Pelem

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Pelem
Woh pelem gedhong, saka Sumedang, Jawa Kulon
Klasifikasi èlmiah
krajan: Plantae
filum: Magnoliophyta
kelas: Magnoliopsida
ordo: Sapindales
kulawarga: Anacardiaceae
Genus: Mangifera
Species: M. indica
Jeneng binomial
Mangifera indica
L.

Pelem iku jeneng sajenis woh, mangkono uga jeneng wité.[1] Pelem klebu ing marga Mangifera, sing kapérang saka 35-40 anggota, lan suku Anacardiaceae.[1] Jeneng èlmiyahé yaiku Mangifera indica.[1]

Genus Mangifera duwé 62 ''spesies'', nanging sing ngasilaké woh sing énak mung 16 species.[1] Pelem sing dipangan awaké dhéwé saben dina, kayata pelem golèk klebu species Mangifera indica L.[1]

Wit pelem klebu tetanduran tingkat dhuwur sing struktur watangé klebu klompok ''arboreus'', yaiku tetanduran kayu sing dhuwuré watang luwih saka 5 m.[1] Dhuwuré wit pelem isa nganti 10-40 m lan umuré isa tekan 10 taun utawa luwih.[1] Pelem kang isih nom biayasané disenengi wong meteng.[2]

Asal[sunting | sunting sumber]

Pelem iku kalebu tanduran woh taunan kang asalé saka nagara India.[3] Tanduran pelem banjur nyebar ing tlatah Asia Tenggara, kalebu Malaysia lan Indonésia.[3]

Jinis kang akeh urip ing Indonesia[sunting | sunting sumber]

Klasifikasi botani pelem yaiku:[3] Divisi : Spermatophyta Sub divisi : Angiospermae Kelas : Dicotyledonae Keluarga : Anarcadiaceae Genus : Mangifera Spesies : Mangifera spp. Jinis pelem kang akéh ditandur ing Indonésia yaiku ''Mangifera indica L''.[3] Contoné pelem arumanis, golék, gedhong, manalagi lan cengkir lan ''Mangifera foetida'' kayata kemang dan kweni.[3]

Habitat[sunting | sunting sumber]

Pusat tanduran pelem ing Pulo Jawa yaiku ing Probolinggo, Indramayu, Cirebon.[3] Tanduran pelem cocok urip ing dhaérah kanthi musim kering kurang luwih 3 sasi.[3] Musim kering iki dibutuhaké sadurungé lan yen wayah ngembang.[3] Yèn ditandur ing dhaérah kang lembab, tanduran pelem bakal kena serangan ama lan penyakit.[3] Saliyané iku bisa rontok kembang lan wohé yèn ngembangé wayah udan utawa mangsa rendheng.[3]

Asil olahan[sunting | sunting sumber]

Pelem kang mateng bisa langsung dipangan dadi buah, rasané kang legi lan seger, dagingé kang empuk gawé wong akeh kang seneng pelem.[2] Pelem kang isih nom bisa diawetké kanthi kadar gula kang akéh dadi manisan basah lan kering.[2] Pelem kang durung mateng diarani kepoh, bajangan.[2]

Khasiat[sunting | sunting sumber]

Pelem nduwéni akeh variétas.[4] Kurang luwih ana 2.000 jinis pelem ing donya.[4] Saliayané rasané kang legi lan seger, pelem uga nduwéni khasiat kang migunani kanggo kaséhatan.[4] Woh pelem nduwéni zat-zat kang dibutuhaké awak.[4]

  • ngandhut vitamin A,E lan C[5]
  • bisa dadi disinféktan[5]
  • ngresikki getih[5]
  • ngobati werna-werna penyakit, ngilangi bau badan utawa awak kang kringeté rada ora énak ambuné.[5]
  • obat yèn lagi demam lan awak panas[5]

Bahan wacan[sunting | sunting sumber]

  • Morton, J. 1987. Mango. p. 221–239. In: Fruits of warm climates. Julia F. Morton, Miami, FL.
  • van Steenis, C.G.G.J. 1981. Flora, untuk sekolah di Indonesia. PT Pradnya Paramita. Jakarta.
  • Verheij, E.W.M. dan R.E. Coronel (eds.). 1997. Sumber Daya Nabati Asia Tenggara 2: Buah-buahan yang dapat dimakan. PROSEA – Gramedia. Jakarta. ISBN 979-511-672-2.

Cathetan suku[sunting | sunting sumber]

  1. ^ a b c d e f g (id)Situs Deptan(dipunundhuh tanggal 27 April 2011)
  2. ^ a b c d (id)Kabarinews(dipunundhuh tangal 27 April 2011)
  3. ^ a b c d e f g h i j (id)Situs Ristek(dipunundhuh tanggal 26 April 2011)
  4. ^ a b c d (id)Vivanews.com(dipunudhuh tanggal 27 April 2011)
  5. ^ a b c d e (id)Khasiat dan Manfaat Buah-buahan(dipunudnhuh tanggal 27 April 2011)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:

Gallery[sunting | sunting sumber]

Delengen Uga Who-wohan
Sumber artikel punika saking kaca situs web: "http://jv.wikipedia.org/w/index.php?title=Pelem&oldid=851714"