Bakpao

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bakpao
Nangua Baozi (chinese dumplings).jpg
Bakpao kang siap didahar
Informasi
Asal China
Penyajian lan bahan
Bahan Glepung trigu

Bakpao (Hanzi: 肉包, hanyu pinyin: roubao) yaiku panganan tradhisional Tionghoa.[1] Dijenengi bakpao amarga dijupuk saka basa Hokkian kang dipituturaké déning mayoritas wong Tionghoa ing Indonesia.[2]

Bakpao kang kita kenal yaiku sawijining roti bentukke bunder lan wernané putih, biyasane dipangan nalika isih anget.[3]

Bakpao arti harfiahe yaiku baozi kang isiné daging. Baozi uga bisa diisi nganggo bahan liya kaya iwak pitik, godhong-godhongan, serikaya legi, sele kacang kedhele, kacang azuki, kacang ijo,lan liya-liyane. Bakpao kang isiné daging iwak pitik diarani kehpao.

Sajarah Bakpao[sunting | sunting sumber]

Sajarah Bakpao asale saka bageyan roman Sānguó Yǎnyì. Zhuge Liang (181 - 234) yaiku salah sawijining ahli strategis paling apik ing China, dheweke uga perdana mentri, insinyur, ilmuwan, lan panemu legendaris bakpao.[4]

Crita iki asala saka jaman 3 negara (sam kok) nalika ana pemberontakan gedhen ing kidulé Tiongkok, perdana menteri Tiongkok nalika kuwi, Zhuge Liang pamitan marang kaisare, Liu Chan saperlu numpas pemberontakan kang kawentar kanthi jeneng ''The Southern Campaign'' - Suku ing kidul iku uga dijenengi Nanman utawa wong barbar kidul. Raja ing dhaerah kidul iku jenenge Meng Huo.[1]

Liang ing dhaerah kidul kuwi wis kasil ngalahake Meng Huo ping 7 lan mbebasake uga ping 7, ing pembebasan sing kaping 7 Meng Huo pungkasane nyerah lan janji ora bakal rusuh maneh marang Shu Guo (nalika kuwi durung ana sebutan Zhong Guo amarga Tiongkok isih kabagi dadi 3 negara: Shu, Wu, Wei).[5]

Saben mbebasake Meng Huo, Zhuge Liang asring ditentang dening jenderal-jenderale: “ Kenapa dheweke dibebasake? Kepriye yen dheweke gawe rusuh maneh? ”, Liang njawab: “ Aku kanthi gampang bisa nyekel maneh segampang aku ngetokake tanganku saka sakku. Saiki aku lagi ngalahake atine.”[5]

Zhuge Liang ngerti menawa Meng Huo dicekel lan dipateni, mengko bakal ana sing ngganteni dheweke lan gawe rusuh marang Shu, mula dheweke mikir luwih becik nggawe Meng Huo setia marang Shu.[1]

Nalika perangan pungkasan, kanggo kang kaping 7, Zhuge Liang nggawe Meng Huo mlebu lembah kang diubengi pegunungan. Ing lembah kuwi Liang nyelehake grobag sing ngangkut panganan. Nalika meruhi grobag kuwi, Meng Huo langsung kesengsem lan mimpin pasukane anuju lembah kuwi.[5]

Sakwise pasukan Meng Huo nyedhaki grobag kang ngangkut panganan kuwi, kasunyatane grobag kuwi nggawa bubuk mesiu! Langsung pasukan Shu kang wis ngenteni ing sakngisore gunung manah grobag-grobag mau nganggo geni. Sedhela wae lembah mau dadi laut geni.[6]

Iki ora nggawe Liang seneng, dheweke mung ngomong: “Jasaku banget akehe kanggo negara, nanging dosaku uga gedhe marang Surga; moga Surga ngapurani aku amarga aku mung nglakoni kewajiban njaga negara.” Sakwise iki Meng Huo ditangkep pasukane Liang.[6]

Nalika Liang nemoni Meng Huo, dheweke langsung nyopot taline Meng Huo lan ngendika: “ Lungaa lan cepakake pasukan anyarmu kanggo tarung maneh ”. Krungu kaya mangkono Meng Huo ngomong: “ Kaping 7 kecekel, kaing 7 uga diuculake! Kahanan kaya iki kudune ora tau ana lan ora kadadeyan. Sanajan aku ora nduweni adat istiadat, aku isih nduwe upacara keagamaan kang isih njunjung etika. Ora, aku ora kaya mangkono! ” Sakwise kuwi, suku kidul ora tau nggawe rusuh maneh marang Shu.[1]

Jroning perdalanan balik menyang Cheng Du (ibukuthane Shu), Zhuge Liang kudu ngliwati kali gedhe. Ing kali iku Liang ketahan amarga kerep ana ombak gedhe lan bledhek nalika pasukan Shu arep nyabrang. Zhuge Liang banjur njaluk rembuge Meng Huo kang melu njujugake Liang lan Meng Huo ngomong: Sakawit jaman nenek moyangku, wong kang kapingin ngliwati kali iku kudu nguncali 50 sirah wong kanggo roh kali.”[6]

Amarga Liang ora gelem nggawe perang maneh, dheweke nggawe roti kang digawe kaya sirah wong, bunder nanging dhasare rata lan roti iki dijenengi bakpao (baozi).[4]

Kulit Bakpao[sunting | sunting sumber]

Kulit bakpao digawe saka jladrèn glepung terigu kang banjur dikukus nganti ngembang lan mateng. Pao artine "bungkusan", Bakpao artine "Bungkusan-bak" , bak artine daging.[2]

Kanggo mbedakake bakpao tanpa daging (vegetarian) saka bakpao daging biyasane liyane, bakpao diwenehi titikan werna.[2]

Cara Nggawe Bakpao[sunting | sunting sumber]

Bahan Bakpao[sunting | sunting sumber]

  • 1 kg glepung trigu
  • 1 sdm uyah
  • 150 gr gula
  • 2 bungkus Hefe
  • 2 sdm (+ 120 gr) mentega
  • 1 bk vanilli
  • 500 cc santen encer/susu/banyu anget.[2]

Cara Nggawe[sunting | sunting sumber]

- Uleni terigu, hefe, mentega, gula lan santen/susu/banyu anget nganti rata, banjur kang pungkasan diwenehi uyah lan vanilli. - Uleni maneh nganti rata lan kalis - Adonan dibagi dadi 35 bageyan, diblondhoni banjur dijejer jroning loyang lan dilebokake jroning oven (rak paling ngisor) nganggo suhu 50 drajat Celcius suwene watara 15 menit - Adonan ditokake saka oven, digepengake banjur diisi nganggo daging/kacang ijo, diblondhoni maneh nanging aja dipenyet. - Dijejerake maneh jroning loyang banjur dilebokake oven nganggo suhu kang padha suwene watara 20 menit supaya luwih ngembang. - Adonan ditokake saka oven lan dikukus suwene 15 menit.[2]

Macem-maceme Bakpao[sunting | sunting sumber]

Cathetan suku[sunting | sunting sumber]

  1. ^ a b c d (id)[1] blogdetik.com (diaksés tanggal 8 Oktober 2011)
  2. ^ a b c d e f (id)[2] kaskus.us (diaksés tanggal 8 Oktober 2011)
  3. ^ (id)[3] transsurabaya.com (diaksés tanggal 8 Oktober 2011)
  4. ^ a b (id)[4] shvoong.com (diaksés tanggal 8 Oktober 2011)
  5. ^ a b c (id)[5] meandconfucius.com (diaksés tanggal 8 Oktober 2011)
  6. ^ a b c (id)[6] mirianto.com (diaksés tanggal 8 Oktober 2011)
Sumber artikel punika saking kaca situs web: "http://jv.wikipedia.org/w/index.php?title=Bakpao&oldid=883591"