Hormon

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Hormon (saka basa Yunani, όρμή: horman - "sing ngobahaké") iku panggawa pesen kimiawi sèl utawa klompok sèl siji lan sijiné. Kabèh organisme multiselular, klebu tetanduran (deleng artikel hormon tetanduran), mrodhuksi hormon.


Faktor Régulasi[sunting | sunting sumber]

Faktor régulasi iku senyawa kimia kang ngontrol prodhuksi sapérangan hormon sing duwé fungsi wigati kanggo badan. Senyawa mau dikirim menyang lobus anterior kelenjar pituitari déning hipotalamus. Ana 2 faktor regulasi, yaiku faktor pangucul (releasing factor) sing nyebabaké kelenjar pituitari nyèkrèsikaké hormon tinentu lan faktor panyandhet (inhibiting factor) sing bisa ngendhegaké sèkrèsi hormon mau. Minangka conto yaiku FSHRF (faktor pangucul FSH) lan LHRF (faktor pangucul LH) sing nyebabaké uculé hormon FSH lan LH.

Hormon Antagonistik[sunting | sunting sumber]

Hormon antagonistik arupa hormon sing duwé èfèk walikan, contoné glukagon lan insulin. Nalika kadhar gula getih asor banget, pankreas bakal mrodhuksi glukagon kanggo ningkataké manèh. Kadhar glukosa sing dhuwur nyebabaké pankreas mrodhuksi insulin kanggo ngedhunaké kadhar glukosa mau.

Réferènsi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Hormon&oldid=827083"