Eri

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Eri iku istilah umum (generik) kanggo nyatakaké bagéan tetanduran utawa sato kéwan sing pucuké landhep lan cukup atos saéngga bisa agawé tatu ing kulit utawa bagéan awak liyané. Eri, kayadéné uga "swiwi", dudu istilah biologi lan sacara ontogeni, eri bisa tuwuh saka jaringan sing béda-béda.

Eri ing tetanduran[sunting | sunting sumber]

Gambar:Eri mawar.jpg
Eri ing wit mawar.

Ing tetanduran, eri bisa ditemoni ing manéka organ. Eri minangka organ aksesori lan fungsiné minangka alat perlindungan dhiri saka pemangsa (serangga utawa herbivora). Eri bisa asal saka modifikasi godhong utawa minangka organ aksesori sejati.

Eri minangka modifikasi godhong[sunting | sunting sumber]

Ing kaktus lan sawetara tetanduran dhaérah garing liyané (xerofit), eri minangka modifikasi saka godhong. Fungsi metabolisme godhong dilakoni ing epidermis wit lan godhong owah dadi eri kanggo ngurangi transpirasi.

Eri minangka aksesori[sunting | sunting sumber]

Eri minangka aksesori ditemoni ing wit, godhong, sarta woh. Eri wit paling gampang ditemokaké ing wit mawar. Eri ing lumahing godhong biasané awangun cilik-cilik. Eri ing woh ditemoni upamané ing kulit woh durèn.

Eri ing sato kéwan[sunting | sunting sumber]

Permukaan kéwan wulu babi sing mawa eri

Panyebutan "eri" jroning donya sato kéwan bisa ditemoni ing landhak, iwak, lan serangga.

Eri ing landhak sakbeneré rambut sing kamodifikasi dadi gedhé lan atos. Eri landhak kasusun saka bahan sing padha karo rambut yaiku keratin, sajinis protein.

Eri ing iwak ditemoni ing betok, mujair, lélé, lan bandeng. Eri ing iwak iku balung. Ing iwak betok lan mujair, sing dimaksud eri utamané balung sing nyusun sirip dorsal lan sirip insang. Ing iwak lélé, sing dimaksud eri yaiku patil, sawijining organ aksesori ing bagéan dhadha ventral minangka alat pertahanan.

Eri ing serangga umumé minangka tonjolan-tonjolan landhep. Conto sing bisa dideleng ing sikil walang.

Sumber artikel punika saking kaca situs web: "http://jv.wikipedia.org/w/index.php?title=Eri&oldid=868930"