Madu

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Madu

Madu (basa Sansekreta: madhu), yaiku cairan legi kentel kang digawé tawonTawon.[1] Saka sarining kembang-kembang sing uga diarani néktar. Néktar iki bisa diowahi déning tawon-tawon dadi madu sawisé ditambahi énzim-énzim. [1]Madu akèh banget mupangaté.[1] Kajaba kena kanggo ombènan, uga kena kanggo tetamba.[1] Yèn kanggo tetamba kudu milih madu Asli. [1]

Kanggo niténi madu iku asli apa palsu, carané gampang:

  • Madu ditetesaké ing kertas. Yèn nganti dirubung semut, tegesé palsu.[1]
  • Madu ing gendul, manawa dikocok banjur munthuk, tegesé uga palsu.[1]
  • Nyelupaké rek ing madu; nuli dijresaké. Manawa bisa murub, kuwi madu asli.[1] Yèn ora murub tegesé uga palsu. [1]

Tawon biyasané nggawé omah ing wit-wit kang nggrembuyeng. [1]Madu rasané legi lan nyéhataké, amarga madu asalé saka kembang-kembang kang alami sing dipangan tawon. [1]

Tawon[sunting | sunting sumber]

Tawon kang nagsilaké madu kang paling éféktif yaiku Tawon alas utawa Apis Dorsata.[2] Tawon iki kalebu tawon madu Asia kang paling apik maduné.[2] Tawon iki nggawé omah mung siji sisiran kang nggantung ing pang wit, ing langit-langit kang bukaan lan ing tebing jurang.[2] Apis dorsata durung bisa dibudidayakake ing papan kang tertutup.[2] Sisiran sarang ukurane 2 x 2 m lan tawon iki bisa ngasilaké sarang nganti 20 kg saben sarang.[2]

Apis doesara iki awaké gedhé yèn dibandingaké spesiés tawon madu liyané. [2]Tawon iki urip ing dhaérah sub-tropis lan tropis Asia kayata Indonésia, Filipina, Indi, Népal lan ora ditemokaké ing saliyané dhaérah Asia. [2]Ing Indonesia tawon alas bisa ditemokaké ing Sumatra, Kalimantan, Sulawesi lan NTB utawa NTT. Tawon iki arang ditemokaké ing Pulo Jawa.[2]

Dasa nama[sunting | sunting sumber]

Ing Indonésia tawon iki nduwé dasanama kayata manye/muanyi (Kalimantan Barat - danau Sentarum), tawon gong (Jawa), tawon odeng (Sunda), labah gadang, labah gantuang, labah kabau, labah jawi (Sumatera Barat), harinuan (Tapanuli),lan ing bahasa Inggris diarani giant hone bee. [2]

Murni[sunting | sunting sumber]

Madu
Nilai nurtrisi per 100 g (Cithakan:Convert/oz)
Energi 1.272 kJ (Cithakan:Convert/kcal)
Karbohidrat 82.4 g
- Gula 82.12 g
- Serat pangan 0.2 g
Lemak 0 g
Protein 0.3 g
Air 17.10 g
Riboflavin (Vit. B2) 0.038 mg (3%)
Niacin (Vit. B3) 0.121 mg (1%)
Pantothenic acid (B5) 0.068 mg (1%)
Vitamin B6 0.024 mg (2%)
Folate (Vit. B9) 2 μg (1%)
Vitamin C 0.5 mg (1%)
Calcium 6 mg (1%)
Iron 0.42 mg (3%)
Magnesium 2 mg (1%)
Phosphorus 4 mg (1%)
Potassium 52 mg (1%)
Sodium 4 mg (0%)
Zinc 0.22 mg (2%)
Shown is for 100 g, roughly 5 tbsp.
Persèntase ngrujuk saka rékomendasi Amérika Sarékat kanggo wong diwasa.
Source: Sumberdata Nutrisi USDA

Madu asli utawa kang diarani madu asli yaiku cairan nektar kembang kang diisep tawon madu lan dilebokaké ing kantong madu ing njero awaké tawon.[3] Néktar kembang kang wis diisep mau banjur diolah ing awak tawon kanthi dicampur karo enzim tartamtu banjur ditokaké ing panggonan kanggo nyimpen madu yaiku ing tholo utawa sarang tawon.[3]

Komposisi madu murni nduwéni gizi kang lengkap.[3] Ananging komposisiné uga gumantung karo sumber néktar kang diisep tawon.[3] Madu murni ngandhut Vitamin-Mineral, Protéin, Zat hidrat arang, Hormon, Antibiotik lan trace Elemen. [3]Vitamin A,kabeh jinis vitamin B kompléks, beta caroten, Vitamin C,D,E dan K.Mineral kang arupa uyah: Mg, S, Fe, Ca, Cl, K, Y, Na, Cu, lan Mn. [3]Madu murni ngandhut énzim aktif kang ora bisa diproduksi manungsa.[3] Enzim iki kanggo reaksi kimia biologis lan sistem metabolisme ing awak.[3] Enzim ing madu kalebu enzim kang paling apik saka kabéh panganan.[3]

Khasiat[sunting | sunting sumber]

Madu dimanfaatké kanggo kaséhatan lan kanggo nambani penyakit.[4] Ora mung wong Timur kang nggunakaké madu ananging wong Barat uga nggunakaké madu kanggo tamba.[4]

Campuran madu lan kayu manis uga dipercaya bisa ngobati werna-werna penyakit. [4]Madu pancen diasilaké méh kabéh negara ing dunya.[4] Ayurverdic ( nambani penyakit kanthi metode ayurveda) lan pangobatan Yunani wis nggunakaké madu kanggo obad wiwit pirang-pirang abad kapungkur.[4]

Para ilmuwan uga wis njléntréhaké yèn madu bisa dadi obat kang éféktif kanggo kabéh penyakit. [4]Madu bisa dadi obat kang ora ana éfék sampingé. [4]Sanajan rasané legi, madu uga apik kanggo wong kang nandang diabétes.[4]

Madu yèn dicampur kayu manis bisa kanggo obat kang mujarab.[5] Miturut Weekly World News madu bisa nambani penyakit kayata Arthritis (radang sendi), rambut rontok ing rambut, infeksi kandung kemih, lara untu, pilek, mandhul, lara weteng, kembung, lara jantung, njaga kekebalan awak, gangguan pencernaan, influenza,ncegah penuaan, jerawat, inféksi kulit, keselen, obesitas, bau nafas[5]

Saliyané kena kanggo obat, madu uga bisa kanggo perawatan kecantikan.[6]

Informasi saka laman Times of India madu nduwéni akéh kagunan.[6]

  • Madu bisa dadi penggantiné gula kang séhat.[6]
  • Madu kena kanggo diét[6]
  • Madu nduwe sifat anti-baktéri kang bisa njaga pencernaan. Madu bisa diombé bocah cilik lan ora ana éfék sampingé.[6]
  • Madu uga nduwé karsinogen kang bisa ncegah tumor amarga nduweni sifat anti-tumor lan bisa ncegah kanker.[6]
  • Madu bisa ditambahaké ing wedang jaé kanggo ngobati lara gorokan.[6]
  • Madu nduweni sifat antiseptik kang bisa ncegah inféksi bakteri. [6]
  • Madu uga bisa ngurangi rasa lara lan aboh, amarga madu nduwéni sifat antibakteri kang ncegah inféksi lan nduwéni fungsi agén anti-inflamasi.[6]
  • Madu bisa kanggo masker rai.[6]

Wektuné kurang luwih 10 nganti 15 menit sadurungé rai diraupi nganggo banyu anget.[6] Iki ndadekake kulit rai dadi lentur lan katon seger.[6]

Galeri[sunting | sunting sumber]


Cathetan Suku[sunting | sunting sumber]

  1. ^ a b c d e f g h i j k (id)www.maduhutan.com{dipunundhuh tanggal 3 Mei 2011)
  2. ^ a b c d e f g h i (id)www. madu hutan.com/informasi/lebah hutan(dipunundhuh tanggal 3 Mei 2011)
  3. ^ a b c d e f g h i (id)http://health.kompas.com(diundhuh tanggal 3 Mei 2011)
  4. ^ a b c d e f g h (id)http://health.kompas.com/read/2010/08/24/0824337/20.Khasiat.Madu.Plus.Kayu.Manis.I.(dipunundhuh tanggal 3 Mei 2011)
  5. ^ a b (id)http://health.kompas.com/read/2010/08/24/09125830/20.Khasiat.Madu.Plus.Kayu.Manis.II(dipunundhuh tanggal 3 Mei 2011)
  6. ^ a b c d e f g h i j k l m n (id)http://kosmo.vivanews.com(dipunundhuh tanggal 3 Mei 2011)
Commons-logo.svg
Wikimedia Commons gadhah galeri bab:
Wiktionary-logo-en.png
Pirsani informasi ngenani Madu ing KamusWiki.
Wikipedia
Artikel punika, artikel dhasar ingkang kedah dipundarbèni sadaya basa.

Sumber artikel punika saking kaca situs web: "http://jv.wikipedia.org/w/index.php?title=Madu&oldid=884301"