumber artikel punika saking kaca situs web: "http://jv.wikipedia.org/w/index.php?title=Pulo_Moyo&oldid=834946"