Bawang bombay

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Bawang Bombay
Bawang Bombay
Klasifikasi èlmiah
krajan: Plantae
divisio: Magnoliophyta
kelas: Liliopsida
ordo: Asparagales
kulawarga: Alliaceae
Genus: Allium
Jeneng binomial
Allium cepa
L.
Bawang bombay

Bawang bombay yaiku salah siji jinis tanduran bawang kang bisa digunakaké kanggo bumbu masakan. Bawang jisnis iki uga kena kanggo campuran saos ing pizza.[1] Bawang jinis iki ukurane luwih gedhe tinimbang bawang putih.[1] Diarani bawang bombay awit bawang iki digawa para wong kang asalé saka kutha Bombay utawa Mumbai, India menyang Indonésia.[1]

Bawang bombay kang asring digunakake kanggo bumbu masakan uga nduwéni khasiyat kang gedhé tumprap keséhatan.[2] Bawang saka keluwarga Allium iki ngandhut sulfur kang ana kromiume.[2] Kromium yaiku mineral kang mbiyantu sèl awak kanggo ngrespon insulin.[2] Bawang bombay uga ngandhut Vitamin C lan flavonoid kang diarani quercitin.[2] Saliyané ngurangi gula darah, bawang bombay uga kena kanggo ngurangi level total kolésterol lan ningkataké kolésterol apik ing awak saéngga bawang bombay uga apik kanggo jantung.[2] Para panaliti nerangaké yèn mangan bawang bombay kanthi rutin kang cacahé siji utawa loro saminggu isa ngurangi bebaya kanker usus besar, amarga bawang ngandhut flavonoid kang arané quercitin.[2] Ing penelitian, zat iki ngendheké thukulé tumor lan njaga sèl usus besar supaya ora rusak amarga bahan-bahan kang disebabaké kanker.[2] Masak nggunakaké bawang bombay uga ngurangi bahan karsinogen kang nyebabake tumor.[2] Ora mung kanker usus, miturut American Journal of Clinical Nutrition, mangan bawang bombay uga ngurangi resiko kanker mulut lan faring kurang luwih 84 persen, kanker esofagus 88 persen, kanker kolorektal 56 persen, kanker susu kurang luwih 25 persen, kanker ovarium (indung telur) 73 persen lan uga kanker prostat kurang luwih 71 persen.[2]

Cathetan suku[sunting | sunting sumber]

  1. ^ a b c (id)serasiclinic.com(dipunundhuh tanggal 17 Juni 2011)
  2. ^ a b c d e f g h i (id)kesehatan.kompas.com(dipunundhuh tanggal 17 Juni 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Bawang_bombay&oldid=830661"