Kacang ijo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kacang Ijo
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Fabales
kulawarga: Fabaceae
Genus: Vigna
Species: V. radiata
Jeneng binomial
Vigna radiata
(L.) R. Wilczek
Sinonim

Phaeolus aureus Roxb.

Vigna radiata

Kacang ijo kang ing Basa Indonésia diarani kacang hijau kalebu salah sawijining jinis polong-polongan.[1] Senajan regané murah, pranyata akeh zat gizi lan antioksidan kang migunani kanggo kasehatan.[2] Zat kang ana ing kacang ijo yaiku protéin, kalsium lan fosfor, vitamin B1, vitamin B2, Vitamin É, zat besi, lan magnésium.[2]

Kandutan[sunting | sunting sumber]

Kacang ijo lan kecambahé dadi panganan sing duwé mupangat gedhé kanggo awak amarga kacang ijo duwé dat-dat kaya ing ngisor iki.[3]

  1. Protein dhuwur. Protein sing ana ing kacang ijo nganti 24%.
  2. Kalsium lan fosfor sing penting kanggo nguataké balung.
  3. Rendah lemak. Lemak sing ana ing kacang ijo yakuwi 73% asam lemak tak jenuh lan 27% asam lemak jenuh.
  4. Vitamin B1 sing penting kanggo nyegah penyakit beri-beri lan apik kanggo pertumbuhan.
  5. Vitamin B2 sing penting kanggo penyèrapan protéin
  6. Vitamin E kanggo ningkataké kesuburan[4]

Kandhutan sing ana ing kacang ijo per 100 gram yaiku:[5]

- Protéin (g) 24,0

- Lemak (g) 1,3

- Karbohidrat (g) 56,7

- Kalsium (mg) 124

- Fosfor (mg) 326

- Vitamin B1 (mg) 0,47

- Vitamin B2 (mg) 0,39

Kasiyat[sunting | sunting sumber]

Ora kaya janganan liya sing saya suwé digodhog kasiyaté saya mudhun.[6] Kacang ijo ora ngalami perkara sing kaya mangkono.[6] Kasiyaté kacang ijo isih tetep sanajan digodog terus=terusan.[6] Macem-macem kasiyat kacang ijo yaiku bisa nguwataké balung, bisa kanggo ngobati penyakit beri-beri, TBC, kukul, flék ireng ing kulit, lsp.[6]

Jinis[sunting | sunting sumber]

Ing ngisor iki ana 11 jinis ramuan kacang ijo kang apik kanggo kaséhatan.[7]

Nglancaraké seni Bahan: 30 gram kacang ijo, 30 gram godhong séndok, 400 cc banyu, madu sacukupé

Cara gawé: 1. Godhog kacang ijo lan godhong sendok ing banyu kanthi ukuran 400 cc. 2. Masak nganti mateng. 3. Ademké, tambahi madu sacukupé. 4. Ombe teratur nganti uyuh lancar menéh.

Lara weteng Bahan: 60 gram kacang ijo mentah, 15 wiji merica, 3 gram kayu manis, 3 gram pala, 3 gram kapulaga, 3 gram cengkèh, 2 ruas jahe, 1 liter banyu.

Cara gawé:

  • Godhog kacang ijo, merica, kayu manis, pala, kapulaga, cengkèh, lan jahe ing saliter banyu.
  • Godhog nganti dadi 1/2 liter.
  • Ademké banjur diombé.

Biang keringat anak-anak Bahan: 60 gram kacang ijo, 50 gram krokot, banyu sacukupé.

Cara gawé:

  • Giling utawa deplok kacang ijo nganti dadi bubuk.
  • Godhog bubuk kacang ijo karo krokot.
  • Sawisé mateng, saring, banjur ombe sedina ping telu.

Udun Bahan: 50 gram kacang abang, 50 gram kacang ijo, 50 gram kacang ireng, 2 ruas jahé, madu sacukupé.

Cara gawé:

  • Godhog kacang abang, kacang ijo, lan kacang ireng bareng.
  • Jahe digodhog, nanging didhéwékaké.
  • Banyu godhogan jahé dicampur godhogan kacang-kacangan mau.
  • Ramuan iki kanggo udun sing durung mateng. Yén udune wis mateng kudu ditambah madu.

Ngundakaké gairah séksual wong lanang. Bahan: 30 gram kacang ijo, 2 ruas jahé, 15 gram merica, 15 gram adas, 15 gram pulosari, 15 gram kucai, 15 gram biji paria, 15 gram biji ketumbar, 600 cc jahe

Cara gawé:

  • Godhog kacang ijo bebarengan karo jahé, merica, adas, pulosari, biji kucai, biji paria, lan wiji ketumbar karo banyu 600 cc.
  • Digodhog nganti dadi setengahé (300 cc).
  • Diombé sawisé adem.

Rambut Rontok Bahan: Sagenggem kacang ijo, sagelas belimbing banyu

Cara gawé:

  • Kacang ijo digodhog. Gatékaké nalika nggodhog, kacang aja nganti pecah.
  • Yen wis rada mateng lan ora pecah, angkat.
  • Sawise adem, banyu godhogan digunakake kanggo mbasuh kulit sirah karo dipijeti.
  • Dijarké nganti garing, lagi dkeramas.

Maag Bahan: 1/4 kg kacang ijo, banyu anget sacukupé

Cara gawé:

  • Kacang ijo dipémé nganti garing banjur dideplok nganti alus.
  • Jupuk saséndok bubuk kacang ijo.
  • Kacang ijo mau dijéri banyu anget sagelas.
  • Ombe sedina pisan kanthi teratur.

Varises Bahan: Sagenggem kacang ijo, 2 gelas banyu

Cara gawé:

  • Kacang hijau digodhog karo 2 gelas banyu. Dijarké nganti susut dadi sagelas.
  • Ombe sedina ping pindho, esuk karo nalika arep turu.
  • Saliyane ngombe ramuan mau uga prelu nglakoni hal iki, nalika arep turu, angkat sikil lan dokok ing panggon sing luwih dhuwur saka sirah nganti 10 menit.

Bayi Demam Bahan: 1 cangkir kacang ijo, sasendok makan madu

Cara gawé:

  • Gawé godhogan kacang ijo.
  • Wénéhi saséndok madu ing kacang ijo sing wis didokok ing gelas.
  • Dulangaké banyu godhogan kacang ijo.

Sirah Lara Bahan: 1 cangkir kacang ijo, 3 gelas banyu

Cara gawé:

  • Kacang ijo dikumbah banjur digodhog karo 3 gelas banyu nganti umub. Dijarke nganti 15 menit.
  • Nalika isih anget, banyuné diombe lan kacange dipangan sedina ping loro.

Sariawan lan béri-béri

  • Ombé kacang ijo saben esuk. Kandungan vitamin banyu kacang ijo bisa ngundakake daya tahan awak. Angete bisa ngademke tutuk lan tenggorokan.

Pranala jaba[sunting | sunting sumber]

Commons-logo.svg
Wikimedia Commons gadhah galeri bab:

Cathetan suku[sunting | sunting sumber]

  1. ^ carahidup.um.ac.id(diakses pada tanggal 22 maret 2011)
  2. ^ a b web.ipb.ac.id(diakses tanggal 22 maret 2011)
  3. ^ jawaban.com(diakses tanggal 20 April 2011)
  4. ^ NOVA(diakses tanggal 20 April 2011)
  5. ^ 88db.com(diakses tanggal 20 April 2011)
  6. ^ a b c d Kompas.com(diakses tanggal 20 April 2011)
  7. ^ waspada
Sumber artikel punika saking kaca situs web: "http://jv.wikipedia.org/w/index.php?title=Kacang_ijo&oldid=879765"