Jeruk

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Jeruk
Kembang jeruk lan jeruk ning wit
Klasifikasi èlmiah
krajan: Plantae
divisio: Magnoliophyta
kelas: Magnoliopsida
Subkelas: Rosidae
ordo: Sapindales
kulawarga: Rutaceae
Genus: Citrus
Species: C. sinensis
Jeneng binomial
Citrus sinensis
(L.) Osbeck

Jeruk iku tetanduran perdu tropis lan subtropis sing ngasilaké woh sing jenengé padha.[1] Woh jeruk iku bunder.[1] Kulité ana sing ijo, ana sing kuning. Rasané ana sing kecut, ana sing legi.[1] Jeruk iku kalebu pala gumantung, yaiku wit-witan kang gumandhul ana ing dhuwur wit.[1]

Jinisé[sunting | sunting sumber]

Jeruk keprok[sunting | sunting sumber]

Jeruk keprok bisa dadi tonik kanggo jantung. Jeruk keprok nduwé senyawa kang bisa ngurangi tumpukan lemak kang bisa nyebabaké serangan jantung. Jeruk keprok bisa dadi ombénan kang seger banget. Jeruk keprok bisa digawé jus lan wedang jeruk. Ora mung seger, nanging jeruk keprok uga bisa kanggo nyegah serangan jantung kang mbebayani.

Salah sijining penelitian kang jenenge Daily Mail njléntréhaké yen woh jeruk keprok utawa Citrus reticulata uga bisa ncegah penyakit liyané, kayata diabétes, stroke lan kanggo penderita obésitas. Jeruk keprok uga bisa nglunturaké lemak. Jeruk keprok ngandhut nobiletin, yaiku pigmén utawa zat warna kang ditemokaké ing kulit jeruk keprok. Jeruk iki uga nduweni tangeritin, yaiku senyawa antikanker. Tangeritin kalebu senyawa methoxyflavone kang nduwé poténsi agén antikanker. Peneliti saka University of Western Ontario, Kanada, njléntréhaké yèn tikus kang diwénéhi nobiletin bisa njaga awaké saka obesitas. Panelitén Dr Huff's nemokaké flavonoid, naringenin, ing jeruk bali kang uga bisa nyegah obesitas lan sindrom metabolik. Ananging flavonoid jeruk keprok luwih akeh tinimbang kang ana ing jeruk bali.

Jeruk Keprok utawa Citrus Nobilis Lour urip ing dhaérah tropis lan subtropis. Jeruk iki populer ing masyarakat. Yen wis mateng rasané legi, sak liyané énak dipangan, kulit jeruk keprok uga bisa nyegah kanker.

Zat Kimia kang ana ing jeruk keprok: - alkoida (godhong lan kulit buah) - polifenol (odhong lan kulit buah) - flavonoida (oyot) - minyak atsiri (godhong lan woh) - saponin akar

Gizi: - vitamin c - mineral zat besi - kalsium - gula - asam setrat

Khasiat: Kanggo njaga daya tahan awak, nyegah kanker, obat infeksi firal, obat kolésterol lan hiperténsi, nguatke lan bisa kanggo gizi paru-paru, njaga limfa, tamba watuk lan ngetokaké riak.

Jeruk purut[sunting | sunting sumber]

Jeruk Purut nduwéni jeneng latin Citrus hystrix D.C. utawa C. paeda Miq.[2] Jeruk purut kalebu familia rutaceae.[2] Jeruk purut akeh urip ing pekarangan omah utawa ing kebon.[2] Godhongé kalebu godhong majemuk kang nyirip lan nduwéni anakan godhong siji.[2]

Bentuk godhongé bulat telur nganti lonjong, pangkal godhongé bunder utawa tumpul, pucuk godhongé lincip lan beringgit, dawané 8-15 cm, ambane 2-6 cm, godhongé lunyu lan ana bintil-bintil cilik kang wernané bening.[2] Godhong bagian ndhuwur wernané ijo tua rada keling-keling, déné godhong bagian ngisor wernané ijo nom utawa ijo rada kuning, burem. Yèn diremes godhongé ambuné wangi.[2]

Kembangé nduwéni bentuk kaya bintang, wernané putih rada abang utawa putih rada kuning.[2] Jeruk purut bentuké bulat telur, kulité ijo ana kerut-kerutane, lan mrenthel-mrenthel.[2] Jeruk purut rasané kecut rada pait, biyasané kanggo masak, nggawé jajanan utawa manisan.[2] Cangkok lan wiji dadi cara paling apik kanggo nangkaraké jeruk purut.[2]

Dasanama[sunting | sunting sumber]

Sumatera: unte mukur, u. pangir (Batak), lemau purut, l. sarakan Lampung), lemao puruik (Minangkabau), dema kafalo (Nias).[2] Jawa: limau purut, jeruk wangi, jeruk purut (Sunda, Jawa).[2] Bali: jeruk linglang, jeruk purut. [2]Flores: mude matang busur, mude nelu. Sulawesi: ahusi lepea (Seram), lemo puru (Bragi.s).[2] Maluku: Munte kereng (Alf'uru), usi ela (Amhoh), lemo jobatai, wama faleela (Halmahera).[2] NAMA ASING Kaffir lime leaf and zest (I), bai magrut (T), Kabuyao, percupin orange, citron combara.[2] NAMA SIMPLISIA Citri hystricis Folium (daun jeruk purut), Citri hystricis Pericaipium (kulit buah jeruk purut).[2]

Jeruk kingkit[sunting | sunting sumber]

Jeruk bali[sunting | sunting sumber]

Jeruk bali akeh manfaate tumprap kasehatan.[3] Jeruk bali ngandhut pektin luwih akeh tinimbang jeruk liyane.[3]Pektin iki bisa ngurangi kolésterol lan uga bisa ngurangi risiko penyakit jantung.[3] Rasane kecut legi lan bentuke bunder, ukurané luwih gedhé tinimbang jeruk liyane.[3] Kulit jeruk bali biyasané kanggo nggawé dolanan mobil-mobilan.[3] Ananging dolanan iki biyasane mung kanggo bocah sing urip ing desa.[3] Daging jeruk bali ambune seger Lan ngandhut akeh banyu. Jeruk iki bisa dipangan langsung sawise dionceki utawa kanggo campuran salad lan rujak.[3]

Daging putih kang ana ing antarané kulit njaba lan woh kang ana banyuné, bisa digawé manisan.[3] Daging putih iki nduweni kelenjar minyak.[3] Ing Vietnam kembang jeruk bali kang wangi dienggo nggawe farfum.[3] Kayu jeruk bali uga kanggo nggawe alat dapur.[3]

Antibaktéri[sunting | sunting sumber]

Para panaliti saka Universitas Jagiellonian Polandia njléntréhaké yen jeruk bali ngandhut antibaktéri lan antioksidan kang bisa nenangaké sistem getah weteng.[3] Dr Thomas Brzozowski ketuwa panaliti nyaranaké supaya wong kang nandang penyakit tukak lambung mangan jeruk bali sajroné diet. [3]

Jeruk bali uga bisa kanggo kaséhatan jantung lan lambung.[3] Jeruk bali nduwéni kadar vitamin C kang akéh. Saéngga apik kanggo kaséhatan gusi.[3] Para panaliti ing Universitas Friedrich Schiller, Jerman nduwéni panemu yen ana korélasi antarané kaséhatan gusi karo mangan jeruk bali.[3]

Obat diabétés[sunting | sunting sumber]

Jeruk bali bisa ngobati diabétés. Naringenin, antioksidan kang dadi sumber rasa pait ing jeruk bali bisa dadi obat kanggo ngobati diabetes tipe 2.[4] Penyakit diabetes disebabaké amarga awak ora bisa nggawé hormon insulin kang cukup kanggo ngatur gula darah.[4] Naringenin mbiyantu ningkataké produksi insulin ing awak.[4] Saliyane iku, naringenin uga mbiyantu ncegah penyakit obésitas.[4]

Hasil olahan jeruk[sunting | sunting sumber]

Jeruk bisa diolah dadi sirup jeruk, sari buah kang bentuké serbuk, kanggo nggawé sambel kayata jeruk limau (Citrus amblycarpa)kang akeh dibudidayakake ing daerah Majalengka, Jawa Barat.[5] Jeruk uga bisa digawé puding jeruk, jus jeruk, lan kulit jeruk bali bisa digawé manisan kang legi rasané.[5]

Galeri[sunting | sunting sumber]

Cathetan suku[sunting | sunting sumber]

  1. ^ Kaluputan sitat (pangutipan) Tag <ref> ora absah; ora ditemokaké tèks kanggo ref mawa jeneng internet1
  2. ^ a b c d e f g h i j k l m n o p q (id)iptek.net.id(dipunundhuh tanggal 11 April 2011)
  3. ^ a b c d e f g h i j k l m n o p (id)health.kompas.com(dipunundhuh tanggal 11 April 2011)
  4. ^ a b c d (id)antaranews.com(dipunundhuh tanggal 11 April 2011)
  5. ^ a b (id)sinartani.com(dipunundhuh tanggal 11 April 2011)

Delengen Uga Who-wohan
Sumber artikel punika saking kaca situs web: "http://jv.wikipedia.org/w/index.php?title=Jeruk&oldid=876338"