Antioksidan

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Model Antioksidan

Antioksidan yaiku substansi sing bisa nétralaké utawa ngejur radikal bébas.[1] Pangertèn liya ngenani antioksidan yakuwi senyawa sing bisa nunda, ndadékaké aloné prosés lan nyègah proses oksidasi lipid. [2] Arti khususé, antioksidan yakuwi zat sing bisa nunda utawa nyégah réaksi antioksidasi radikal bebas ing oksidasi lipid(Kochhar dan Rossell, 1990). [2] Radikal bébas kuwi jènis oksigé́n sing duwé tingkat réaktif dhuwur, saka reaksi biokimia ing jèro awak.[1] Radikal bebas uga ana ing lingkungan sing asale saka polusi udara, pèga mbako, penguapan alkohol sing kakéhan, bahan pèngawet lan pupuk, sinar Ultraviolet, X-Rays, dan ''ozon''. [1] Radikal bébas bisa ngrusak sel awak nalika awak kekurangan zat anti oksidan utawa nalika awak kaluwihan radikal bébas. Iki bisa ngrèmbakakake sel kanker, penyakit ati, arthritis, katarak, lan pènyakit degènèratif liyané, malah uga bisa nyèpètaké proses tuané kulit. [1] Radikal bébas bisa ngrusak mémbran sél sarta ngrusak lan ngowahi DNA.[1] Ngowahi zat kimia sing ana ing jero awak bisa ngundakaké résiko kena kanker sarta ngrusak lan menonaktifkan protéin.[1] ''Karotenoid'' berinteraksi karo vitamin C, vitamin E, lan sélénium dadi zan antioksidan.[1] Karoten duwé peran kanggo ningkataké sistem imunitas awak liwat éfék antioksidan.[1] Vitamin A uga njamin ngembangé kulit séhat, mémbran mukosa, kelenjar tyimus lan jaringan lymphoid, lan apa wae sing ana sesambungane karo sistem kekebalan awak.[1] Vitamin C karo vitamin E bisa njaga sél lan nglawan ''peroksidasi'' lemak ing jero sel.[1] Vitamin C uga duwé fungsi kanggo nyègah kanker.[1] Manfaat nggabungaké fungsi antioksidan vitamin E kayata nyègah rantai réaksi radikal bébas.[1] Cara kerjané vitamin E minangka antioksidan sing paling kuat yaiku golék, bèréaksi, lan ngrusak kankèr, lara ati, lan ndandani sistèm kèkèbalan awak.[1] Selenium minangka mineral penting sing fungsiné njaga kèwarasan awak lan nyègah pènyakit. selenium karo vitamin E kèrja bèbarèngan nyègah rusaké sel awak.[1]

Sumber-sumber Antioksidan[sunting | sunting sumber]

Sumber-sumber antioksidan bisa dipérang dadi rong kelompok, yaiku antioksidan sintétik (antioksidan saka asil sintésa réaksi kimia) lan antioksidan alami (antioksidan saka ékstraksi bahan alami).[2]

Antioksidan sintetik sing diparengake kanggo pakanan lan wis kerep diènggo yaiku butil hidroksi anisol (BHA), butil hidroksi toluen (BHT), propil galat, tert-butil hidoksi quinon (TBHQ) lan tokoferol. [2] Antioksidan-antioksidan kasebut kuwi digawe saka antioksidan alami sing disintesis kanggo tujuan komersial. [2]

Antioksidan alami ing jero pangan bisa saka (a)senyawa antioksidan sing pancen ana ing saperangan panganan, (b) senyawa antioksidan sing dumadi saka reaksi-reaksi nalika proses ngolah, (c) senyawa antioksidan sing diisolasi saka sumber alami lan ditambahake ing pakanan kanggo bahan tambahan pangan (Pratt,1992) [2]

Babagan anti oksidan, vitamin askorbat vitamin c

Tuladha Panganan sing Ngandung Antioksidan[sunting | sunting sumber]

  • Jahe (Zingiber officinale Roscoe), empon-empon sing biasane digunakake kanggo bumbu atau obat tradisional. Komponen-komponen pedhes saka jahe kayata 6 gingerol lan 6-shogaol dikenal duwe aktivitas antioksidan sing cukup. [2]

Saka ekstrak jahe sing wis dibuwang komponen volatil-e kanthi destilasi uap, mangka saka fraksi non volatil-e sawise pemurnian, ditokake ana patang senyawa turunan gingerol lan patang macem diarilheptanoid sing duwe aktivitas antioksidan kuat (Nakatani,1992). [2]

  • ''Theaflavin'' teh ireng dinyatakake luwih potensial antioksidane saka ''katekin'' dening para peneliti merga gugus hidroksine luwih akeh. [3]
  • Kuaci salah siji panganan sing ngandung vitamin E, yaiku vitamin sing bisa ngewangi mbentuk kolagen, nangkal radikal bebas sing bisa ngrusak kulit, lan mbalekake kesehatan sel kulit. Ananging,aja mangan kuaci sing ake uyahe. [4]
  • Minyak ikan kuwi ngandut Omega-3 sing penting kanggo kulit supaya awet enom, rambut kuat, mata endah, lan kuku sehat. [4]
  • Tomat.Kandungan lycopene tomat ora bisa Anda ditemokake saka buah liyane. Lycopene kuwi kanggo ngurangi rusake sel lan iritasi kulit.[4]
  • Blackberry lan blueberry dikenal merga kandungan antioksidane sing dhuwur. Ora mung kuwi, blackberry lan blueberry iki uga duwe kaluwihan bisa nguatake formasi kolagen. Blueberry uga diyakini bisa nglancarake sirkulasi getih,lan marakake sehate kulit. [4]
  • Kacang-kacangan duwe senyawa hyaluronic acid sing bisa ngilangi kerut-kerut kulit. Luwih apik yen kacang-kacangan dimasak kanthi cara diobong, didang, utawa digodhog merga kandungan lengane sing akeh banget. [4]
Radikal kimia lan mekanisme peroksidasi lipit.

Tanda-Tanda Awak Kurang Antioksidan[sunting | sunting sumber]

Tanda-tanda wong sing kurang antioksidan ing awake yaiku:[5]

  1. kerep kena infeksi lan angel warase
  2. gampang memar
  3. kulit tipis
  4. kulit pating njekitu, katon luwih tua
  5. deg-degan utawa lara sawise olah raga abot
  6. lara sawise kena polusi

Cathetan suku[sunting | sunting sumber]

  1. ^ a b c d e f g h i j k l m n (id) Wyeth Indonesia (kaundhuh tanggal 29 Maret 2011)]
  2. ^ a b c d e f g h (id) Kamus Ilmiah(kaundhuh tanggal 29 Maret 2011)]
  3. ^ (id)[1](kaundhuh tanggal 29 Maret 2011)
  4. ^ a b c d e (id)Metronews(kaundhuh tanggal 29 Maret 2011)]
  5. ^ clubsehat(diunduh tanggal 7 April 2011
Sumber artikel punika saking kaca situs web: "http://jv.wikipedia.org/w/index.php?title=Antioksidan&oldid=829675"