Srikaya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Srikaya
Woh srikaya
Klasifikasi èlmiah
krajan: Plantae
divisio: Angiospermae
(unranked): Magnoliids
ordo: Magnoliales
kulawarga: Annonaceae
Genus: Annona
Species: A. squamosa
Jeneng binomial
Annona squamosa
L.

Srikaya (basa Latin: Annona squamosa), iku tetanduran sing kagolong ing sajroning genus Annona sing asalé saka dhaérah tropis. [1]

Woh srikaya wanguné bunder, kulité matané akèh (kaya sirsat). [1]Daging woh wernané putih.[1]

Klebu semak semi-ijo langgeng utawa wit sing meranggas tekan 8 m dhuwuré.[1] Godhongé selang-seling, prasaja, lembing mbujur, 7-12 cm dawané, lan ambané 3-4 cm.[1] Kembangé tuwuh ing tandhan cacahé 3-4, saben kembang ambané 2-3 cm, kanthi enem godhong kembang/kelopak, kuning-ijo mawa bintil ungu ing dhasaré.[1]

Wohé biasaé bunder utawa mèmper kerucut cemara, dhiameteré 6-10 cm, kanthi kulit benjol-benjol lan sisiken.[1] Daging wohé putih, mèmper lan rasané kayapodeng.[1]

Jinis[sunting | sunting sumber]

Srikaya ana sing rupané ijo.[2] Srikaya kang rupane ijo nduwéni daging werna putih. [2]Rasane legi. [2]Nanging ana uga srikaya kang rupané abang rada wungu.[2] Srikaya kang rupané abang rada ungu iki werna dagingé putih. [2]Kang luwih saka srikaya wungu yaiku ambuné wangi lang rasané kang legi.[2] Saliyané iku daging wohé empuk lan legit banget.[2]

Srikaya Ganal[sunting | sunting sumber]

Srikaya ganal utawa srikaya malinau jeneng ilmiahé ''Rollinia deliciosa'' .[1]Srikaya kang ukurané gedhé iki ditemokaké ing Kalimantan Timur yaiku ing Kabupatén Malinau.[1]

Asal[sunting | sunting sumber]

Srikaya malinau asalé saka Amérika tropis yaiku saka Mexiko nganti Peru lan Argentina.[1] Ing dhaérah asalé srikaya malinau nduwé jeneng ''Biriba''.[1] Srikaya iki bisa urip ing dhataran rendah tropis nganti sub tropis. [1]Srikaya iki banjur nyebar ing kawasan Malesia yaiku ing negara Malaysia, Filipina, Brunai, Papua Nugini. [1]

Deskripsi[sunting | sunting sumber]

Srikaya ganal nduwéni wit kang dhuwuré kurang luwih 4-15 métér.[1] Godhongé lonjong (élips), dawané 15-27,5 cm, ambané 7,5-10 cm, lan gagang godhongé 1 cm.[1] Kembang srikaya iki suméléh telu-telu ing pang-pang. [1]Bentuk kembangé kaya lar mlengkung mendhuwur utawa kaya lampion lan ambuné wangi.[1] Kembangé nduwé benangsari kang cacahé akéh,bentuké dawa lan ana kantung sari ing pucuké. [1]Bakal buah ana rambuté, tangkai putiké nduwéni bentuk lonjong dawa.[1]

Srikaya iki nduwéni kayu wernané kuning semu soklat. [3]Kayuné rada atos lan bisa kanggo gawé perahu kano utawa perahu boat.[3] Srikaya Malinau nduweni ukuran woh kang gedhe.[3] Bobote kurang luwih 1,5 kg. [3]Bentuk buahe rada lonjong lan dhiametere 7,5-12,5 cm.[3] Kulit buah dihiasi tanduk kang jenengeareolus. [3]Srikaya iki nalika isih nom wernane ijo lan malih kuning yen wis mateng.[3] Tandhane srikaya iki mateng yaiku yen dipenyet krasa empuk.[3] Daginge putih, alus tanpa serat lan ngandhut banyu.[3] Rasané ora patiya legi lan ora patiya kecut.[3] Srikaya malinau bisa dipangan langsung utawa dicampur es lan sirup.[3]

Khasiat[sunting | sunting sumber]

Srikaya akéh banget paédahé tumprap kaséhatan.[4] Woh kang uga diarani custard apel utawa sugar apple tumprap pelaut Inggris iki bisa kanggo ngalusaké kulit.[4] Srikaya ngandhut antioksidan kayata vitamin C kang mbiyantu nglawan ''radikal'' bebas ing awak.[4] Kalium kang dhuwur cacahé lan magnesium kang ana ing srikaya uga bisa njaga kaséhatan awak lan bisa ncegah penyakit jantung.[4]

Yèn kepéngin kulit katon ayu lan alus kanthi alami, srikaya bisa dadi alternatif.[4] Srikaya nduwéni vitamin A kang bisa njaga kulit, ngalusaké kulit lan ngrawat kulit, kaséhatan rambut lan kanggo kaséhatan mripat.[4]

Ora mung iku, srikaya uga nduwéni khasiat ngontrol tekanan darah lan mbiyantu normalaké pencernaan.[4] Srikaya bisa diolah dadi sele roti.[4] Srikaya uga bisa kanggo tamba sembelit lan ngobati diare lan kanggo woh anti disentri.[4]

Saka katrangan iku, srikaya kalebu woh-wohan kang penting kanggo diét harian.[4] Woh iki ngandhut magnesium kang akeh lan bisa nyeimbangké kandungan banyu ing awak, ngilangake asam saka sendi lan ngurangi gejala rématik lan radang sendi.[4]

Yèn awak kerep krasa kesel, srikaya uga bisa dadi obat.[4] Amarga srikaya nduwe kalium kang bisa ngobati otot kang lemah.[4] Srikaya uga bisa kanggo obat anémia, awit akéh kalori.[4] Yèn kepéngin nambah bobot awak srikaya bisa dipangan rutin. [4]Srikaya nduwé kandungan gula alami, mulané srikaya apik kanggo camilan lan buah yèn bar mangan.[4]

Sele Srikaya[sunting | sunting sumber]

Selé srikaya yaiku selé kang digawé saka srikaya kang diblénder santen, endhog lan gula kang dimasak kanthi panas geni kang ora patiya panas lan ing wektu kang suwé saéngga dadi kentel kaya selé.[5] Ana uga kang diwénéhi godhong pandan lan godhongsuji.[5] Godhong pandan lan godhong suji iki marakaké selai srikaya dadi wangi lan wernane ijo.[5]

Sele srikaya biyasané dianggo mangan roti tawar. [5]Sele iki dipangan kanthi dioléské ing roti tawar. [5]Biyasané kanggo sarapan utawa cemilan.[5]

Pangaji Gizi[sunting | sunting sumber]

Srikaya sugih kandhutan energi panganan lan arupa sumber zat wesi sing becik.[5]

Panrapan Tradhisional[sunting | sunting sumber]

Dipigunakaké déning sapérangan masarakat ing India kanggo ngramu tonik rambut.[5] Wijiné uga didheplok lan diolèsaké kanggo mbasmi tumo rambut.[5]

Galeri[sunting | sunting sumber]


Delengen Uga Woh-wohan

Cathetan suku[sunting | sunting sumber]

  1. ^ a b c d e f g h i j k l m n o p q r s t {{id}][1](dipunundhuh tanggal 28 April 2011)
  2. ^ a b c d e f g (id)[2](dipunundhuh tanggal 28 April 2011)
  3. ^ a b c d e f g h i j k (id)[3](dipunundhuh tanggal 28 April 2011)
  4. ^ a b c d e f g h i j k l m n o p (id)[4](dipunundhuh tanggal 28 April 2011)
  5. ^ a b c d e f g h i (id)[5](dipunundhuh tanggal 28 April 2011)

Pranala njaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Srikaya&oldid=840340"