Mi Acèh

Saka Wikipédia Jawa, bauwarna mardika basa Jawa
(Kaelih saka Mie Acèh)
Mi Acèh

Mi Acèh yaiku mi khas Acèh kang rasané pedhes lan dimasak nganggo bumbu mirunggan khas Acèh. Mi kang padatan dianggo yaiku mi kuning gedhé, jinising mi hokkian.[1] Mi diracik kanthi cara kang prasaja, mung mi kuning kang digawé saka gandum, janganan, lan bumbu.[2] Bumbu mi Acèh padatan digawé saka brambang, bawang, lombok abang, kunir, jinten, mrica, jahe, tumbar, kacang brol goreng, miri, klapa kang disangan, lan lada kang dialusake.[2] Dijangkepi karo irisan tomat, unclang, daging kang diiris tipis-tipis, sarta tauge.[1] Duduhe wernane abang, nyemek, kenthel kaya lo mi. Mi Acèh disuguhake bareng karo irisan timun, brambang, lombok rawit, lan emping goreng.[1] Bisa uga nganggo kacang goreng, bawang goreng, cuka, lan jeruk nipis.[2]

Mi Acèh iku ana manéka warna yaiku mi gorèng, mi godhog kang memper karo sup utawa kari, lan mi tumis (padatan diarani déning wong Acèh minangka mi goreng teles jalaran mi nganggo duduh sithik).[2] Katelune padha-padha nduwé cita rasa kang khas.[2] Mi Acèh iki saiki bisa ditemoni ing kutha-kutha gedhé kaya ta Surabaya lan Jakarta.[2]

Cathetan suku[besut | besut sumber]

  1. a b c Mandi Keringat Menyantap Mie Aceh! (12 Agustus)
  2. a b c d e f Mi Aceh Menggugah Berkat Rempah (12 Agustus 2011)