Krambil

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

? Kelapa Cithakan:StatusSecure
Klapa
Klasifikasi Ilmiah
Regnum: Plantae Divisio: Magnoliophyta Kelas: Liliopsida Ordo: Arecales Familia: Arecaceae Genus: Cocos Spesies: C. nucifera
Jeneng binomial
Cocos nucifera L.

Krambil utawa klapa iku sawijining tandhuran saka kulawarga Arecaceae. Wit iki siji-sijining spesies ing genus Cocos, lan wité bisa 30 mèter dhuwuré. Krambil utawa klapa uga ngarané wohé wit iki sing kulité atos lan dagingé awerna putih. Wit krambil biyasané thukul ing pinggir panté.

Kembang klapa arané "manggar". Saliyané bisa dadi woh, manggar uga bisa didèrès kanggo dijupuk tlutuhé lan digawé gula jawa.

Woh klapa uga dienggo dadi bahan panganan. Sari daging klapa sing diperes diarani santen.

Banjur godhong krambil uga dienggo dadi bungkus panganan lan kagunan liya-liyané. Godhong krambil sing isih enom lan wernané kuning diarani "janur", sauntara sing wis ijo wernané utawa wis tuwa diarani "blarak".

Saliyané iku wit klapa uga dienggo dadi bahan bangunan sing cukup apik. Kayu wit klapa diarani "glugu" ing Tanah Jawa.

[sunting] Pranala jaba

• (en) Informasi bab klapa
• (en) Coconut Time Line
• (en) Cocos nucifera L.