Fisiologi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Fisiologi, iku asal saka tembung Yunani physis = 'alam' lan logos = 'crita'/(èlmu?), yakuwi èlmu sing nyinaoni fungsi mekanik, fisik, lan biokimia saka makhluk urip.

Fisiologi dipérang dadi fisiologi tetanduran lan fisiologi kéwan ananging prinsip saka fisiologi sifaté universal, ora gumantung marang sajinis organisme sing disinaoni. Upamané, apa sing disinaoni jroning fisiologi sèl khamir bisa uga dipatrapaké ing sèl manungsa.

Fisiologi kéwan diwiwiti saka metode lan peralatan sing dipigunakaké jroning pambelajaran fisiologi manungsa sing banjur sumrambah marang spesies kéwan saliyané manungsa. Fisiologi tetanduran akèh migunakaké teknik saka kaloro bidhang iki.

Cakupan subjek saka fisiologi kéwan iku kabèh makhluk urip. Akèhé subjek nyebabaké panelitèn ing bidhang fisiologi kéwan luwih kakonsèntrasi marang pemahaman owahing ciri fisiologis sadawaning sajarah evolusi kéwan.

Cabang ilmu liya sing tuwuh saka fisiologi iku biokimia, biofisika, biomekanika, lan farmakologi.

Sajarah[sunting | sunting sumber]

Fisiologi eksperimental diawali ing abad kaping-17, nalika ahli anatomi William Harvey njelasaké anané sirkulasi getih. Herman Boerhaave kerep disebut minangka bapak fisiologi amarga karyané arupa buku teks mawa judhul Institutiones Medicae (1708) lan cara mulangé sing cemerlang ing Leiden.

Bidhang fisiologi[sunting | sunting sumber]

Fisiologi nduwèni sawetara subbidhang. Elektrofisiologi magepokan karo cara kerja saraf lan otot; neurofisiologi nyinaoni fisiologi utek; fisiologi sèl nunjuk marang fungsi sèl sacara individual.

Akèh bidhang sing magepokan karo fisiologi, ing antarané yaiku Ekofisiologi sing nyinaoni efek ekologis saka ciri fisiologi kéwan utawa tetanduran lan suwaliké. Genetika dudu siji-sijiné faktor sing mengaruhi fisiologi kéwan lan tetanduran. Tekanan lingkungan uga kerep nyebabaké karusakan ing organisme eukariotik. Organisme sing ora urip ing habitat akuatik kudu nyimpen banyu jroning lingkungan sèlulèr. Ing organisme mau, dehidrasi bisa dadi masalah gedhé.

Dehidrasi ing manungsa bisa kedadéyan nalika ana paningkatan aktivitas fisik. Jroning bidhang exercise physiology, wis dilakoni manéka panelitèn ngenani èfèk dehidrasi marang homeostasis.

Deleng uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Fisiologi&oldid=822742"