Kromosom

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gambar 1: Kromosom. (1) Kromatid. Salah siji saka rong bagéyan identik kromosom sing kawangun sawisé fase S ing panyigaran sel. (2) Sentromer. Papan sambungan kaloro kromatid, lan papan nempèlé mikrotubulus. (3) Lengen cendhak (4) Lengen dawa.

Kromosom arupa struktur makromolekul gedhé sing ngamot DNA lan nggawa informasi genetik jroning sel. DNA kabuntel jroning siji utawa luwih kromosom.

Sawijining kromosom (ing basa Yunani chroma = werna lan soma= awak) iku seberkas DNA sing dawa banget lan berkelanjutan, sing ana akèh gen unsur regulator lan sekuens nukleotida liyané.

Jroning kromosom eukariota, DNA sing ora kakondensasi ana jroning struktur order-quasi jroning nukleus, ing ngendi dhèknèné mbungkus histon (protein struktural, Gambar 1), lan ing ngendi material komposit iki diarani chromatin. Sakwéné mitosis (panyigaran sel), kromosom kakondensasi lan diarani kromosom metafase. Babagan iki njalari saben kromosom bisa diamati liwat mikroskop optik.

Saben kromosom duwé rong lengen, sing cendhak diarani lengen p (saka basa Prancis petit sing tegesé cilik) lan lengen sing dawa lengan q (q sawisé p jroning alfabet).

Prokariota ora duwé histon utawa nukleus. Jroning kahanan santainé, DNA bisa diaksès kanggo transkripsi, regulasi, lan replikasi.

Kromosom pisanan diamati déning Karl Wilhelm von Nägeli nalika taun 1842 lan ciri-ciriné dijelasaké kanthi detil déning Walther Flemming taun 1882. Nalika taun 1910, Thomas Hunt Morgan mbuktèkaké yèn kromosom arupa panggawa gen.

Pirsani uga[sunting | sunting sumber]

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kromosom&oldid=822836"