Blimbing
| Blimbing | |
|---|---|
 |
|
| Woh blimbing | |
| Klasifikasi èlmiah | |
| krajan: | Plantae |
| divisio: | Magnoliophyta |
| kelas: | Magnoliopsida |
| ordo: | Oxalidales |
| kulawarga: | Oxalidaceae |
| Genus: | Averrhoa |
| Species: | A. carambola |
| Jeneng binomial | |
| Averrhoa carambola L. |
|
Wit Blimbing asalé saka Indonésia, India, lan Sri Langka, sarta akèh ing daérah Asia Kidul-Wétan, Republik Dominika, Brasil, Peru, Ghana, Guyana, Tonga, lan Polinesia.[1] Blimbing ditandur sacara komersial ing Amérika Sarékat, yaiku ing Florida Kidul lan Hawaii.[1]
Bab lan Paragraf |
[sunting] Deskripsi
Blimbing nduwéni jeneng latin Averrhoa Carambola.[1] Blimbing bentuké bunder lonjong lan nduwé rusuk landhep lincip kang cacahé lima.[1] Blimbing rasané legi lan nggawé seger. Ing kalangan internasional blimbing dikenal kanthi jeneng star fruit.[1] Kang ndadékaké blimbing dijenengi star fruit amarga yèn dikethok kanthi horisontal woh iki katon kaya bintang.[1]
[sunting] Habitat
Woh kang asalé saka India utawa Srilangka iki ora mung dibudidayakaké ing wilayah Asia Tenggara kayata Malaysia, Thailand lan Filipina, ananging uga dikenal ing negara-negara kang nduwéni iklim sub tropis liyané kayata Amérika lan Australia.[1] Blimbing gampang thukul ing panggonan kang dhuwuré 0-500 m ing sandhuwuré permukaan laut lan kanthi curah udan kang dhuwur.[1] Saliyané iku blimbing kudu éntuk cukup cahya srengenge.[1] Ing Indonésia, blimbing kang rasané legi akéh ditemokaké ing dhaérah Demak, Jawa Tengah.[1]
Wit blimbing bisa ngembang saben taun lan bisa dipanén ping telu saben setahun. [1]Saliyané blimbing woh ana uga blimbing wuluh utawa blimbing keris. [1]Blimbing iki uga diarani blimbing sayur kang jeneng latiné Averrhoa bilimbi.[1] Ananging blimbing sayur rasané luwih kecut lan biyasané kanggo nggawe sayur utawa masakan tujuwané kanggo ménéhi rasa kecut ing masakan.[1]
[sunting] Khasiat
Woh blimbing nduwéni khasiat dadi antipiretik lan ekspektoran,saéngga bisa dimanfaataké kanggo obat watuk kanggo bocah cilik.[2] Blimbing ngandhut akéh vitamin C lan nduwéni manfaat kanggo antiinflasi, analgesik, lan diuretik, saengga apik kanggo nambani watuk, sariawan, lara gorokan, obat demam, obat kencing manis utawa diabétes, lan kolésterol.[2] Vitamin C kang paling dhuwur uga apik kanggo tamba kanker.[2] Oyot blimbing uga nduweni khasiat kanggo nambani lara sirah lan nyeri sendi.[2] Saliyané iku, godhong blimbing uga bisa kanggo tamba radang lambung, radang kulit kang ana nanahé, lan bisul.[2] Blimbing uga nduwéni provitamin A.[2] Khasiat liyané, blimbing bisa nglancaraké pencernaan lan kanggo obat hiperténsi utawa tekanan darah tinggi.[2]
Ananging tumprap wong kang nduwéni penyakit ginjel kudu ati-ati, amarga blimbing ngandhut akéh asam oxalic kang mbebayani.[2]
Blimbing uga nduwéni akéh khasiat liyané.[3]
- Serat kang ana ing blimbing bisa nglancaraké proses pencernaan[3]
- Blimbing ngandhut pektin kang bisa ngurangi kolésterol saéngga bisa kanggo diét supaya bobot awaké mudhun[3]
- Ncegah hépatitis lan pengerasan ati lan asam empedu kang manggoné ing usus lan mbantu ngétokna[3]
- jus blimbing bisa nyegeraké awak yèn lagi kesel[3]
[sunting] Gizi
Saben 100 gram woh blimbing ngandhut werna-werna nutrisi kang migunani kanggo kaséhatan.[3]
- Natrium (Na) 2 miligram
- Serat 3 gram
- Protein 1 gram
- Vitamin A 61 IU
- Vitamin C 34,4 miligram
- Vitamin E 0,2 miligram
- Asam folat 12 mikrogram
- Kalium (K) 133 miligram
- Fosfor (P) 12 miligram
- Magnesium (Mg) 10 miligram
- Kalsium (Ca) 3 miligram
[sunting] Asil olahan
[sunting] Chatetan suku
- ↑ a b c d e f g h i j k l m n (id)http://www.untukku.com(dipunundhuh tanggal 18 Mei 2011)
- ↑ a b c d e f g h (id)http://organisasi.org(dipunundhuh tanggal 18 Mei 2011)
- ↑ a b c d e f (id)http://www.ayahbunda.co.id(dipunundhuh tanggal 18 Mei 2011)
- ↑ (id)http://forumnova.tabloidnova.com(dipunundhuh tanggal 18 Mei 20110
- ↑ (id)http://www.wartakota.co.id(dipunundhuh tanggal 18 Mei 2011)
- ↑ (id)http://binaukm.com(dipunundhuh tanggal 18 Mei 2011)
| Delengen Uga Who-wohan | |||||||||
|---|---|---|---|---|---|---|---|---|---|
|
|
|
|
|
|
|
|||
|
|
|
|
|
|
|
|||
|
|
|
|
|
|
|
|||
|
|
|
|
|
|
|
|||
