Klèngkèng

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Klèngkèng
Woh klèngkèng
Status konsèrvasi
Klasifikasi èlmiah
krajan: Plantae
(unranked): Angiospermae
(unranked): Eudicots
(unranked): Rosids
ordo: Sapindales
kulawarga: Sapindaceae
Genus: Dimocarpus
Species: D. longan
Jeneng binomial
Dimocarpus longan
Lour.
Klèngkèng
Ihau utawa matakucing, sajinis klèngkèng saka Indonesia

Klèngkèng (utawa longan, Dimocarpus longan, suku lerak-lerakan utawa Sapindaceae) iku tanduran woh-wohan sing asalé saka daratan Asia Kidul-Wétan. Jeneng longan iku dijupuk saka basa Cina (sarjawa: 龙眼; tradisional: 龍眼) sing tegesé sacara harafiah "mata naga".

Déskripsi[sunting | sunting sumber]

Wit klèngkèng dhuwuré bisa tekan 40 m lan dhiameter watangé nganti watara 1 m.

Godhongé majemuk, kanthi 2-4(-6) pasang anak godhong, sebagéyan gedhé wuluné rapet ing bagéyan aksialé. Tangké godhong 1-20 cm, tangké anak godhong 0,5-3,5 cm. Anak godhong bender dawa, dawané lk. ping 1-5 ambané, variasi watara 3-45 × 1,5-20 cm, ngertas nganti njangat, kanthi wulu-wulu kempa utamané ing sisih ngisor saceraké balungan godhong.

Kembang umumé ing pucuk (flos terminalis), 4-80 cm dawané, ketel kanthi wulu-wulu kempa, wangun payung porok. Makutha kembangé limang ler, dawané tekan 6 mm.

Woh bulet, coklat semu kuning, mèh gundhul; lunyu, mawa butir-butir, mawa bintil kasar utawa mawa onak, gumantung jinisé. Daging woh (arilus)tipis awerna putih lan rada bening. Pambungkus wiji awerna coklat semu ireng, kempling. Sok-sok ambuné rada nyegrak.

Jinis lan panyebaran[sunting | sunting sumber]

Ana sapérangan jinis klèngkèng, Dimocarpus longan, antara liya:

Saliyané klèngkèng, jinis-jinis sing liya umumé mung diperdagangaké sacara lokal.

Kagunaan[sunting | sunting sumber]

Woh-wohan iki utamané dipangan nalika seger. Woh klèngkèng, utamané sing dagingé kandel lan gedhé, dikalengké jroning sari wohé ing Thailand, Taiwan lan Tiongkok, ditambahi gula utawa ora. Klèngkèng uga digaringaké, didadèkaké bahan panggawé ombèn panyeger.

Kaya déné lerak, wiji klèngkèng sing ngandhut saponin sok dimupangataké kanggo nyuci rambut. Wiji, woh, godhong lan kembang klèngkèng uga dipigunakaké minangka bahan obat tradhisional, utamané ing ramuan Tiongkok. Godhongé ngandhut quercetin lan quercitrin.

Kayu klèngkèng lan kayu bedaro(Dimocarpus malayensis) arupa kayu sing cukup apik kanggo konstruksi ènthèng jroning omah lan bahan perkakas.

Bahan wacan[sunting | sunting sumber]

  • Verheij, E.W.M. dan R.E. Coronel (eds.). 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2.

Réferènsi[sunting | sunting sumber]

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Sumber artikel punika saking kaca situs web: "http://jv.wikipedia.org/w/index.php?title=Klèngkèng&oldid=821755"