Jambu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jambu
Jambu banyu
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Myrtales
kulawarga: Myrtaceae
Commons-logo.svg
Wikimedia Commons gadhah galeri bab:

Jambu utawa ing basa krama kasebut jambet yaiku arané wit lan wohé sing godhongé lonjong, akèh pangé lan dhuwuré nganti 10 meter .[1]Jenisé jambu kuwi paling sethithik ana telu: jambu banyu, jambu kluthuk, lan jambu ménté utawa jambu ból (Anacandiumn occidentale).[1] Jambu banyu utawa jambu wèr ing basa inggris kasebut Eugenid aquea kuwi bentuké mèh kaya bèl uga rasané legi.[1] Wernané yèn isih enom putih utawa ijo, lan yèn wis mateng bisa uga putéh, ijo, kunéng, jambón, utawa abang.[1] Dhagingé akèh banyuné.[1] Néng njero dhaging biasané ana wiji lan hówó, béda karo jambu kluthuk (jambu watu ) sing tengahé padhet uga akèh isiné basa latiné Psidium gunjava. [1] Jambu ból pada karo jambu banyu bentuké, tapi pucuké ketambahan kacang ménté, ing basa Indonésia asring kasebut [[jambu mony amergi wujudé kaya kethèk.[1] Jambu bisa digawe setup utawa asinan.[2]

Jinising jambu[sunting | sunting sumber]

Jambu kluthuk[sunting | sunting sumber]

Jambu kluthuk bisa nyegah penyakit jantung.[1] Jambu kang nduwéni jeneng latin Psidium guajava L iki nduwe zat kang bisa kanggo obat.[1] Saben 100 gram jambu kluthuk kang wis mateng ngandhut 0,9 g protein, 0,3 g lemak, 12,2 g karbohidrat, 14 mg kalsium, 28 mg fosfor, 1,1 mg besi, 25 SI vitamin A, 0,02 mg vitamin B1, 87 mg vitamin C, lan 86 g banyu, lan total kalori cacahe 49 kalori.[1] Jambu kluthuk uga nduwéni vitamin C luwih akéh katimbang jeruk kang mung 49 mg saben 100 g jeruk.[1] Vitamin C ana ing kulit lan daging njaba kang empuk lan kandel.[1] Jambu kluthuk ngandhut vitamin C paling akeh nalika arep mateng.[1]Vitamin C kang ana ing jambu kluthuk bisa nyukupi kabutuhan bocah kang umure 13-20 taun yaiku kurang luwih 80-100 mg saben dina, utawa kabutuhan vitamin C wong tua kang cacahe 70-75 mg saben dina.[1] Saben jambu klutuk kang aboté 275 gram saben jambu bisa nyukupi kabutuhan vitamin C 3 wong kang wis dewasa utawa bocah loro.[1]

Tamba kolésterol[sunting | sunting sumber]

Jambu kluthuk akeh seraté, khususe pektin utawa serat kang bisa larut ing banyu. [1]Pektin bisa ngedhunake kolésterol kanthi cara nglunturke kolesterol lan asam empedu ing awak lan ngetokké saka awak. [1]Saka penelitian Singh Medical Hospital and Research Center Morrabad, India, nuduhake yen jambu kluthuk bisa ngedhunaké kolésterol total lan trigliserida lan tamba hipertènsi.[1]

Tanin kang ana ing jmbu kluthuk bisa kanggo nglancarakè pencernaan lan sirkulasi darah, lan kanggo maténi virus.[1] Tanin iki kang ndadekaké jambu kluthuk nduwé rasa sepet.[1] Kalium kang ana ing woh iki gunané supaya jantung bisa nduwé irama kang teratur, ngaktifake kontraksi otot, ngatur transportasi zat ing awak, lan ngurangi kadar kolésterol total lan ncegah hiperténsi. [1]Mangan jambu kluthuk 0,5-1 kg/dina nganti 4 minggu, bisa ngurangi resiko serangan jantung nganti 16 perséén.[1]

Jambu kluthuk uga ngandhut zat likopén, yaiku zat karotenoid kang bisa dadi antioksidan saéngga bisa njaga awak saka kanker. Ing jambu kluthuk wiji abang, zat likopén iki akeh cacahé. Godhong jambu kluthuk uga bisa kanggo obat, amarga godhongé nduwéni tanin, eugenol (minyak asiri), minyak lemak, damar, zat samak, triterpinoid, lan asam apfel. Wijiné jambu kluthuk ngandhut 14 persen lengan atsiri, 15 persen protéin, lan 13 persen tepung.

Khasiat Jambu Kluthuk[sunting | sunting sumber]

Jambu kluthuk bisa kanggo obat:

  • Diabétes Mellitus
  • Maagh
  • Mencret
  • Masuk Angin
  • Beser
  • Prolapsisani
  • Sariawan
  • Keputian
  • kolestrol
  • kembung


Dasanama[sunting | sunting sumber]

Glima breueh, glimeu beru, galiman, masiambu, biawas, jambu biawas, jambu batu (Sumatera); jambu klutuk, jambu krutuk, jhambu bhender, bayawas, tetokal, tokal (Jawa); jambu klutuk (Sunda); kojabas (Nusa Tenggara); kayawese (Maluku); fan shi liu gan (Cina).[1]

Jambu wèr[sunting | sunting sumber]

Jambu wèr uga diarani jambu air. [3] Jeneng ilmiahe Syzygium aquaeum (Burm.f.) Alst, biyen diarani ''Eugenia aquea Burm.f.'' [[3] Wit jambu wèr dhuwure kira=kira 6-7 meter.[[3] Jambu wèr nduweni wit kang pang-pange lunyu, godhonge gedhe lan dawa. [[3]kembangê werna abang coklat lan gedhé.[[3] Woh kang wis mateng ukuran lan wernané béda-béda.[[3] Ana kang nduwé wiji, lan ana kang tanpa wiji.[[3] Rasane uga ana sing kecut, legi, lan rada sepet.[[3]

Jambu wèr asale saka Indo-Cina lan Indonésia.[[3] Jambu wèr biyasane dadi tanduran ing latar omah.[[3] Jambu iki urip nyebar ing tlatah Indonesia.[[3] Biyasane urip ing dhaerah kang dhuwure 300 m dpl.[[3] Jambu wer ditengkarake kanthi wijine lan cara cangkok.[[3] Yen nganggo wiji biyasane bakal suwe metune woh, lan umume padha nganggo cangkok kanggo nengkarake jambu wer.[[3] Kanthi cangkok, jambu wèr bisa thukul nganti 5-6 meter lan woh sawise 3-4 taun.[[3] Jambu wèr ngembang setaun kaping pindho, yaiku sasi Juli lan Agustus, saengga wohe bisa dipanen ing sasi September-Nopember.[[3] Woh kang wis mateng bisa kanggo buah sawise mangan, uga kena kanggo asinan.[[3] Ing Jakarta dhaerah kang diarani pusat jambu wer yaiku dhaérah Pasar Minggu.[3]

Jeneng liya jambu wèr yaiku jambu ayer mawar (Malaysia), jambu aie (Min.), jambu cai (Sd.), jambu wer (Jw.), jhambhu wir (Md.), nyambu er (Bl.), kumpas, kumpasa, kombas, kembes (bahasa-bahasa di Sulut), jambu jene, jambu salo (Sulsel), jambu waelo, kuputol waelo, lutune waele, kopo olo (Seram, jambu kancing (Ind.), kultivar kang wohé cilik-cilik. [4]

Ing negara liya, jambu iki jenengé machom phupa atau chomphu pa (Thai), tambis (Fil.), bell fruit, water apple (Ingg.) dan lain-lain.[2]

Jambu bol[sunting | sunting sumber]

Jambu bol utawa jambu dersana kalebu tanduran taunan kang asale saka kawasan Indo-Cina, Malaysia, Filipina lan Indonésia.[5] ing Indonésia jambu bol akéh-akéhé urip ing Pulo Jawa.[5]

Dasanama[sunting | sunting sumber]

  • Eugenia malaccensis[6]
  • Caryophyllus malaccensis (L.) Stokes [6]
  • Jambu bol, Jambu thokal [6]
  • Mountain Apple [6]
  • Makopa [6]
  • Syzygium malaccense.[6]
  • Jambu ripu (Aceh), dharsana (Madura), jambu bol (Sunda, batak, lampung), Myambu bol (Bali), Jambu bo (Minangkabau), jambu boa (Jambi) dan maufa (Nias).[5]


Klasifikasi[6] Kingdom: Plantae (Tumbuhan) Subkingdom: Tracheobionta (Tumbuhan berpembuluh) Super Divisi: Spermatophyta (Menghasilkan biji) Divisi: Magnoliophyta (Tumbuhan berbunga) Kelas: Magnoliopsida (berkeping dua / dikotil) Sub Kelas: Rosidae Ordo: Myrtales Famili: Myrtaceae (suku jambu-jambuan) Genus: Syzygium Spesies: Syzygium malaccense[6]


Jambu bangkok[sunting | sunting sumber]

Jambu bangkok yaiku jambu kluthuk kang gedhe ukurané. [7] Ing Medan jambu iki biyasané digawé manisan.[7] Manisan jambu bangkok dadi olèh-olèh kang paling disenengi.[7] Manisan jambu bangkok wernané ijo padang, rasane seger, apamaneh yeng dipangan karo bumbu rujak.[7] Sadurungé digawé manisan, jambu bangkok diocèki lan wijiné dibuwang.[7] Sawise iku banjur dikethok-kethok lan dikum ing banyu suji supaya warnané katon seger.[7] Sawisé iku banjur di wénèhi bumbu rujak.[7]


Cathetan Suku[sunting | sunting sumber]

  1. ^ a b c d e f g h i j k l m n o p q r s t u v w (id)[1]{dipunundhuh tanggal 7 Maret 2011)
  2. ^ a b (id)[Verheij, E.W.M. dan R.E. Coronel (eds.). 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2. Hal. 376-380.]
  3. ^ a b c d e f g h i j k l m n o p q r (id)[2](dipunundhuh tanggal 7 April 2011)
  4. ^ Rahardi, F. 2003. Apel Jawa yang Dipopulerkan Taiwan. Harian Kompas online, Sabtu 27 September 2003.
  5. ^ a b c (id)[3](dipunundhuh tanggal 7 April 2011)
  6. ^ a b c d e f g h (id)[4](dipunundhuh tanggal 7 April 2011)
  7. ^ a b c d e f g {id}[5](dipunundhuh tanggal 7 April 2011)


Deleng Uga Who-wohan
Sumber artikel punika saking kaca situs web: "http://jv.wikipedia.org/w/index.php?title=Jambu&oldid=816863"