Albumin
 |
Artikel punika pinuju ngalami éwah-éwahan ageng ngantos 28 Februari 2013 Kanggé nyegah konflik panyuntingan, nyuwun tulung supados boten nyunting artikel punika nalika pesen punika taksih wonten. Kaca punika pungkasan dipunsunting déning Legobot (Kontrib • Log) 69 dinten 876 menit kapungkur. |
|
|
Artikel pelatihan Papat Limpad 2012 punika perlu dipunrapèkaken supados miturut dhumateng standhar Wikipédia |
Albumin (Basa Latin: albus, putih) yaiku aran kang digunakaké kanggo ngrujuk tumuju kabèh jinis protein monomer kang larut ing banyu lan ing larutan uyah. Albumin ngalami koagulasi nalika kena panas. Substansi kang ngandhut albumin kayata putih endhog kang diarani albuminoid. Ing manungsa, albumin dikasilaké dèning retikulum endoplasma ing jero ati kanthi bentuk proalbumin, banjur diiris dèning badan Golgi kanggo disèkrèsi kanggo ngganepi kira-kira 60% cacahé serum getih kanthi konsentrasi antarané 30 nganti 50 g/L. Albumin kuwi jinis protein kang paling akèh ing jero awak lan duwé kagunan wigati kanggo awak.[1] Albumin dikasilaké dèning ati lan duwé wektu paruh 20 dina.[1]
Albumin duwé boboét molekul udakara 65 kD lan kawangun saka 584 asam amino tanpa karbohidrat. Gen kanggo albumin dumunung ing kromosom 4, kanthi dawa udakara 16.961 nukleotida lan 15 ekson kang kapérang ing telung domain simetris. Saéngga diprakirakaké albumin kuwi triplikasi saka domain primordial kang tunggal (siji). Saben domain kapérang manèh dadi 2 sub-domain.
Mutasi ing gèn iki bisa njalari manéka jenis protein kanthi kagunan kang ora tumata. Mula éwah-éwahan sipat ing domain pencerap, kayata spesi reaktif oksigen, spesi reaktif nitrogen, lan kasil saka réaksi biomolekul liya (kaya kasil saka peroksidasi lipid) kadadèn kanthi cara fisiologi lan patofisiologi kanthi anané albumin.[2]
Kagunan [sunting]
- Njaga tekanan onkotik. Tekanan onkotik kang dituwuhaké dèning albumin bakal njaga kagunan ginjal lan ngelongi edema ing saluran pencernaan,[3] lan digunakaké kanthi metode hemodilusi kanggo nangani penderita serangan stroke akut.
- Ngusungi hormon tiroid
- Ngusungi hormon liya, mliginé kang bisa larut ing lemak
- Ngusungi asam lemak tumuju ati
- Ngusungi obat-obatan lan nyendhakaké wektu paruh obat kasebut
- Ngusungi bilirubin
- Nalèni ion Ca2+
- Minangka larutan penyangga
- Minangka protein radang fase-akut negatif. Konsentrasi albumin mudhun minangka tandha fase akut respon kekebalan awak sawisé infèksi, nanging tegesé awak ora lagi ing kahanan kurang nutrisi.
Cathetan Suku [sunting]
- ^ a b (id)Albumin(diundhuh 25 Januari 2013)
- ^ (en)"Physiological and pathological changes in the redox state of human serum albumin critically influence its binding properties". Institute of Physiological Chemistry, Center of Physiological Medicine, Division of Gastroenterology and Hepatology, Department of Internal Medicine, Medical University of Graz; K Oettl dan R E Stauber. http://www.ncbi.nlm.nih.gov/pmc/articles/PMC2013999. Retrieved 2011-08-22.
- ^ (en)"Small-volume resuscitation with hyperoncotic albumin: a systematic review of randomized clinical trials". Klinik für Anästhesiologie, Ludwig-Maximilians-Universität, Klinikum Grosshadern, Hygeia Associates, Physiologisches Institut – Vegetative Physiologie, Ludwig-Maximilians-Universität; Matthias Jacob, Daniel Chappell, Peter Conzen, Mahlon M Wilkes, Bernhard F Becker, dan Markus Rehm. http://www.ncbi.nlm.nih.gov/pmc/articles/PMC2447554. Retrieved 2011-08-21. "hyperoncotic albumin preserved renal function and reduced intestinal edema"
