Gen

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Struktur kimia DNA

Gen iku bahan genetik sing magepokan kato sifat tartamtu.

Minangka bahan genetik mesthi waé gen diwarisaké saka sawijining individu marang individu liyané. Gen nduwèni wangun-wangun alternatif sing dijenengi alel. Ekspresi saka alel bisa sarupa, nanging wong luwih asring nggunaaké istilah alel kanggo ekspresi gen sing sacara fenotipik béda.

Gregor Mendel wis nduwé asumsi ngenani anané sawijining bahan sing magepokan karo sawijining sifat utawa karakter sing bisa diwarisaké. Panjenengané nyebutaké 'faktor'. Ing taun 1910, Thomas Hunt Morgan nuduhaké yèn gen ana ing kromosom. Sabanjuré, dumadi 'perlombaan' ramé kanggo nemokaké substansi sing arupa gen. Akèh bebungah Nobel sing banjur ditampa déning panliti sing mélu cawé-cawé ing subjek iki.

Ing wektu iku DNA wis ditemokaké lan dimangertèni mung ana ing kromosom (1869), nanging wong-wong durung pléga yèn DNA magepokan karo gen. Liwat panlitèn Oswald Avery marang bakteri Pneumococcus (1943), sarta Alfred Hershey lan Martha Chase (publikasi 1953) karo virus bakteriofag T2, wong lagi ngerti yèn DNA iku bahan genetik.

Saiki wong ngerti yèn gen arupa saberkas fragmen saka DNA sing bisa diekspresikaké selaras karo kaperluané.


Pirsanana uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Gen&oldid=814442"