Krambil

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Kelapa
Status konsèrvasi: Aman
Coconut.jpg
Klapa
Klasifikasi Ilmiah
Regnum: Plantae
Divisio: Magnoliophyta
Kelas: Liliopsida
Ordo: Arecales
Familia: Arecaceae
Genus: Cocos
Spesies: C. nucifera
Jeneng binomial
Cocos nucifera
L.

Krambil utawa klapa iku sawijining tanduran saka kulawarga Arecaceae. Wit iki siji-sijining spésiés ing genus Cocos, lan wité bisa nganti 30 mèter dhuwuré. Krambil utawa klapa uga ngarané wohé wit iki sing kulité atos lan dagingé awerna putih. Wit krambil kalebu tanduran saka daerah tropis, bisa tuwuh kanthi apik ing daerah pesisir senajan uga bisa urip ing daerah nggunung kang dhuwure 1000 saka segara nanging asile kurang apik.

Kembang klapa arané "manggar".[1] Saliyané bisa dadi woh, manggar uga bisa didèrès kanggo dijupuk legené lan digawé gula jawa.[1]


Woh klapa uga dienggo dadi bahan panganan.[1]Sari daging klapa sing diperes diarani santen.[1]


Banjur godhong krambil uga dienggo dadi bungkus panganan lan kagunan liya-liyané.[1]Godhong krambil sing isih enom lan wernané kuning diarani "janur", sauntara sing wis ijo wernané utawa wis tuwa diarani "blarak".[1]


Saliyané iku wit klapa kang aran glugu uga dienggo dadi bahan bangunan sing cukup apik.[1]Kayu wit klapa diarani "glugu" ing Tanah Jawa.[1]

Arane Perangan wit klapa[sunting | sunting sumber]

Wit[sunting | sunting sumber]

Godhong[sunting | sunting sumber]

kembang lan woh[sunting | sunting sumber]

Perangane Krambil[sunting | sunting sumber]

  1. kepeng
  2. sepet
  3. cempol
  4. bathok
  5. krambil
  6. banyu krambil
  7. kenthos

Asil olahan[sunting | sunting sumber]

Santen klapa[sunting | sunting sumber]

Santen klapa kalebu cairan kang bébas kolésterol, awit lemak kang ana ing santen klapa kalebu lemak nabati. [2] Santen bisa digunakaké ing akéh masakan. [2] Santen uga bisa dadi bahan dhasar masakan. [2] Tuladhané masakan kari,nasi lemak,kuih-muih,kek, biskut, kaya, lan liya-liyané. [2]Saliyané kuwi uga akéh masakan tradisional kang nggunakaké santen kanggo kuah utawa bahan dhasar kanggo ngencéraké. [2] Kayata sega gandhul, sega gandhul iki masakan khas Pati. [2] Conto liyané yaiku soto. [2]Méh saben dhaérah nduwé masakan soto, dadi ana kang diarani soto Kebumén, soto Kudus, soto kebo, soto ayam, soto kanjengan lan liya–iyané. [2] Soto kang nggunakaké santen biyasané diarani soto butheg, déné soto bening biyasané soto kang ora nganggo santen. [2]

Santen kang wis distéril luwih gampang digunakaké. [2]Santen iki biyasané diarani santen instan. [2]Saiki akéh pabrik-pabrik kang mroduksi santen instan. [2] Santen instan luwih praktis amarga ora usah marut lan meres klapa, mung kari nyuwék bungkusé lan dicampur ing masakan. [2] Santen instan utawa santen siap paké iki bisa awét nganti telung dina sawisé dibukak, nanging kudu disimpen ing kulkas supaya ora mambu. [2]Sadurungé nyampuraké santen masakan , kudu diocak-ocak dhisik. [2]Tujuwané supa sari utawa santen bisa nyampur kabéh ora menep utawa pecah yen dimasak. [2] Santen instan rasane uga ora kalah gurih karo santen kang asalé saka peresan langsung. [2] Santen kani yaiku santen kang kenthel. [2]Biyasane santen iki asil peresan kang sepisanan. [2]Dadi klapa kang wis diparut utawa diselépna banjur diperes nganggo banyu, asil peresan kang sepisanan iki kang diarani santen kani. [2] Santen kani rasané luwih gurih lan luwih butheg utawa kenthel. [2]

Gula Jawa[sunting | sunting sumber]

Gula jawa biyasané diarani uga gula abang, gula palem lan gula arèn.[3] Gula iki asale saka deresan kembang klapa utawa kang diarani manggar.[3] Dèrèsan manggar banjur diolah utawa dimasak nganti pekat lan dicithak dadi setengan lingkaran.[3] Gula jawa rasané legi rada gurih.[3] Gula jawa biyasane digawe bumbu rujak lan kanggo bumbu masakan liyane.[3] Gula jawa uga kena kanggo campuran bumbu lan marakaké sedhep.[3] Umpamané bumbu cemedhing, bumbu oséng-oséng kangkung, lan liya-liyané.[3]

Kanggo para wanita gula jawa uga kena kanggo perawatan wajah.[3] Umumé wong wadon kepengin nduwé praupan kang resik lan cerah.[3] Ananging kadang thukul jerawat, pori-pori wajah kang gedhé lan penuaan dini.[3] Akéh-akéhé para wadon nggunakaké perawatan salon kayata ''facial'' lan totok wajah.[3] Nanging ana cara alami kang ora mbebayani kanggo ngatasi pori-pori besar lan rai kang rada kusam. Carane yaiku nggunakake gula jawa. Umumé gula jawa pancén kanggo gawé jajanan utawa bolu lan kanggo nggawé juruh bubur blowok.[3] Ananging saliyne iku, gula palem uga kena kanggo peremajaan kulit, saéngga kulit katon luwih seger.[3] Gula iki bisa kanggo nyilikake pori-pori saéngga kulit katon luwih alus.[3]

Carané gampang lan praktis.[3] Gula jawa dicampur madu banjur kanggo maskeran utawa scrub.[3] Kanggo asil kang maksimal luwih becik yen perawatan iki dilakokaké rong dina sepisan.[3]

Saiki gula jawa ora mung diproduksi dadi gula kang padat kang bentuké setengah lingkaran, nanging uga aana kang digawé butiran utawa serbuk kayak gula pasir kang rupane coklat.[3]

Jelly klapa[sunting | sunting sumber]

Jeli klapa uga kena diarani nata de coco.[4] Jeli iki asil perméntasi banyu klapa. Nata de coco biyasané digawé és utawa ager-ager.[4] Saliyané iku nata de coco uga kanggo campuran nggawé puding[[.[4]

És degan[sunting | sunting sumber]

Es kelapa muda utawa és degan nduwé jeneng ngetrén és klamud.[5] És klamud iki enak yen diombe wayah awan.[5] Biyasane es klamud uga dicampuri sirup kanggo nambahai rasa legi.[5] Klapa klamud iku istilah kanggo klapa kang kemlamud utawa klapa bayi kang isih empuk lan rasané kaya-kaya bisa dipangan kanthi diklamuti.[5]

Asil liyané[sunting | sunting sumber]

Olahan primer daging klapa kang mateng kena kanggo substitusi utawa pengganti glepung kanggo nggawe jajanan.[1] Jajanan iki kayata roti, biskuit dan kué-kué kering, permén, és krim lan liya-liyané.[1] Bentuk olahan primér kang akeh digawé yaiku klapa parut kering''desiccated coconut''.[1] Saliyané iku, bisa uga glepung klapa kang digawé saka ampas klapa kang wis diperes santené.[1]

Pigunan saka wit klapa[sunting | sunting sumber]

Saben perangan wit krambil bisa kagunakake.


Jinis[sunting | sunting sumber]

Klapa sawit[sunting | sunting sumber]

Klapa sawit ''Elaeis'' yaikun tanduran kang bisa ngasilaké lenga karbolin.[1] Lenga iki bisa digunaké kanggo ngoréng panganan.[1] Klapa sawit uga kalebu tanduran industri kang penting awit bisa ngasilaké lenga masak lan lenga industri, uga bahan bakar ''biodiese''.[1] Indonesia kalebu negara kang ngasilake klapa sawit paling akeh ing donya.[1] Klapa sawit bisa urip ing Indonésia kayata ing dhaérah Acéh, pantai timur Sumatra, Jawa lan Sulawesi.[1]

Klapa kuning[sunting | sunting sumber]

Klapa kuning yaiku klapa kang kulité wernané kuning. [1] Klapa iki biyasané diarani klapa gadhing.[1] Klapa gadhing bisa kanggo masak lan digawé és degan.[1]

Klapa ijo[sunting | sunting sumber]

Klapa ijo yaiku klapa buah kang kulité sing paling njaba wernané ijo.[1] Klapa ijo kena uga diarani klapa obat, amarga banyu klapa ijo iki bisa kanggo penawar racun.[1] dadi yèn ana wong keracunan banjur diombéni banyu klapa ijo, bakal mari lan seger manéh.[1]

Galeri[sunting | sunting sumber]

Chatetan suku[sunting | sunting sumber]

  1. ^ a b c d e f g h i j k l m n o p q r s t u v w (id)[1](dipunundhuh tanggal 18 April 2011)
  2. ^ a b c d e f g h i j k l m n o p q r s t u (id) [2](dipunundhuh tanggal 18 April 2011)
  3. ^ a b c d e f g h i j k l m n o p q r (id)[3](dipunundhuh tanggal 18 April 2011)
  4. ^ a b c (id)[4](dipunundhuh tanggal 18 April 2011)
  5. ^ a b c d (id)[[id}}[http://www.tabloidnova.com/(dipunundhuh tanggal 18 April 2011)


Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Krambil&oldid=812725"