Otak-otak

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Otak-otak diungkus nganggo godhong gedhang

Otak-otak yaiku panganan saka Indonesia, Malaysia, lan Singapura kang digawe saka iwak (padatan iwak tengiri utawa bandeng) kang dibumboni lan diungkus godhong gedhang.[1] [2] Diarani otak-otak jalaran wujude alus lan lunyu kayadene utek manungsa.[1] Otak-otak ana kang digawe saka iwak tengiri, nanging uga ana kang digawe saka iwak bandheng. Otak-otak tengiri digawe saka iwak tengiri kang wis dialusake, santen, pati, unclang, putihan endhog, uyah, bawang, mrica, lan penyedap rasa. Kabeh mau diungkus nganggo godhong gedhang, banjur dibakar kayadene mbakar sate.[2] Beda saka otak-otak tengiri, otak-otak bandheng digawe saka iwak bandheng. Cara nggawené diwiwiti saka misahaké iwak bandheng saka kulit lan daginge sarta eri.[3] Sawise dipisah, daging bandeng diuleg utawa dialusake lan dicampur karo bumbu kayadene lombok rawit abang, brambang, bawang, unclang, lan laos.[3] Adonan daging lan bumbu kang wis dicampur mau dilebokaké maneh ing kulit bandeng banjur dibakar nganggo godhong gedhang.[3] Otak-otak bisa didadekaké lawuh nalika mangan sega, nanging uga bisa dianggo gadhon. Otak-otak kanggo gadhon dipangan nganggo sambel kacang, bisa dicocol utawa disawuraké ing ndhuwur piring.[4]

Cathetan suku[sunting | sunting sumber]

  1. ^ a b (en)Otak-otak Goreng (12 Agustus 2011)
  2. ^ a b (id)Otak-otak Ny Sekartina Tetap Eksis Selama 25 Tahun (12 Agustus 2011)
  3. ^ a b c (id)Otak-Otak Bandeng Menu Favorit Bulan Puasa (12 Agustus 2011)
  4. ^ (id)Otak-otak (12 Agustus 2011)
Sumber artikel punika saking kaca situs web: "http://jv.wikipedia.org/w/index.php?title=Otak-otak&oldid=879226"