Pangsit

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pangsit

Wonton 1.JPG

Pangsit Urang ala Kanton
Traditional Chinese: 1. 餛飩 (Mandarin)
2. 雲吞 (basa Kanton)
3. 抄手
Simplified Chinese: 1. 馄饨 (Mandarin)
2. 云吞 (basa Kanton)
3. 抄手
Literal meaning: 2. meneguk mega
Pangsit gorèng

Pangsit iku panganan arupa daging cincang sing dibungkus nganggo lembaran kulit saka bahan glepung trigu.[1]

Étimologi lan asal-usul[sunting | sunting sumber]

Ing Xiamen (Fujian) lan saindhengé, serta Taiwan, panganan iki diarani 扁食 (biǎn shí) utawa pian sit ing basa Hokkien. Ing Fujian, panganan sajenis nanging ukurané luwih cilik diarani 扁肉燕 (pinyin: biǎn ròu yàn). Isiné campuran daging babi lan pohung.

Ing sabagéyan gedhé donya, panganan iki diarani wonton. Tembung wonton (雲呑) iku asalé saka basa Kanton. Ing basa Mandarin, panganan iki diarani 餛飩 (pinyin: húntun).

Kulit pangsit[sunting | sunting sumber]

Kulit pangsit yaiku kulit saka bahan tepung terigu dicampur banyu karo bahan liya, dibentuk dadi lembaran tipis lan elastis, sahingga bisa kanggo mbungkus.[2]

Rahasia Kulit Pangsit[sunting | sunting sumber]

Rahasia kulit pangsit ana ing panganggo tepung trigu kang bener, yaiku glepung trigu kang proteine dhuwur. Nalika diolah, campur glepung trigu karo banyu lan uyah lan kudu diuleni nganti kalis, artine ora kraket ing tangan. Nalika arep nggawe kulit pangsit godhog, tambah kuninge endhog sahingga kulite alus. Giling adonan nganti tipis ing dhuwur meja marmer, utawa ing dhuwur saklembar plastik kang wis ditaburi tepung supaya ora kraket. Nalika durung arep dinggo, tutup kulit pangsit nganggo serbet lembab supaya ora garing ,sebab kulit pangsit sing garing kering luwih rapuh lan gampang suwek.[1]

Cara nggawe isi pangsit[sunting | sunting sumber]

  • Minyak dipanaske ing wajan nganggo geni sedheng, bawang putih lan jahe dioseng, tekan wangi. Daging pitik lan urang dilebokake, dikudhek tekan mateng. Bumbu dilebokake kanggo isi, dikudhek nganti rata, terakhir lebokake irisan daun bawang lan cairan tepung sagu lan dikudhek.
  • Kulit pangsit diselehake ing telenan (papan kayu) kang wis ditawuri terigu ben ora kraket ing kulit pangsit. Selehake 1 sdt adonan isi ing tengah kulit pangsit. Olesi pinggiran kulit pangsit nganggo banyu ben ora gampang kraket, gawa ing bagian tengah, katupke lan ditenet nganggo driji tangan.
  • Minyak dipanaske, pangsit digoreng tekan mateng lan warnane semu coklat.[3]

Pangsit ing Jerman[sunting | sunting sumber]

Pangsit dadi panganan favorit ing Jerman. Ing Jerman Kulon lan Jerman Lor, pangsit diarani Klösse , lan ing Jerman Wetan lan Kidul diarani Knödel. Pangsit paling asring dibentuk dadi bal, banjur dogodhog utawa dikukus ing banyu uyah. Ing Jerman, ana pangsit kang didakekake kanggo panganan utama, ana kang digawe sop, dadi lawuh, utawa legi dadi segeran sakwise mangan. Ana uga pangsit kang diisi nganggo roti kubus, buah, utawa daging.[4]

Kelompok usaha kang mbutuhke kulit pangsit[sunting | sunting sumber]

  • Bakul risol, lumpia, martabak, utawa bakul gorengan saben dina butuh kulit kanggo mbungkus panganane.
  • Bakul siomay Bandung nganggo maneka ukuran kulit pangsit sesuai karo jenis siomay. Uga bakul batagor nganggo kulit kanggo mbungkus adonan kasebut.
  • Bakul molen utawa gedhang asring nganggo kulit kanggo bungkus gedhang.[5]


Cathetan suku[sunting | sunting sumber]

  1. ^ a b (id)www.resepkita.com Pangsit(diaksés tanggal 28 Juli 2011)
  2. ^ (id)[1] Pangsit(diaksés tanggal 29 Juli 2011)
  3. ^ (id)www.melroseflowers.com Pangsit(diaksés tanggal 28 Juli 2011)
  4. ^ (id)www.germanfoodguide.com Pangsit(diaksés tanggal 28 Juli 2011)
  5. ^ (id)[2] Pangsit(diaksés tanggal 29 Juli 2011)
Sumber artikel punika saking kaca situs web: "http://jv.wikipedia.org/w/index.php?title=Pangsit&oldid=831689"