Katès

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Katès
Wit, kembang lan woh katès, saka Medicinal-Plants Koehler (1887)
Klasifikasi èlmiah
krajan: Plantae
divisio: Angiospermae
(unranked): Eudicots
(unranked): Rosids
ordo: Brassicales
kulawarga: Caricaceae
Genus: Carica
Species: C. papaya
Jeneng binomial
Carica papaya
L.

Katès, Gandhul utawa Gamblok (Carica papaya L.) iku kalebu tanduran hérba saka famili Caricacea sing asalé saka Meksiko sisih kidul lan sisih loré Amérika Kidul uga saka Hindia Kulon[1] [2], saiki nyebar wiyar lan akèh ditandur ing dhaérah tropis kanggo dijupuk wohé. C. papaya iku siji-sijiné jenis jroning genus Carica. Jeneng katès ing basa Indonésia yaiku "pepaya" sing dijupuk saka basa Walanda, "papaja", sing ing giliran"papaja" uga njupuk saka jeneng basa Arawak, "papaya". Ing basa Sundha, katès sebutané "gedhang".

Pamerian[sunting | sunting sumber]

Tanduran katès dhuwuré bisa 10 meter.[1] Cara nandur kang gampang, ndadèkaké tanduran katès urip ing negara-negara tropis.[2] Tanduran katès nduwèni rupa kaya tanduran palem, kembangé warna putih, yèn mateng dagingé rupa kuning.[3] Woh katès yèn disigar, rongga njero wanguné simetris.[4] Godhongé uga mèmper karo tangan menungsa. [4]

Kultivar katès[sunting | sunting sumber]

Kultivar katès manéka warna amarga béda ing pamupangatan lan pepénginan konsumèn.

Katès bangkok
Katès bangkok diintrodhuksi saka Thailand. Permukaan wohé ora rata lan kulit njabané rélatif tipis, mula angel dioncèki. Kaluwihané, dagingé legi lan akèh ngandhut banyu. Ukuran wohé gedhé.

Katès Solo F1
Arupa katès kultivar hibrida unggul saka Hawaii. Wohé cilik-cilik lan disenengi konsumèn kulon.

Sakliyané iku uga ana katès hias sing godhong utawa glonggongé awerna ungu. Katès iki ditandur mung kanggo disawang penampilané kanggo ngèndahaké taman. Ing Dhataran Dhuwur Dieng ditepungi prodhuk mèmper katès sing dipak lan diarani "carica". Jinis iki seneng dhaérah adhem kanggo ngasilake woh kanthi optimal.

Jinis katès[sunting | sunting sumber]

Miturut jinisé, katès kapérang dadi telu:

  1. Katès lanang: Katès lanang nduwèni kembang majemuk lan nduwèni pang (tangkai) dawa.[1] Kembang kapisan ana ing pucuk pang.[1] Tandha yèn katès lanang yaiku wernané putih lan ora nduwèni sirah lan benang sari jangkep.[1]
  2. Katès wadon: Béda karo katès lanang, katès wadon nduwèni kembang akèh.[1] Pang cendhek lan kembangé gedhé cilik pratandha kembang kang gedhé bakal dadi woh.[1] Katès wadon ora nduwèni benang sari lan bakal ngembang terus.[1]
  3. Katès jangkep: Katès jangkep nduwèni kembang kang jangkep lan bisa panyerbukan dhéwé.[1] Ana telung jinis katès jangkep yaiku:
  • nduwèni benang sari 5 lan bakal woh bulat
  • nduwèni benang sari 10 lan bakal woh lonjong
  • nduwèni benang sari 2 - 10 lan bakal woh mengkerut

Katès kang ana ing Indonesia ana rong jinis:

  • Katès semangka, nduwèni daging warna abang kaya warna semangka, rasané legi[1]
  • Katès manuk, nduwèni daging woh warna kuning, ambuné seger lan rasané kecut campur legi[1]

Mupangat[sunting | sunting sumber]

Katès klebu jinis woh-wohan kang multiguna.[5] Wiwit saka oyot nganti godhong nduwèni mupangat kanggo manungsa lan kéwan.[5] Tanduran katès bisa dimupangataké kanggo bahan pangan, unjukan, obat, pakan ternak.[5]

Kasiyat tanduran katès bisa kanggo ngobati lelara wan, kanggo ASI, borok, jerawat, rématik, gegelen, radang ginjal, lara weteng, pilek, anemia, masuk angin, kanggo nafsu makan.[5]

Cathetan sikil[sunting | sunting sumber]

  1. ^ a b c d e f g h i j k (id)(diakses tanggal 30 Maret 2011)
  2. ^ a b (id)tanggal 30 maret 2011)
  3. ^ (id)[ http://www.anneahira.com/tanaman-obat/pepaya.htm (diunduh tanggal 30 Maret 2011)]
  4. ^ a b (id)(diunduh tanggal 30 Maret 2011)
  5. ^ a b c d [Natalegawa, Tirta. 2010. Serba-Serbi Tanaman Obat. Bandung: Rawansah Bandung. Kaca 55]

Galeri[sunting | sunting sumber]

Godhong Katès

Godhong Katès nduweni kasiat kang akeh. Kasiate godhong katès yaiku bisa kanggo:

  • Nggancarake pencernaan
  • Nambah nafsu mangan anak
  • Nggancarake Asi
  • Tamba nyeri haid
  • Anti kanker
  • Tamba kukul
  • Tamba demam berdarah

Chatetan Suku[sunting | sunting sumber]

  1. ^ a b c d e f g h i j k (id)(diakses tanggal 30 Maret 2011)
  2. ^ a b (id)tanggal 30 maret 2011)
  3. ^ (id)[ http://www.anneahira.com/tanaman-obat/pepaya.htm (diunduh tanggal 30 Maret 2011)]
  4. ^ a b (id)(diunduh tanggal 30 Maret 2011)
  5. ^ a b c d [Natalegawa, Tirta. 2010. Serba-Serbi Tanaman Obat. Bandung: Rawansah Bandung. Kaca 55]

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Delengen Uga Who-wohan
Sumber artikel punika saking kaca situs web: "http://jv.wikipedia.org/w/index.php?title=Katès&oldid=879584"