Brambang
| Brambang | |
|---|---|
 |
|
| Brambang ing pasar | |
| Klasifikasi èlmiah | |
| krajan: | Plantae |
| divisio: | Magnoliophyta |
| kelas: | Liliopsida |
| ordo: | Asparagales |
| kulawarga: | Alliaceae |
| Genus: | Allium |
| Species: | A. ascalonicum |
| Jeneng binomial | |
| Allium ascalonicum L. |
|
Brambang utawa Bawang abang (Allium ascalonicum L.) iku jeneng tanduran saka familia Alliaceae lan jeneng saka umbi sing dikasilaké.[1] Umbi saka tanduran brambang minangka bahan utama kanggo bumbu dhasar masakan Indonesia.[1] Brambang kalebu tanduran sayuran.[1] Tanduran iki biyasané kanggo bumbu masakan, utawa kanggo wuwuran ing masakan.[1] Masakan kang biyasané diwuwuri brambang yaiku soto, sop, sega gandul, sega pindhang, semur,mie goreng, mie godhog, lan liya-liyané. [1]Brambang biyasané diiris tipis, digoreng banjur diwuwurna ing masakan. [1]Nanging ati-ati yèn nggoreng brambang, amarga brambang yèn digoreng gampang gosong.[1]
Brambang iku sayuran kang ana méh ing kabéh masakan. [1]Fungsiné kanggo gawé sedhep masakan.[1] Ing kondisi Indonesia saiki, Indonesia lagi krisis ékonomi, saéngga kudu bisa ngoptimalké sumber daya alam supaya perekonomianné cepet pulih.[1] Indonesia kalebu negara agraris.[1] Ananging saiki Indonesia malah ngimpor brambang saka manca negara.[1] Kahanan kang kaya mengkéné ndadékaké Indonesia kudu nduwe greget kanggo ngembangaké pertanian brambang.[1]
Bab lan Paragraf |
[sunting] Deskripsi
Brambang iku tanduran semusim lan nduwèni umbi sing lapis-lapis.[1] Tanduran iki duwé oyod serabut, kanthi godhong awangun silinder mawa rongga.[1] Umbi kawangun saka pangkal godhong sing nyawiji lan mbangun "wit" sing owah wangun lan fungsiné, dadi gedhé lan lapis-lapis.[1] Umbi brambang kawangun saka lapisan-lapisan godhong sing dadi geshé lan nyawiji.[1] Umbi brambang dudu umbi sejati kayadéné kenthang utawa tales.[1]
[sunting] Paédah
Brambang gorèng iku brambang sing diiris tipis lan digorèng nganggo lenga gorèng sing akèh (agung).[1] Umumé, masakan Indonesia kaya soto lan sup nganggo diwur-wuri brambang gorèng supaya luwih sedhep.[1] Brambang uga ngandhut zat pengatur tuwuh alami arupa hormon auksin lan giberelin.[1]
Brambang nduweni zat kang jenengé ''tolbutamide'' [2] Brambang wis suwe dadi obat kang manjur kanggo ngobati diabétes.[2] Brambang uga wis suwé misuwur ing ilmu kedokteran, amarga khasiaté kang akeh banget.[3] Saka panalitén-panalitén modern, nuduhaké yen brambang nduwé daya kanggo nurunaké gula darah lan daya iku mau katemokaké ing kadar kang ana ing panganan kang ana bumbu brambangé.[2]
Para panaliti ing India nggunakaké brambang kang wis digawé jus apadéné kang isih bunder lan wutuh, gedhéné kurang luwih 25-200 gram.[2] Saya akéh brambang kang digunakaké saya kurang kadar gula darah.[2] Ora ana bédané khasiat brambang kang isih mentah apadéné kang wis digodhog utawa digoréng.[2]
Miturut teori kang diandharaké tim panaliti, brambang uga nduwéni pengaruh ing metabolisme gula ing njero ati, utawa metabolisme pelepasan insulin.[2] Brambang bisa ncegah rusaké insulin. [2]"Agen" kang nduwéni kamampuan hipoglikemia, bisa nurunaké kadar gula] darah. [2]''Agen'' iku ora liya zat aktif kang arané allyl propyl disulfide lan allicin. [2]Bukti eksperimen lan klinis nuduhake yen allyl propyl disulfide bisa nurunaké [gula]] darah kanthi cara ningkataké “masa hidup” (lifespan) insulin.[2]
Wiwit taun 1923, para ilmuwan ndetéksi depressor gula darah ing brambang, lan ing taun 1960, para panaliti bisa ngisolasi senyawa antidiabetes saka brambang.[2] Senyawa iki cara kerjané mirip obat farmasi antidiabetes umum. Zat antidiabetes iki arané tolbutamide. [2]Zat iki kerep dienggo ngurangi kadar gula darah.[2] Cara kerjané tolbutamide yaiku kanthi ngrangsang sintésis lan ngetokaké insulin.[2] Ing panalitén, para ilmuwan nggunakaké kelinci kango percobaan.[2] Ing panalitén iki nuduhaké yèn ekstrak brambang, 77 persen pada efektifé karo dosis standar tolbutamide.[2]
Hasil panaliten uga nuduhaké yèn brambang nduwé éfék nurunaké gula lan lemak darah.[3] Mulané dianjurké supaya nambahaké brambang ing saben masakan.[3] Tujuwané supaya njaga kadar gula darah. [3]Brambang bisa digunakaké ing masakan. déné cacahé sembarang.[3]
Studi Chandalia sakanca nuduhaké yèn asupan utawaintake serat larut kang akéh bisa dicukupi kanthi konsumsi panganan alami kang akéh serat.[3] Diet tinggi serat kanthi éfék samping kang minim bisa dilaksanakaké wong kang nandang penyakit diabétes. [2]Mulané kanggo ningkataké serat, penderita diabétes bisa mangan sayuran utawa woh kang akéh serat.[3]
Panganan kang akéh seraté bisa digunakaké kanggo diét tinggi serat.[4] Panalitén Chandalia sakanca, arupa woh koktail, jeruk seger, nanas seger, [[kates] seger, buah persik (peach) segar, buah ceri, tomat segar, jagung, zucchini, kacang ijo, roti whole-wheat, lan ''havermout'' (oatmeal dan oat bran).[5] Utamane jeruk dan nanas, kacang ijo, lan ''havermout'' kalebu sumber serat larut.[5]
[sunting] Dasanama
Jeneng latin Latin : Allium cepa L [4]
Jeneng Dhaerah : Bawang abang mirah (Aceh); Pia (Batak); Bawang abang (Palembang); Bawang sirah, Barambang sirah, Dasun merah (Minangkabau); Bawang suluh (Lampung); Bawang beureum (Sunda); Brambang, Brambang abang (Jawa); Bhabang mera (Madura); Jasun bang, Jasun mirah (BaIi); Lasuna mahamu, Ransuna mahendeng, Yantuna mopura, Dansuna rundang, Lasuna randang, Lansuna mea, Lansuna Raindang (Sulawesi Utara); Bawangi (Gorontalo); Laisuna pilas, Laisuna mpilas (Roti); Kalpeo meh (Timor); Bowang wulwul (Kai); Kosai miha; Bawa rohiha (Ternate); Bawa kahori (Tidore).[4]
[sunting] Habitat
Brambang biyasané ditandur ing dataran rendah nganti 1300 m dpl, ing dhaérah kang lembab lan cukup banyuné.[4]
[sunting] Zat-zat
Minyak atsiri, sikloaliin, metilaliin, dihidroaliin, flavonglikosida, kuersetin, saponin, peptida, fitohormon, vitamin, dan zat pati.[4]
[sunting] Khasiat
Brambang nduwé khasiat kanggo Bakterisid; ekspektoran; diuretik.[4]
[sunting] Galeri
-
brambang
-
brambang sedhep
-
brambang goréng
-
bawang bombay abang
-
bumbu
-
goréng bawang
-
brambang goréng enak
[sunting] Cathetan suku
- ↑ a b c d e f g h i j k l m n o p q r s t u (id)[1](dipunundhuh tanggal 18 April 2011)
- ↑ a b c d e f g h i j k l m n o p q r (id)[2](dipunundhuh tanggal 18 April 2011)
- ↑ a b c d e f g (id)[3](dipunundhuh tanggal 18 April 2011)
- ↑ a b c d e f (id)[4](dipunundhuh tanggal 18 April 2011)
- ↑ a b (id)[5](dipunundhuh tanggal 18 April 2011)
[sunting] Delengen uga
[sunting] Pranala jaba
|
||||||||
