Rokok

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Rokok

Rokok utawa sigarèt utawa udud yaiku linthingan kang digawé saka kertas, dawané 70-120 mm (akèh variasiné miturut negara prodhuksi) kanthi dhiamèter 10 mm kang isiné cacahan saka godhong tembakau. [1] Cara migunakaké rokok yaiku kanthi mbakar salah siji pucuké nganti metu mawané supaya keluké bisa diisep nganggo lambé ing pucuk kang liyané.[1] Rokok biyasané dibungkus kanthi bentuk bungkusané kothak lan dibungkus ing kertas supaya gampang anggoné nggawa. [1] Ing bungkus rokok biyasané ana tulisan kang kuduné dadi wigatiné para panganggo rokok, kayadéné bahaya kangker lan serangan jantung, nanging saiki tulisan iku mung dadi hiasan ing bungkusané thok tanpa digatèkké kanthi tenanan.[1]

Rokok nduwèni kandhungan kimia kang asipat mbahayani kanggo kasarasan awak. [2] Rokok nduwèni kandhungan kimia kang cacahe luwih saka 4.000 zat kimia kang mbahayani kanggo kasarasan awak. [3] Kandungan kimia kang mbahayani kanggo kasarasan awak yaiku acroelin, karbon moniksida, nikotin, amonia, formic acid, hydrogen cyanida, nitrous oksida, phenol, formaldehida, acetol, hydrogen sulfida, phyridin, metanol, methyl klorida, lan tar. [2][4] Zat-zat iku mau ora mung mbahayani kanggo panganggo rokok, nanging uga mbahayani kanggo prokok kang pasip. [5]

Carané nggawé rokok yaiku tembakau kang wis dicacah utawa dirajang, dipépé dhisik sagaringé. [2] Sawisé garing, banjur dilinthing utawa digulung nganggo kertas kang wis dicakakeé. [5] Ing gulungan kang pungkasan, kertasé dilèlèti lém supaya bisa rapet. [2] Carané nglinthing bisa nganggo tangan utawa alat kang isih sedherhana. [4] Cara kang kaya ngono dianggo nalika nggawé rokok sigarét krètèk tangan. [2] Ana uga kang nggawe rokok sigarét krètèk nganggo mesin, bédané yèn nganggo mesin asil prodhuksiné bisa luwih akèh amarga luwih cepet kerjané. [2] Bahan kang dianggo nggawé rokok akèh macemé, kayata klobot utawa sarung jagung, kawung utawa godhong aren, sigaret saka kertas, lan cerutu saka godhong tembakau. [4]


Cathetan Suku[sunting | sunting sumber]


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Rokok&oldid=829853"