Dhèndhèng balado

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Dèndèng balado

Dhèndhèng balado yaiku sawijining masakan khas saka Sumatra Kulon kang digawé saka daging sapi kang diiris tipis amba banjur dipépé, digorèng garing, lan dibumboni bumbu balado.[1] Ing Minangkabau ana patang werna dhèndhèng yaiku dhèndhèng balado, dhèndhèng batokok, dhèndhèng lambok, lan dhèndhèng baracik.[2] Umumé dhèndhèng balado kang nganggo lombok abang, déné liyané nganggo lado mudo utawa lombok enom kang wernane isih ijo. Lombok enom ijo iki pedhese ora kaya lombok abang, ambune uga séjé.[2] Dhèndhèng balado nduwe saperangan jinis yen didheleng saka dhèndhèng lan sambele. Didheleng saka dhèndhèng, ana kang daging sapine diiris tipis-tipis, dibumboni, dipépé nganti garing, banjur digoreng. Bumbune uga bedha. Ana kang nganggo tumbar, ana sing ora nganggo. Nanging ana uga kang kang ora dipépé.[2] Daginge digodhog karo bumbu, diiris tipis, banjur digoreng garing.[2] Ana uga kang ora dipepe lan digodhog, nanging langsung digoreng.[2] Kang kudu ana ing bumbu balado yaiku uyah, brambang, lombok abang, peresan jeruk nipis. Ana versi liya kang nambahake bawang ing bumbu dhendheng balado.[2]

Cathetan suku[sunting | sunting sumber]

  1. ^ (id)Dendeng Balado
  2. ^ a b c d e f (id)Dendeng Minangkabau(15 Agustus 2011
Sumber artikel punika saking kaca situs web: "http://jv.wikipedia.org/w/index.php?title=Dhèndhèng_balado&oldid=852456"