Kopi Luwak

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Salah siji produk kopi luwak

Kopi luwak iku salah siji jenis kopi sing digawé saka wiji kopi lan sadurungé wis dipangan déning luwak.[1] Ing jero weteng luwak, wiji kopi ora isa kacerna amarga atos, sahingga nalika wiji kopi metu bareng karo telèké isih wutuh.[2] Wiji kopi kang wis kafermentasi kanthi alami ing jero weteng luwak, isa gawé rasa kopi luwak béda karo kopi liyané.[3] Miturut peneliti saka Kanada, protein ing weteng luwak nggawé wiji kopi kafermentasi kanthi mateng, sahingga rasa kopi luwak béda karo kopi liyané.[3] Suhu nalika fèrmentasi ing jero weteng luwak isa nganti 200-265 derajat celcius.[4] Fèrmentasi ing jero weteng luwak suwené nganti 48 jam.[4] Sedina luwak isa ngasilaké 0,2-o,4 kg wiji kopi luwak.[4]

Jeni kopi luwak ana 2, yaiku robusta lan arabika.[4] Jenis kopi luwak arabika digawé saka spèsiès kopi arabica.[4] Jenis kopi arabika paling akeh ing donya, cacahé 60% saka produksi kopi sadonya.[4] Tanduran kopi arabika uripé ing dataran dhuwur, dhuwuré tanduran iki 4-6 meter.[4] Kandhungan kafeiin ing kopi arabika 1,5 % lan nduweni 44 kromosom.[4] Kopi robusta uga diarani coffea canephora, dhuwure isa ngati 10-12 meter lan isa ditandur ing panggonan kang luwih endhèk saka habitat kopi arabika.[4] Kopi robusta kandhungan kafeine luwih dhuwir ketimbang kopi arabika, kandhungan kafein kopi robusta 2,8% lan kromosomé setengah saka kopi arabika, 22 kromosom.[4] Ambuné kopi robusta luwih kuwat, lan rasané uga netral.[4] Kopi jenis iki akèh ditemokaké ing warung-warung ing Indonesia minangka kopi instant.[4]

Asalé Kopi Luwak[sunting | sunting sumber]

Ana cerita kang nyebutaké kopi luwak wis dikenal wiwit tahun 1950-an, nalika jaman Hindia Belanda, akeh dibukak kebon kopi lan isih akèh kéwan luwak.[5] Nanging kéwan luwak saiki wis arang ditemokaké.[6] Luwak akéh diburu amarga daging luwak dipercara isa kanggo ngobati penyakit asma.[6] Luwak iku kéwan kang pinter, isa milih-milih kopi kang apik kanggo panganané.[4] Wiji kopi kang apik, dipangan déning luwak.[4] Ing jero weteng wiji kopi ngalami proses fermentasi, banjur metu awujud wiji kopi kang utuh campur karo telèk luwak.[3]


Kewan Luwak

Carané Gawé Kopi Luwak[sunting | sunting sumber]

Carané gawé kopi luwak kang disengaja déning petani kopi kaya mangkéné:[2]

  1. Pak tani ngundhuh woh kopi kang wis mateng, ciriné wernané abang.
  2. Banjur kopi mau dipilihi sing apik-apik kanggo mangan luwak.
  3. wiji kopi kang wis dipilihi dipakakake luwak. Luwak mung mangan daging woh kopine, isi kopi ora isa dicerna déning luwak. Banjur wiji kopi metu arupa telèk.
  4. Telèk luwak banjur dikumpulake.
  5. Wiji kopi banjur dipisah saka telèk luwak, diresiki, banjur dipépé nganti garing. Sawisé garing wiji kopi isa dialuské lan siap digawé kopi.

Umumé wong Indonesia, luwih seneng kopi kang dimasak nganti ireng.[7] Ing Korea, Jepang, Taiwan luwih seneng kopi kang dimasak nganti werna soklat rada ireng.[7] Nanging wong Eropa luwih seneng kopi kang wernane soklat.[7]

Ana 8 jenis penggorengan (roasting) utawa teknik penggorengan kopi, yaiku:[7]

  1. Light Roast : warnané kopi sokelat rada kuning, rasané kecut, ambuné ora pati nyegrak. Rada mambu kopi mentah.
  2. Cinnamon Roast : penggorèngan ala Amerika. Rasané rada kecut. Warnané Cinnamon (kayu manis)
  3. Medium Roast : rasané kecut lan ambuné legi. Warnané kaya kacang.
  4. High Roast : rasa pahité luwih krasa ketimbang kecuté. Apik kanggo ès kopi.
  5. City Roast : rasa lan ambuné rata. Ala New York
  6. Full City Roast : rasané rada pahit sithik tinimbang rasa kecuté. Apik kanggo ès kopi
  7. French Roast : luwih pahit. Ala Eropa. Apik kanggo ès kopi
  8. Italian Roast: rasané pahit lan ambuné kuat nanging ora kecut. Warnané rada ireng. Apik digunakaké kanggo Espresso lan cappuccino

Urutan Kopi kang paling Larang[sunting | sunting sumber]

10 kopi paling larang:[8]

  1. Kopi Luwak – Indonesia
  2. Hacienda La EsmeraldaBoquete, Panama
  3. Island Dari St Helena Coffee CompanySt Helena
  4. El InjertoHuehuetenango, Guatemala
  5. Fazenda Santa InesMinas Gerais, Brazil
  6. Blue MountainWallenford Estate, Jamaika
  7. Los PlanesCitala, El Salvador
  8. Kopi Kona- Hawaii
  9. Starbucks Rwanda Blue BourbonGatare / Karengera, Rwanda
  10. Selecto AA Yauco CoffeePuerto Riko

Delengen uga[sunting | sunting sumber]

Cathetan Suku[sunting | sunting sumber]

  1. ^ (id)kopi luwak (kaundhuh tanggal 23 Februari 2011)
  2. ^ a b (id)cara pembuatan kopi luwak (kaundhuh tanggal 23 Februri 2011)
  3. ^ a b c (id)kopi luwak termahal(kaundhuh tanggal 23 Februari 2011)
  4. ^ a b c d e f g h i j k l m n (id)mengenal lebih dekat kopi luwak (kaundhuh tanggal 24 Februari 2011)
  5. ^ (id)kopikopi luwak (kaundhuh tanggal 24 Februari 2011)
  6. ^ a b (id)kopi luwak (kaundhuh tanggal 24 Februari 2011)
  7. ^ a b c d (id)Kopi Luwak Indonesia (diakses tanggal 28 Februari 2011)
  8. ^ (id)10 Kopi termahal di dunia
Sumber artikel punika saking kaca situs web: "http://jv.wikipedia.org/w/index.php?title=Kopi_Luwak&oldid=829601"