Salak

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Salak
Woh salak
Klasifikasi èlmiah
krajan: Plantae
divisio: Magnoliophyta
kelas: Liliopsida
ordo: Arecales
kulawarga: Arecaceae
Genus: Salacca
Species: S. zalacca
Jeneng binomial
Salacca zalacca
(Gaertn.) Voss
Sinonim

Salacca edulis Reinw.
Calamus zalacca Gaertn.

Salak kuwi uwit lan woh saka tanduran sing klebu golongan palma kanthi woh sing bisa dipangan.[1] Uwit lan woh iki uga dikenal minangka sala (Min., Mak., Bug., [2] dan Thai). Jroning basa Inggris diarani salak utawa snake fruit, sauntara jeneng ilmiahé yaiku Salacca zalacca. Wohé kang bunder padha karo endhog nanging rada lancip ing sisih dhuwur, kulité coklat tuwa. Woh iki uga disebut snake fruit amarga kulité mèmper sisik ula. [1]Rasané sepet nanging saiki wis dibudidayakaké jenis unggulan.[1]

Jinis[sunting | sunting sumber]

Saliyané dadi dhaérah wisata kang éndah , Bali uga dadi sentral produksi salak ing Indonésia.[3] Salak kang asalé saka Bali iki jenengé salak Bali.[3] Salak Bali daging buahé kandel lan wernané putih rada kuning.[3] Tekstur salak Bali renyah.[3] Wijiné uga cilik-cilik, cacahé 1-2 saben woh.[3] Ukuran salak Bali rada cilik.[3] Salak Bali nduwéni sifat khas ''kleistogami''. [3]Tegesé, pembuahan salak Bali bisa kadadéyan kanthi otomatis, or mrelokaké manungsa.[3] Wit salak Bali dhuwuré kurang luwih lima nganti pitung meter.[3]

Woh salak bisa dipanén sawise mateng lan umuré kira-kira enem wulan sawisé kembang mekar. [3]Salak kang siap panèn titikané sisiké jarang, werna kulité abang semu ireng utawa kuning tuwa lan wulu-wuluné wis ilang. [3]Pucuké salak lancip lan empuk yèn dipenyèt.[3]

Salak Bali akèh ditemokaké ing Sibetan lan Karangasem.[3]

lan liyané

Carané nandur[sunting | sunting sumber]

Saiki nandur salak wis tansaya maju.[4] Olèhé nandur ora ndadak ndhedher ''kenthos''.[4] Carané luwih gampang lan cepet yaiku kanthi nyangkok nganggo pring utawa botol plastik lan saben dina kudu sregep nyirami.[4] Menawa wis metu oyodé dikethok banjur ditandur.[4]

Sadurungé ditandur lemahé didhudhuk dhisik banjur diwènèhi rabuk. [4] Dientèni nganti sawetara wektu lagi cangkokan salak mau ditandur.[4] Yèn wis metu ketheker digolèkaké kembang salak lanang sing banjur digepyokaké ing ketheker lan iki sing diarani kawin silang tumprap salak.[4] Wiwit kembang, géyol nganti dadi salak mateng umuré sesasi.[4]

Habitat[sunting | sunting sumber]

Tanduran salak bisa urip ing dhaérah-dhaérah ing Indonésia.[4] Tuladhané ing DKI Jakarta, Jawa Barat, Jawa Tengah, D.I.Yogyakarta, Jawa Timur, Sumatera Utara, Sulawesi Utara, Sulawesi Selatan, Maluku, Bali, NTB lan Kalimantan Barat.[4]

Salak bisa urip ing lemah kang subur, gembur, lan lembab.[5]

Derajat keasaman lemah utawa ''pH'' kang cocok kanggo nandur salak yaiku 4,5-7,5.[5] Wit salak bakal mati yen lemah kang dianggo urip ngandhut banyu kang luwih-luwih.[5] Wit salak bakal mati amerga kebacékén.[3] Ananging salak mbutuhaké lemah kang lembab kanggo urip.[5] Wit salak bisa urip ing dhaérah kang dhuwuré 100-500 m dpl.[5]

Asil olahan[sunting | sunting sumber]

Woh salak bisa dipangan langsung tanpa olahan apa-apa.[4] Salak bisa kanggo buah sawisé mangan.[4] Ananging yen salak arep dipangan langsung, kudu ngenténi salak mateng.[4] Salak yen durung mateng rasane sepet.[4] Salak uga bisa digawé manisan kang rasané legi uga bisa digawé asinan kang rasané rada asin.[4] Saiki manisan salak bisa digawé saka salak sakulité, dadi tanpa diocéki.[4] Wit salak ora bisa digunakaké kanggo bahan bangunan lan kayu bakar.[4] Woh salak biyasané disuguhaké dadi buah meja.[4] Woh salak kang didol biyasané isih arupa ''tandan'' utawa wis diprothéli dadi pethilan sawiji-wiji. [4]Salak kang dipanén ing wulan kang kaping 4 utawa 5 biyasané digawé manisan.[4]

Galeri Salak[sunting | sunting sumber]

Rujukan[sunting | sunting sumber]

  1. ^ a b c (id)[1](dipunundhuh taggal 25 April 2011)
  2. ^ Heyne, K. 1987. Tumbuhan Berguna Indonesia, jil. 1. Yay. Sarana Wana Jaya, Jakarta. Hal. 392.
  3. ^ a b c d e f g h i j k l m n o p q r (id)[2](dipunundhuh tanggal 25 April 2011)
  4. ^ a b c d e f g h i j k l m n o p q r s t (id)[3](dipunundhuh tanggal 25 April 2011)
  5. ^ a b c d e (id)[ www.nationalgeographic.com/field/explorers/kira-salak/](dipunundhuh tanggal 25 April 2011)

Pranala njaba[sunting | sunting sumber]

Commons-logo.svg
Wikimedia Commons gadhah galeri bab:
Deleng Uga Who-wohan
Sumber artikel punika saking kaca situs web: "http://jv.wikipedia.org/w/index.php?title=Salak&oldid=883436"