Basa

Basa iku sawijining sistém simbul-simbul lan paugerané kanggo nggunakaké sistém iki. Basa uga bisa ngrujuk ing panggunan sistém kaya mengkéné utawa panyinaonané minangka sawijining fénoména.Lan piranthi kanggo sesrawungan ing antaraning manungsa siji lan sijine. Panemu liya ana sing mratelake yen bisa, ateges piranti sing awujud swara, tanda utawa tulisan kan andhedhasar pikiran lan kekarepan lan. Tegese basa kang kaya dhuwur mau, yaiku tegese basa sing kaprah, dingerteni dening umum.

Warna-warnane Basa

Manut wujude ana warna telu yaiku:

• Basa Lisan
• Basa Tulisan
• Basa (Thanda isyarat)

Unsur dhasar basa

• Fonèm

yaiku unsur paling cilik saka uni pocapan sing bisa kanggo mbédakaké tegese tembung. Fonèm iku awujud swara. Contoné tembung ulèr lan ulès nduwèni teges sing béda amarga prabédan ing fonem /r/ lan /s/. Uler kang ateges kewan, nanging ules tegese salah sijine jenis kain. Saben basa nduwèni jumlah lan jenis fonèm sing béda-béda. Upamané basa Jepang ora kenal fonèm /la/ saéngga tembung sing migunakaké fonèm /la/ diganti nganggo fonèm /ra/. Babagan fonèm isa disinauni ing fonetik lan fonologi.

• Morfèm

yaiku unsur paling cilik saka pambentukan tembung lan disesuaikan karo aturan saqijining basa. Ing basa Indonesia morfem bisa awangun imbuhan. Contoné tembung praduga nduwèni loro morfèm yaiku /pra/ lan /duga/. Tembung duga minangka tembung dhasar penambahan morfèm /pra/ nyebabaké owah-owahan makna ing tembung duga.

• Sintaksis

yaiku penggabungan tembung dadi ukara adhedhasar aturan sistematis sing ana ing basa tinamtu. Jroning basa Indonesiaana aturan SPO utawa subjèk-prédikat-objèk. Aturan iki béda ing basa liya, upamané ing basa Walanda lan Jerman aturan gawé ukara yaiku tembung kriya tansah dadi tembung kaloro ing saben ukara. Bab iki béda karo basa Inggris sing ngolèhaké tembung kriya dipasang ora ing urutan kaloro jroning ukara.

• Semantik

nyinaoni makna lan makna saka sawiji basa sing dibentuk jroning ukara.

• Diskurs

ngaji basa ing tahap pacelathon, paragraf, bab, cerita utawa literatur.

Kelompok Basa

Basa-basa dhaerah ing Indonesia

• Basa Jawa
• Basa Melayu
• Basa Madura
• Basa Sundha
• Basa Bali
• Basa Sasak
• Basa Aceh
• Basa Minangkabau
• Basa Ambon

Basa-basa ing dunya

• Basa Inggris
• Basa Prancis
• Basa Landa
• Basa Arab
• Basa Jerman
• Basa Cina
• Basa Pali
• Basa Sangskreta

Sastra

Wikimedia Commons gadhah galeri bab:

Basa

• Rumpun basa
• Sastra

• Bali menyang : Kaca Utama