Biomolekul

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Struktur myoglobin

Biomolekul arupa senyawa-senyawa organik prasaja pewangun organisme urip lan asifat khas minangka prodhuk aktifitas biologis. Biomolekul bisa dideleng minangka turunan hidrokarbon, yaiku senyawa karbon lan hidrogen sing duwé rangka dhasar sing kasusun saka atom karbon, sing dimanunggalaké déning ikatan kovalen. Rangka dhasar hidrokarbon asifat stabil banget, amarga ikatan tunggal lan dhobel karbon-karbon migunakaké pasangan elektron bebarengan sacara rata. Biomolekul asifat polifungsionil, ngandhut loro utawa luwih jinis gugus fungsi sing béda. Ing molekul mau, saben gugus fungsi duwé sifat lan reaksi kimia dhéwé-dhéwé.

Wangun senyawa biomolekul[sunting | sunting sumber]

Senyawa-senyawa biomolekul biasané ditepungi mawa patang wangun: protein, asam nukleat, karbohidrat, lan lipid. Papat golongan biomolekul mau sifat umumé yaiku duwé struktur sing relatif gedhé (bobot molekul gedhé), mula disebut makromolekul.

Bobot molekul (BM) protein kisarané watara 5000 nganti luwih saka sayuta; bobot molekul manéka jinis asam nukleat kisarané nganti pirang-pirang milyar, karbohidrat (polisakarida) bisa duwé bobot molekul nganti mayuta-yuta. Molekul lipid luwih cilik adoh (BM 750 nganti 1500). Nanging amarga lipid umumé kawangun saka éwonan molekul saéngga mbentuk struktur kanthi ukuran gedhé sing fungsiné kaya sistem makromolekuler, struktrur lipid uga bisa dianggep minangka makromolekul.

Protein arupa polimer asam-asam amino, karbohidrat arupa polimer monosakarida, asam nukleat arupa polimer mononukleatida. Monomer lipid ana manéka warna, gumantung ing jinis lipidé, ing antarané asam lemak, kolin, etanolamin, serin lan liya-liyané.

Fungsi biomolekul[sunting | sunting sumber]

Biomolekul nduwèni kagunaan tinentu sajroning sel, kayata:

  • protein minangka enzim, alat transpor, antibodi, hormon lan pambentuk membran;
  • karbohidrat minangka sumber tenaga, komponèn pambentuk membran lan dinding sel;
  • lipid minangka sumber tenaga, hormon, lan pambentuk sel;
  • asam nukleat minangka faktor genetika, koenzim, panggawa tenaga, lan pangatur biosintesis protein.
Sumber artikel punika saking kaca situs web: "http://jv.wikipedia.org/w/index.php?title=Biomolekul&oldid=815726"