Tumor

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
sel epithelioid cuboida ing tumor

Tumor utawi barah (Basa Inggris: tumor, tumour) inggih menika jeneng kanggé neoplasma utawi lesi ingkang kabentuk amargi sel sarira gesang mboten wajar, kados déné simtoma bengkak. Tumor asalipun saking tembung tumere wonten ing basa latin ingkang tegesipun bengkak. Pagesanganipun saged dipun perangakaen dados kalih inggih menika ganas (malignan) kaliyan jinak (benign). Tumor ganas dipun wastani kanker. Kanker kagungan potensi kanggé nyerang ugi ngrusak jaringan ingkang caket saha ngreriptan metastasis. Tumor jinak boten nyerang tissue ingkang caket saha boten nyebar bibit metastasis, ananging saged gesang sacara lokal dados ageng, saha biyasanipun boten katingal malih saksampunipun operasi.[1]

Jinis-jinis Tumor[sunting | sunting sumber]

Gegayutan kaliyan sedaya jinis tumor ingkang ngawrat serat jaringan epitel.

Neuro-fibromitosis menika tumor ingkang asalipun saking jaringan ikat pembungkus saraf tepi,biyasanipun turun menurun, saged kadadéan ing tiyang jaler utawi éstri.

Glioma inggih menika jinis tumor ingkang dipun wiwiti ing otak utawi tulang belakang.

Meningioma inggih menika tumor ingkang wonten ing selaput pelindung otak, langkung kathah kadadéan ing tiyang éstri, utamanipun ing yuswa 50-60 taun.

Osteo-chondroma inggih menika tumor jinak tosan kang asring kadadéan, biyasanipun kadadéan ing yuswa 10-20 taun.

Fibroadenoma Mammae inggih menika tumor jinak ingkang boten bahaya kang biyasanipun wonten ing prembayun remaja saha yuswa kirang saking 30 taun.

Mioma inggih menika tumor fibroid wonten ing rahim kang 20%-25% nyerang wanita yuswa reproduksi.[2]

Jampi Tumor[sunting | sunting sumber]

Jinis jampi kang dipun paringi pasien tumor gumantung kaliyan jinis, stadium, papan dumununging tumor, kahanan pasien, kawontenan sarana, saha pilian saking pasien piyambak. Saran ingkang limrahipun inggih menika tumor dipun angkat lumantar operasi utawi pembedahan, menawi tumor ganas boten namung operasi ananging kedhah sesarengan kaliyan terapi, kadasta terapi hormon, radiasi, kemoterapi, lsp kanggé mastikaken boten wonten sisa-sisa tumor ing sarira. Sakmenika sampun wonten alternatip kanggé jampi tumor sasanesipun operasi inggih menika kanthi cara jampi herbal, cara menika tuladhanipun sarang semut, ingkang saged nambani tumor saha kanker. Sarang semut menika tanduran saking papua kang sacara tradhisional sampun dipun ginakaken kaliyan para wargi papua kanggé nambani penyakit sacara turun temurun. Asil panelitén modern ngandharaken menawi sarang semut kagungan senyawa aktif penting kadasta flavonoid, tokoferol, fenolik, saha kathah mineral minangka antioksidan saéngga saged dipun ginakaken kanggé jampi tumor jinak utawi ganas.[3]

Delengen Uga[sunting | sunting sumber]

Pranala Jaba[sunting | sunting sumber]

Cathetan Suku[sunting | sunting sumber]

  1. ^ (en)Panyebaran Tumor (dipun unduh 01 November 2012)
  2. ^ (id)Jinis-jinis Tumor
  3. ^ (id)Jampi Tumor (dipun unduh 01 November 2012)
Sumber artikel punika saking kaca situs web: "http://jv.wikipedia.org/w/index.php?title=Tumor&oldid=835172"