Kulawarga

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kulawarga yaiku masarakat cilik kang ing njeroné ana sapérangan uwong kang isih kaiket. Kulawarga kuwi dipimpin dèning bapak, lan sakabèhing uwong manggon ana ing papan kang nyawiji lan padha nyengkuyungan. [1]

Manut aturé Salvicion lan Celis (1998) ing kulawarga kuwi ana wong loro utawa luwih kang dumadi saka paseduluran sedulur undha-undhi, sedulur kang nyeduluraké saka dedhaupan, ing uripe sajroning bebrayan, urip bebarengan lan nglakokaké tugasé dhèwè-dhèwè lan nggawè sarta nguri-uri kabudayan. [2]


Jenis[sunting | sunting sumber]

Ana sapèrangan jinising kulawarga, yaiku: kulawarga utama kang dumadi saking kakung, èstri, lan para putra putriné, kang padha cecaturan saka salah siji utawa loroné wong tuwa. [3]: Sakliyané kuwi uga ana kulawarga amba kang ditarik adhedhasar garis tedak turun ana dhuwuré kulawarga kang asli. Wong kang kalebu ana ing kulawarga amba yaiku pak Lik, buk Lik, kulawarga mbah kakung, lan kulawarga mbah putri.

Fungsi[sunting | sunting sumber]

Kulawarga kuwi nduwèni fungsi kang kudu dilakoni, yaiku.

  1. Fungsi Pendhidhikan saking carané kulawarga bisa ndhidhik lan nyekolahaké anak kanggo bèsuk gedhèné. [3]
  2. Fungsi Sosialisasi anak saking carané kulawarga nyiapaké anak dadi uwong kang bisa sesrawungan ana ing masyarakat kanthi becik. [3]
  3. Fungsi Pangayoman ketingal saking kepriyé carané kulawarga ngayomi anak saèngga para brayat krasa ayem tentrém kartaraharja. [3]
  4. Fungsi Rasa ditingali saking kepriyé kulawarga kanthi cara tumemen mangerti lan ngrasakaké rasa lan kahanan anak lan sakabehé sajroning cecaturan lan guneman sapadha anggota kulawarga. Saèngga ndadèaké rasa pangertèn marang liyan kanggo nuwuhake katentreman ing kulawarga. [3]
  5. Fungsi Agama ditingali saking kepriyè carané kulawarga ngenalké lan ngajak anak lan anggota kulawarga sakabèhanè nanem rasa percaya yen urip ing donya iki ana sing ngatur lan ana panggonan urip liayané sakwise urip iki. [3]
  6. Fungsi Ekonomi ditingali saking kepriye pangayoming kulawarga bisa golek nafkah, ngatur ekonomine supaya bisa nutup apa-apa kang dibutuhake ana ing kulawarga. [3]
  7. Fungsi Rekreatif ditingali saking kepriye nggawe kahanan kang nyenengake lan nengsemake ana ing kulawarga, kayata nonton TV bareng, nyritakake kedadean kang pernah dilakoni dhewe-dhewe, lan sapanunggalane. [3]
  8. Fungsi Biologis ditingali saking kepriye kulawarga nerusake anak putu minangka dadi generasi salajenge. [3]
  9. Menehi rasa welas asih, migatosi, lan rasa ayem ing antarane kulawarga, sarta ndewasakake kapribaden saben anggota kulawarga. [3]

Bentuk Kulawarga[sunting | sunting sumber]

Betuk kulawarga kang ditingali saking kepriyé cara netepaké apa kang dadi karepé diperang dadi loro, yaiku adedasar papan lan adedasar pola otoritas.[4].

Subsistem sosial[sunting | sunting sumber]

Subsistem kang nèng jero kulawarga ana werna telu, yaiku subsistem kakung-èstri, subsistem wong tua-anak, lan subsistem sibling (raka-yayi).[5] Subsistem kakung-estri kawujud saking kakung lan estri kang padha urip bebarengan kanthi kekarepan kanggo mbangun kulawarga. [5] Pacangan iki padha nyengkuyung bebarengan lan mbangun talènan kang ngayomi subsistem kasebut saking gangguan kang ana saking kawigatèné wong akeh utawa kabutuhan saking subsistem-subsistem liyane.[5] Subsistem wong tua-anak dumadi wiwit lairé anak nèng kulawarga, subsistem iki isiné ngenani bab transfer nilèi lan kawruh uga ngenalke tanggeljawab ngenani sedulur Bapak Ibu lan anak. [5]

Referensi[sunting | sunting sumber]

  1. ^ [http://www.poltekkes-malang.ac.id/DATA%20JPEG/ANAK%20DLM%20KELUARGA.pdf Sugeng Iwan, “Pengasuhan Anak dalam Keluarga”
  2. ^ Baron, R. A dan Donn Byrne. 2003. Psikologi Sosial. Jakarta: Erlangga
  3. ^ a b c d e f g h i j Richard R Clayton. 2003. The Family, Mariage and Social Change. hal. 58
  4. ^ Fr Tderique Holdert dan Gerrit Antonides, “Family Type Effects on Household Members Decision Making”, Advances in Consumer Research Volume 24 (1997), eds. Merrie Brucks and Deborah J. MacInnis, Provo, UT: Association for Consumer Research, Pages: 48-54
  5. ^ a b c d Minuchin, S (1974). Families and Family Therapy. Cambridge, MA: Harvard University Press.
Sumber artikel punika saking kaca situs web: "http://jv.wikipedia.org/w/index.php?title=Kulawarga&oldid=859310"