Bakmi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bakmi
Mie Rebus Jawa.jpg
Informasi
Asal China
Penyajian lan bahan
Bahan Endhog

Bakmi utawa mie yaiku sawijining panganan kang dipercaya asale saka China wiwit 5000 taun kepungkur.[1] Bakmi kalebu panganan kang nduwe sajarah kuno.[2] Wiwitane, panganan iki dipangan dening warga Tiongkok wiwit jaman Dinasti Han udakara ing taun 206 sadurunge masehi (2214 taun kepungkur).[2] Ing wektu semana bakmi isih arupa adonan gandum kang wujude kotak utawa lembaran (kandhele meh padha karo kulit pangsit saiki), utawa lonjoran.[2] Bakmi wiwitane diarani "Pia", utawa ing basa Mandarin diarani "Bing" (waca:Ping). Cara masakke padha karo jaman saiki yaiku diclupake ing banyu umub lan dipangan karo duduh kang wis bumbonan.[2] Nganti seprene isih akeh wernane bakmi lan cara nggawene sarta cara ngracik bumbu-bumbu bakmi ing Tiongkok, tuladhane:[2]

  • Ing Kutha Bei Jing ana Da Lu Mian (Bakmi nganggo bumbu kenthel asin)
  • Ing Kutha Hang Zhou ana “Xia Bao Shan Mian” (Bakmi urang lan irisan welut)
  • Ing Kutha Shang Hai ana “Kai Yang Cong You Mian” (Bakmi nganggo bumbu gorengan unclang) lan “Yang Chun Mien” (Bakmi srengenge musim semi)
  • Ing Kutha Xi An ana “Sao Zi Mian” (Bakmi bocah isin)
  • Ing propinsi Shan Xi ana “Dao Xiao Mian” (Bakmi Gepeng)
  • Ing propinsi Shan Dong ana “Fu Shan La Mian” (Bakmi Lo Mie / Bakmi olor saka gunung Fu Shan)
  • Ing Kutha Wu Han (Propinsi Hu Bei) ana “Re Ga Mian” (Bakmi garing panas)
  • Ing propinsi Si Chuan ana “Dan Dan Mian” (Bakmi pikulan)
  • Ing Kutha Lan Zhou (Propinsi Gan Su) ana “Qing Tan Niu Ruo Mian” (Bakmi daging sapi duduh bening)
  • Ing Kutha Yang Zhou (Propinsi Jiang Su) ana bakmi iwak peso.
  • Ing Kutha Guang Zhou (Propinsi Guang Dong) ana “Yun Tun Mian” (Bakmi pangsit gedhe)
  • Ing propinsi Tai Wan ana “Du Xiao Yue Dan Zi Mian” (Bakmi spesial resep Du Xiao Yue) lan “Shan Yu Yi Mian” (Bakmi campur daging welut)



Cathetan suku[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Bakmi&oldid=831966"