Tetanèn

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambaran klasik tetanèn ing Indonésia

Tetanèn utawa Pertanian iku kagiatan pamanfaatan sumber daya hayati sing diayahi déning manungsa kanggo ngasilaké bahan pangan, bahan baku indhustri, utawa sumber ènèrgi, sarta kanggo nglola lingkungan uripé. Kagiatan pamanfaatan sumber daya hayati sing klebu jroning babagan tetanèn biasa dimangertèni minangka budidaya tanduran utawa nenamdur (basa Inggris: crop cultivation) sarta nggedhèkaké kéwan (raising), senadyan cakupané bisa uga arupa pamanfaatan mikroorganisme lan bioenzim jroning pangolahan prodhuk lanjutan, kaya pangolahan kèju lan témpé, utawa saukur ekstraksi waé, kaya golèk iwak utawa eksploitasi alas.

Bagéyan paling gedhé pedunung donya golèk pangan ing lingkup tetanèn, nanging tetanèn mung nyumbang 4% saka PDB donya. Sajarah Indonésia wiwit mangsa kolonial nganti saiki ora bisa dipisahaké saka sèktor tetanèn lan perkebunan, amarga sèktor - sèktor iki nduwèni makna sing wigati banget jroning nemtokaké pambentukan manéka realitas ékonomi lan sosial masarakat ing wilayah- wilayah Indonésia. Miturut data BPS taun 2002, bidang tetanèn ing Indonésia nyadiakaké lapangan kerja tumrap 44,3% pedunung senadyan mung nyumbang watara 17,3% saka total pametu domestik bruto.

Kelompok èlmu-èlmu tetanèn nyinaoni tetanèn kanthi dhukungan èlmu-èlmu pendhukungé. Inti saka èlmu-èlmu tetanèn yaiku biologi lan ekonomi. Amarga tetanèn tansah kaiket déning ruang lan wektu, èlmu-èlmu pendhukung, kaya èlmu lemah, météorologi, permesinan tetanèn, biokimia, lan statistika, uga dipelajari jroning tetanèn. Usaha tani (farming) arupa bagéyan inti saka tetanèn amarga nyangkut sakumpulan kagiatan sing diayahi jroning budidaya. Petani utawa among tani iku sebutan tumrap wong sing nyelenggarakaké usaha tani, contoné "petani tembako" utawa "petani iwak". Pelaku budidaya kéwan (livestock) sacara khusus disebut minangka peternak.

Deleng uga[sunting | sunting sumber]

Rujukan[sunting | sunting sumber]


Catatan sikil[sunting | sunting sumber]


Pranala jaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Tetanèn&oldid=827129"