Kwetiau

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kwetiau

250px-Kwetiau Kuah Ayam - rice noodles and chicken.jpg

Kwetiau nganggo campuran kecap
Chinese: 沙河粉
hefen
Chinese: 河粉

Kwetiau (guantiao, sha he fen) yaiku mie gepeng kang wernane putih digawe saka beras. Kwetiau bisa digoreng utawa dimasak nganggo duduh. Ing negara-negara Asia Tenggara kaya Indonesia, Malaysia lan Singapura, kwetiau kang paling kawentar yaiku kang digoreng. Ing Singapura lan Malaysia dijenengi Char Kway Teow. Sawetara ing Indonesia jenenge kwetiau goreng.[1]

Kwetiau ing Indonesia[sunting | sunting sumber]

Kwetiao asale saka Tiongkok.[2] Ing Indonesia kwetiau goreng dikenalake dening Hokkian lan Tio Ciu. Etnis yaiki nduweni cara kang beda jroning ngolah kwetiau. Etnis Tio Ciu, kang akeh manggon ing Kalimantan, umume nggawe kwetiau goreng kanthi menehi daging sapi, jeroan, lan babat sapi kanggo geganep. Mula ing Kalimantan kawentar kanthi jeneng Kwetiau Sapi. Sawetara etnis Hokkian kang akeh manggon ing Sumatera, biyasa ngolah kwetiau nganggo campuran baso iwak, lapchiong (sosis babi), lan endhog bebek.[1]

Sajarah[sunting | sunting sumber]

Kwetiau goreng utawa char kway teow asale saka panganan sing digawe dening kaum buruh lan didol kanggo kaum buruh. Para nelayan, wong tukang ngumpulke kerang, utawa petani kang awane nyambut gawe, wengine kerep dodol char kway teow kang digawe saka kwetiau lan sisa-sisa janganan daging lan digoreng nganggo lemak babi. Menu iki dadi menu kang paling disenengi ing kalangan buruh amarga ana sumber energi lan nutrisine murah.[3]

Char kway teow artine kira-kira "mi beras goreng sing diiris", digawe kanthi nggoreng kwetiau (mirip karo tagliatelle Italia) nganggo kecap kenthel, terasi (belachan), asem, kecambah, godhong bawang China, lap cheong (sosis China) lan kerang, banjur dikudhak. Jroning resep asline, kwetiau uga digoreng jroning lemak babi kanthi nganggo lemak babi gorengan kang empuk, saengga rasane enak.[4]

Nanging saiki bakul kwetiau mulai nambahake luwih akeh godhong-godhongan, kecambah lan ngurangi nganggone lenga. Ing negara-negara kaya Indonesia lan Malaysia kang nduweni mayoritas penduduk Muslim, kwetiau goreng wis ora dimasak nganggo lemak babi maneh.[3]


Cara Nggawe Kwetiau Goreng[sunting | sunting sumber]

Bahan[sunting | sunting sumber]

  • 150 gram kwetiau teles
  • 2 endhog
  • 200 gram iwak pitik diiris-iris
  • 150 gram urang, dionceki
  • 250 gram cumi diresiki lan diiris dadi 2
  • 50 ml banyu
  • 3 sendok makan minyak kanggo nggoreng.[5]

Bumbu[sunting | sunting sumber]

  • 4 siung bawang putih dirajang alus
  • 1 butir bawang bombay, diiris tipis
  • 1 sdt mrica bubuk
  • 1 sendok mangan minyak wijen
  • 1 sendok mangan kecap iwak
  • 4 sdm kecap legi
  • 1 sdt uyah
  • ½ sdt kaldu.[5]

Cara nggawe[sunting | sunting sumber]

Bawang putih lan bawang bombay dioseng. Endhog dilebokake lan digawe orak arik. Banjur ditambah iwak pitik, urang, lan cumi. Diudhek nganti wernane malih.[5]

Bumbu lan banyu dilebokake, dienteni nganthi kentel, dimasak nganti bumbune ngresep lan duduhe entek.[5]

Cathetan Suku[sunting | sunting sumber]

  1. ^ a b (id)[1] Kwetiau (diaksés tanggal 9 Oktober 2011)
  2. ^ (id)[2] kaskusnews.us (diaksés tanggal 9 Oktober 2011)
  3. ^ a b (id)[3] kaskus.us (diaksés tanggal 9 Oktober 2011)
  4. ^ (id)[hhttp://www.yoursingapore.com/content/traveller/id/browse/dining/signature-dishes/char-kway-teow.html#]yoursingapore.com (diaksés tanggal 9 Oktober 2011)
  5. ^ a b c d (id)[4] komunikan.com (diaksés tanggal 9 Oktober 2011)
Sumber artikel punika saking kaca situs web: "http://jv.wikipedia.org/w/index.php?title=Kwetiau&oldid=833138"