Apokat

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Apokat
Woh apokat
Klasifikasi èlmiah
krajan: Plantae
divisio: Magnoliophyta
kelas: Magnoliopsida
ordo: Laurales
kulawarga: Lauraceae
Genus: Persea
Species: P. americana
Jeneng binomial
Persea americana
Mill.

Apokat (KBBI: Avokad), alpukat, utawa jeneng Latiné Persea americana[1] iku tetanduran pangasil woh méja kanthi jeneng padha. Tetanduran iki asalé saka Mèksiko lan Amérika Tengah. Saiki akèh dibudidayakaké ing Amérika Kidul lan Amérika Tengah minangka tanduran pakebonan monokultur lan minangka tanduran pekarangan ing dhaérah-dhaérah tropika liyané ing donya. Apokat iki isa ditemoni ing ngendi waé ing Pulo Jawa.

Wité kanthi dhuwur batang bisa nganti 20 m lan godhongé dawané 12 nganti 25 cm. Kembangé ndhelik kanthi werna ijo semu kuning lan ukuranné 5 nganti 10 milimeter. Ukuran wohé variasi saka 7 nganti 20 sentimeter, kanthi massa 100 nganti 1000 gram; wiji sing gedhé, 5 nganti 6,4 sentimeter.

Wohé wujudé kaya jambu, seukuran kepelan tangan, kelir kulité umumé ijo tuwa uga ana sing rada ireng. Woh iki kanggo bahan wédangan dadi ora dipangan langsung. Nèk digawé wédangan kudu diwèhi gula mèn legi uga umum dicampur susu. Sing dipangan iku dagingé sing keliré ijo enom. Apokat sing wis mateng dagingé rada lembèk.

Sajarah[sunting | sunting sumber]

Jeneng apokat utawa avokad (saka basa Inggris, avocado) asalé saka basa Aztek, ahuacatl (diwaca kira-kira "awakatl"). Suku Aztek ana ing dhaérah Amérika Tengah lan Mèksiko. Mula, woh iki nalika awalé ditepungi ing dhaérah kasebut.

Nalika wadyabala Spanyol mlebu wilayah kasebut watara awal abad kaping-16, manéka tetanduran saka dhaérah iki, klebu apokat, ditepungaké marang pendhudhuk Eropah. Wong pisanan sing nepungaké woh apokat marang pendhudhuk Eropah yaiku Martín Fernández de Enciso, salah siji pamimpin wadyabala Spanyol. Panjenengané nepungaké woh iki nalika taun 1519 marang wong-wong Eropah. Ing wektu sing padha, para wadyabala Spanyol sing njajah Amérika Tengah uga nepungaké kakao, jagung, lan kenthang marang masarakat Eropah. Wiwit wektu iku woh apokat wiwit disebar lan ditepungi déning akèh pendhudhuk donya. Apokat ditepungaké menyang Indonésia déning Walanda nalika abad kaping-19.

Mupangat[sunting | sunting sumber]

Apokat duwé akèh mupangat. Wijiné dipigunakaké jroning indhustri pakaian minangka pawerna sing ora gampang luntur. Batang wité bisa dipigunakaké minangka bahan bakar. Kulit wité dipigunakaké minangka pawerna coklat ing prodhuk saka bahan kulit. Daging wohé bisa didadèkaké panganan sarta dadi bahan dhasar kanggo sapérangan prodhuk kosmètik lan kecantikan.
Apokat duweni asam folat kang akeh[2]. Asam folat dibutuhke utamane kanggo ibu ngandut lan wanita sing lagi ngerencanakna kehamilan, amarga asam folat bisa bantu awak kanggo ngawe lan jaga kasempurnaan DNA (Deoxyribose Nucleic Acid) saha RNA (Ribonucleic Acid) piranti genetik badan, saengga bisa nyegah janin cacat [2]. Sijiwoh apokat duweni 114 mikrogram asam folat [2]. Jumlah iku bisa nyukupi 30% kebutuhané asam folat ibu ngandut[2].
Alpukat yaiku sumber (lemak tak jenuh) tunggal kang apik lan bisa ningkatna HDL[3]. Liyane kuwi, alpukat uga duweni betasitosterol kang bisa ngurangi jumlah kolesterol sing diserap saka pakanan [3].

Pranala njaba[sunting | sunting sumber]

Cathetan suku[sunting | sunting sumber]

  1. ^ Alpukat (Persea americana), Copyright © 2008 Plantamor.com (Dipunundhuh tanggal 1 April 2011).
  2. ^ a b c d suaramerdeka.com (Dipununduh tanggal 30 Maret 2011)
  3. ^ a b kompas.com (dipununduh tanggal 30 Maret 2011)

Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Delengen Uga Who-wohan
Sumber artikel punika saking kaca situs web: "http://jv.wikipedia.org/w/index.php?title=Apokat&oldid=805055"