Mi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Mi
Razali noodles.jpg
Mi goreng
Informasi
Asal Cina
Dhaérah Asia,Jepang,Koréa,Taiwan uga Éropah
Penyajian lan bahan
Bahan Gandum

Mi utawa mie yaiku salah sawijining panganan paling misuwur ing Asia, kususe ing Asia Wetan lan [[Asia Tenggara. Miturut cathetan sajarah, mie kapisanan digawe ing Cina nalika jaman pamarintahan dinasti Han. Saka Cina, mie nyebar tekan Jepang, Korea, Taiwan lan negara-negara ing Asia Tenggara tekan Éropah. Miturut buku-buku sejarah, ing Éropah, mie mulai dikenal sakwise Marco Polo nekani Cina lan nggawa jajan mie. Nanging ing perkembangane ing Eropa, mie saiki dadi pasta kaya kang kita mangerteni saiki.[1]

Sejatine seni nggiling gandum wis ana luwih dhisik ing Wétan Tengah, kaya Mesir lan Persia. Asale, mie diproduksi kanthi manuwal, nembe taun 700-an ana mesin kanggo nggawe mie sing ukurane cilik nganggo alat mekanik. T.Masaki tahun 1854 bisa nggawe mesin kanggo nggawe mie mekanik kang bisa mroduksi mie kanthi masal. Sakawit iku, mie ngalami akeh perkembangan, kaya ing Cina mulai diproduksi mie instant kang jenenge Chicken Ramen lan ing ing Jepang jenenge Saparo Ramen (1962).[2]

Jinis-jinis Mie[sunting | sunting sumber]

  • Mie Seger, yaiku mi kang wis ora ngalami pangolahan lanjutan. Biyasane mung tahan sedina amarga kandhutan banyu kang dhuwur, yaiku 35%. Mi seger biyasane kanggo nggawe mi ayam.
  • Mie Teles, yaiku mi kang didol jroning kahanan teles. Kandhutan banyune dhuwur tekan 52% mula mung tahan 40jam.
  • Mie Garing utawa mi endhog, amarga proses nggawene ditambahi endhog utawa glepung endhog. Bisa tahan suwe amarga kandhutan banyune mung 13%, biasa digawe bahan kanggo nggawe mi goreng..
  • Mie instan, mi kang paling pmisuwur, amarga praktis lan tahan luwih suwe. Kandhutan banyune mung 5-8%. Biyasane digawe mi godhog utawa mi ggoreng.[3]

Komposisi Mie[sunting | sunting sumber]

Komposisi bahane yaiku glepung terigu, banyu, endhog, uyah lan banyu awu utawa banyu ki supaya bisa kenyal. [4]

Cara Nggawe Mie[sunting | sunting sumber]

Proses nggawe sing kapisananan yaiku kabeh bahan dicampur dadi siji nganti dadi adonan. Banjurya adonan diuleni nganti adonan kalis, lunyu, lan transparan. Sakwise iku adonan dibentuk utawa diiris sesuai karo jinis mie kang arep digawe.[5]


Jenis-jenise Mie[sunting | sunting sumber]

  • Cellophane noodles utawa suun. Suun digawe saka campuran glepung kenthang lan glepung kacang ijo. Mie jenis iki teksture empuk banget, cocok kanggo olahan sop, suun goreng utawa kanggo isi pastel. Suun didol garingan, direndem jroning banyu panas nganti lembut lan suun wis siyap diolah.
  • Mie ndhog, digawe saka glepung trigu jenis hard wheat lan akeh nganggo endhog. Biyasane didol garingan kanthi bentuk bunder utawa gepeng.
  • Hokkien Noodles utawa mie Hong Kong. Bentuke kaya mie endhog, bunder, lan alus. Biyasane didol kkanthi kaanan teles jroning wadhah kang kedhap udara. Mie iki cocok dogawe mie goreng atau mie godhog.
  • Ramen utawa mie kriting Cina. Didol jroning kaanan garing ing wadhah mie instan. Cocok diolah dadi mie goreng utawa mie godhog.
  • Rice stick noodles utawa kwetiau, digawe saka glepung beras lan banyu. Ing pasaran didol garing lan teles. Kwetiau cocok kanggo digawe kwietiau goreng utawa godhog.
  • Somen noodles asale saka Jepang, digawe saka glepung gandum lan lenga. Teksture alus lan rasane gurih. Somen didol garingan, bentuke kaya sada, cocok kanggo masakan Jepang kang digodhog.
  • Soba noodles utawa mi Jepang. Bentuke kaya mie somen nanging wernane klawu utawa ijo tuwa (ngandhut sari teh ijo), biasane didol garingan lan cocok kanggo didadekake mi godhog.
  • Rice Vermicelli utawa bihun, digawe saka glepung beras, wernane putih resik lan teksture alus, gampang mateng dadi ora perlu digodhog. Cukup dikum ing banyu panas. Biyasane didol garingan dibungkus plastik. Cocok kanggo soup lan bihun goreng.
  • Mie shoa, asale saka Cina. Digawe saka glepung beras, wernane putih lan gampang mateng, Cocok kanggo masak sop lan misoa goreng.
  • Wonton utawa kulit pangsit. Didol telesan dibungkus plastik. Bentuke segi papat, biyasane diolah kanthi macem-macem isi, bisa dikukus, digodhog utawa digoreng.[6]

Kandungan Gizi[sunting | sunting sumber]

Jroning 100 gr mie kering ngandhut 338 Kal, protein7.6g, lemak 11.8g, karbohidrat 50.0g, mineral 1.7mg lan kalsium 49 mg. Saka kandungan gizine, kandungan kalori saka mie mung sithik dadi cocok kanggo wong kang lagi diet.[6]

Tips Ngolah Mie[sunting | sunting sumber]

  • Menawa tuku mie jroning kemasan, gatekake tanggal kedaluarsane, kawutuhan wadhah lan nomor register saka POM.
  • Godhog mie garing kanthi suwe lan umub, wektune sawetara 4-5 menit.
  • Mie teles akeh kandhutan banyune saengga gampang rusak. Jenis iki mung tahan sedina, sakluwihe, kualitas rasa, tekstur, lan hygiene bakal mudhun.
  • Aja nggodhog utawa masak mie kesuwen amarga teksture bakal rusak lan ora kenyal maneh.[6]

Cathetan Suku[sunting | sunting sumber]

  1. ^ (id)lintasberita.com Mi (diaksés tanggal 10 Oktober 2011)
  2. ^ (id)kopi-luwak.lefora.com Mi (diaksés tanggal 10 Oktober 2011)
  3. ^ (id)[1] Mi (diaksés tanggal 10 Oktober 2011)
  4. ^ (id)bos-mieayam.com Mi (diaksés tanggal 10 Oktober 2011)
  5. ^ (id)tripod.com Mi (diaksés tanggal 10 Oktober 2011)
  6. ^ a b c (id)kaskus.us Mi (diaksés tanggal 10 Oktober 2011)
Sumber artikel punika saking kaca situs web: "http://jv.wikipedia.org/w/index.php?title=Mi&oldid=833122"