Kolesterol

Kolésterol yaiku salah sawijining molekul lemak ing jero sél sing dipérang dadi LDL, HDL, total kolésterol lan triglisérida. Sejatiné kolésterol kuwi salah siji komponén lemak. Kaya sing wis dimangerténi déning masyarakat yén lemak kuwi salah sawijining zat gizi sing diperlokaké awak saliyané karbohidrat, kalsium, lsp. Lemak kuwi sumber énergi sing ménéhi kalori paling dhuwur. Kolésterol iki sejatiné zat sing penting kanggo awak, nanging nalika cacahé wis kakéhan bisa marakake penyakit. Kakéhan kolésterol kuwi mau bisa marakaké aterosklerosis, yaiku saya ciuté pembuluh getih utawa marakaké saya atos pembuluh getih. Yen wis kaya mangkonobakalé dadi cikal bakal penyakit jantung lan stroke.

Faktor-faktor Mundhake Kolesterol

Ana 7 perkara sing marakaké kolésterol ing awak saya mundhak.

1. Panganan sing dikonsumsi sedina-dina
2. Bobot awak
3. Kurang Olah Raga
4. Umur lan jenis kelamin
5. Penyakit tertamtu
6. Sejarah kaluwarga (genetik)
7. Rokok

Bebayane Kolésterol

Keluwihan kolésterol kuwi ora becik kanggo awak,kayata.

1. Nutupi pembuluh getih otak sing bisa marakake serangan jantung.
2. Nutupi pembuluh getih jantung sing bisa marakake stroke

Patokan Ukuran Kadar Kolésterol Normal

Kadar kolésterol sing normal kuwi ana patokane kaya ing ngisor iki.

1. Kolestérol total < 200 mg/dl
2. Kolestérol HDL 35 – 65 mg/dl
3. Kolestérol LDL < 150 mg/dl
4. Triglisérida < 200 mg/dl
5. Ratio kolésterol total : kolésterol HDL < 5

Ngatasi Kolésterol

Ana macem-macem cara kanggo ngatasi utawa ngendalékaké kolesterol, kayata:

1. Diét kanthi ngonsumsi panganan sing kadar lemak lan kolésterolé cendhék.
2. Konsumsi panganan sing akéh serat.
3. Konsumsi antioksidan.
4. Ora ngombé alkohol lan ngrokok .
5. Olahraga

5 Jenis Panganan Kanggo Ngatasi Kolésterol

Ana 5 jenis panganan sing apik yén ditambahaké ing menu diét kolésterol.

1. Almond, yakuwi jenis kacang-kacangan kang bisa ngudunaké LDL nganti 4,4%
2. Oatmeal
3. Iwak kang ngandung Omega3 kayata tuna lan salmon
4. Anggur Merah kang ngandung flanavols bisa ngudhunké kolésterol lan ngendhekake penyakit jantung
5. Kacang kedelai bisa ngudunaké produksi kolésterol anyar.

Cathetan suku