India

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Disambig.svg
Kanggé kagunan sanès saking ', mangga mriksani [[]].
Republic of India
भारत गणराज्य
Bhārat Ganarājya
Motto: Satyamēva Jayatē
(Basa Sanskerta: Hanya Kebenaran yang Berjaya)
Lagu kabangsanJana Gana Mana
Ibu kutha New Delhi
Largest city Mumbai (Bombay)
Basa resmi Hindi, Inggris lan 21 basa liyane
Pamaréntahan Republik federal
 -  Presiden Pratibha Patil
 -  Wakil Presidhen Mohammad Hamid Ansari
 -  Perdana Mentri Manmohan Singh
Kemerdekaan Dari Britania Raya
 -  Deklarasi 15 Agustus 1947 
 -  Republik 26 Januari 1950 
 -  Banyu (%) 9,56
Pedunung
 -  2006 estimate 1.098.577.839 (2)
 -  2001 census 1.027.015.247
PDB (KKB) 2005 estimate
 -  Total US$3,334 trilyun (4)
 -  Per capita US$3.019 (120)
Valuta Rupee (Rs.)1 (INR)
Zona wektu IST (UTC+5:30)
 -  Summer (DST) ora diterapake (UTC+5:30)
Kodhe tilpun 91
Internet TLD .in

Republik India iku sawijining negara ing Asia Kidul. Jeneng-jeneng liyané negara iki iku Bharat utawa Bharata lan Jambudwipa. Tembung pungkasan iki tegesé "Pulo Jambu" lan dijenengaké mengkono amarga mèmper woh jambu. India kuwi negara ing Asia sing nduwèni pedunung paling akeh kaloro ing donya, kanthi populasi luwih saka sak milyar jiwa, lan minangka negara paling gedhé kapitu miturut ukuran wilayah geografis. Cacahing pedunung India tuwuh ngrembaka wiwit tengahan 1980-an. Ekonomi India iku paling gedhé kapapat ing donya miturut angka PDBné, diukur saka segi paritas daya beli (PPP), lan salah siji sing tuwuhing ekonomi paling cepet ing donya. India, negara kanthi sistem demokrasi liberal paling gedhé sadonya, uga wis muncul minangka kakuwatan regional sing wigati, nduwèni kakuwatan militer paling gedhé lan kamampuan nuklir.

Dumunung ing Asia Kidul kanthi garis pantai dawané 7.000 km, lan bagéyan saka anak bawana India, India iku bagéyan saka rute dedagangan wigati. India wewatesan karo Pakistan, Republik Rakyat Cina, Myanmar. Banglades, Nepal, Bhutan, lan Afganistan. Sri Lanka, Maladewa, lan Indonesia iku negara kapulon sing wewatesan.

India minangka dunungé peradaban kuna kaya Budaya Lembah Indus lan minangka papan kalahiran saka papat agama utama donya: Hindhu, Buddha, Jainisme, lan Sikhisme. Negara iki minangka bagéyan saka Britania Raya sadurungé mardika ing taun 1947.

Ekonomi[sunting | sunting sumber]

Artikel utama: Ekonomi India

India nduwèni ekonomi sing dumunung ana ing urutan ka-10 jroning konversi mata uang lan ka-4 paling gedhé jroning PPP. India nduwèni rékor ekonomi kanthi angka tuwuh paling cepet watara 8% ing taun 2003. Amarga populasiné sing akèh banget, mula pametu per kapita India miturut PPP mung AS$3.262, dumunung ana ing urutan ka-125 déning Bank Donya. Cadhangan valuta asing India watara AS$143 milyar. Mumbai minangka ibu kutha finansial negara iki lan uga minangka panggonané Reserve Bank of India lan Bombay Stock Exchange. Senadyan seprapat saka pedunung India isih urip ing sangisoré garis kamiskinan, cacahing kelas menengah sing gedhé wis muncul amarga cepeté tuwuhing industri teknologi informasi.

Ekonomi India biyèn akèh gumantung marang tetanèn, nanging saiki mung nyumbang kurang saka 25% PDB. Industri wigati liyané klebu tambang, lenga, pengasahan berlian, film, tekstil, teknologi informasi, lan kerajinan tangan. Akèh-akèhé dhaérah indhustri India dumunung ing kutha-kutha utama. Taun-taun pungkasan iki, India wis muncul minangka salah siji pemain paling gedhé jroning babagan perangkat lunak lan business process outsourcing, kanthi pametu watara AS$17,2 milyar ing 2004-2005. Lan ana uga akèh indhustri skala cilik sing nyadiakaké lapangan makarya sing stabil kanggo pedunung ing kutha cilik lan padesan.

Senadyan India mung nampa watara telung yuta tamu asing saben taun, pariwisata tetep wigati lan isih dadi sumber pametu nasional sing durung ngembang. Pariwisata nyumbang 5,3 persen saka PDB India. Partner dagang utama India klebu Amérika Sarékat, Jepang, Republik Rakyat Cina lan Uni Emirat Arab.

Ekspor utama India klebu produk tetanèn, tekstil, batu mulia lan perhiasan, jasa perangkat lunak lan teknologi, hasil teknik, kimia, lan asil kulit déné komoditas imporé yakuwi lenga mentah, mesin, watu aji, rabuk, kimia. Ing taun 2004, total ekspor India gunggung AS$69,18 milyar déné impor watara AS$89,33 milyar.

Geografi lan cuaca[sunting | sunting sumber]

Artikel utama: Geografi India
Himalaya, sing mujur wiwit saka Jammu lan Kashmir ing lor nganti Arunachal Pradesh ing wétan adoh, dadi mèh kabèh tapel wates India ing sisih wétan

Kabèh negara-negara bagéyan India ing lor lan lor-wétan diwangun déning Banjaran Himalaya. Wilayah liyané dumadi saka hamparan Indo-Gangetik sing subur. Ing sisih kulon sing wewatesan karo Pakistan kidul-wétan ana Gurun Thar. Semenanjung India ing kidul mèh kabèh minangka bagéyan saka hamparan Dekan (Deccan). Ing kaloro sisi hamparan iki ana rong banjaran pesisir sing awujud pabukitan, Ghats Kulon lan Ghats Wétan.

India nduwèni kali gedhé kayadéné Kali Gangga, Brahmaputra, Yamuna, Godavari, lan Krishna. Kali-kali kasebut sing nyebabaké subur hamparan-hamparan ing sisih lor India saéngga cocog kanggo tetanèn.

Cuaca India werna-werna, saka cuaca tropis ing kidul nganti cuaca menengah ing sisih lor. Sebagéyan tlatah India sing dumunung ing pagunungan Himalaya nduwèni cuaca tundra.

Negara-negara bagéyan lan Union Territory[sunting | sunting sumber]

India dibagi dadi 28 negara bagéyan (sing banjur dibagi dadi distrik), enem Wilayah Panunggalan (Union Territory) lan Wilayah Ibu Kutha Nasional (National Capital Territory) Delhi. Negara-negara bagéyan nduwèni pamaréntah sing dilantik dhéwé, sauntara wilayah-wilayah Panunggalan dipréntah sawijining pangurus sing dilantik pamaréntah panunggalan (union government), senadyan sapérangan ing antarané duwé pamaréntah sing dilantik.

Negara bagéyan lan wilayah India:

  1. Andhra Pradesh
  2. Arunachal Pradesh
  3. Assam
  4. Bihar
  5. Chhattisgarh
  6. Goa
  7. Gujarat
  8. Haryana
  9. Himachal Pradesh
  10. Jammu lan Kashmir
  11. Jharkhand
  12. Karnataka
  13. Kerala
  14. Madhya Pradesh
  1. Maharashtra
  2. Manipur
  3. Meghalaya
  4. Mizoram
  5. Nagaland
  6. Orissa
  7. Punjab
  8. Rajasthan
  9. Sikkim
  10. Tamil Nadu
  11. Tripura
  12. Uttaranchal
  13. Uttar Pradesh
  14. Bengal Kulon

Wilayah Panunggalan

  1. Kapuloan Andaman lan Nicobar
  2. Chandigarh
  3. Dadra lan Nagar Haveli
  4. Daman lan Diu
  5. Lakshadweep
  6. Pondicherry

Wilayah Ibu Kutha Nasional:

  1. Delhi

Seni budaya[sunting | sunting sumber]

Kesenian India misuwur kanthi filem-filem Bollywood, sing mujudake film kang khas seka India yaiku nganggo tembang-tembang lan tarian ing saknjerone filem.

Uga delengen[sunting | sunting sumber]

Referensi[sunting | sunting sumber]

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:

Wikivoyage   Pirsani pandhuan wisata India ing Wikivoyage


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.


Negara-negara ing Asia Kidul

Bangladesh | Bhutan | India | Maladewa | Nepal | Pakistan | Sri Lanka

Sumber artikel punika saking kaca situs web: "http://jv.wikipedia.org/w/index.php?title=India&oldid=804749"