Sirup

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sirup

Sirup (saka basa Arab شراب sharab, ombènan) yaiku cairan kang kenthel lan nduwèni kadhar gula kalarut kang dhuwur, ananging ora nduwèni endhepan kristal.[1] Viskositas (kakenthelan) sirup disebabaké amarga akèhé ikatan hidrogen saka gugus hidroksil (OH) ing molekul gula kang larut ing molekul banyu.[1] Miturut tèknik utawa ing èlmiah, istilah sirup uga kerep digunakaké kanggo nyebutaké cuwèran kenthel, umumé résidhu, kang ngandhut dat saliyané gula. [1]

Kanggo ningkataké kadhar gula kang larut, biyasané sirup dipanasaké.[2] Larutan sirup dadi super-jenuh.[2]

Sirup uga kerep digunakaké kanggo obat-obatan, kulinèr lan ombènan.[2] Sirup umumé digawé saka gula lan banyu.[3] Sirup ngandhut gula kurang luwih 50%-80%.[3]

Sirup wujudé kenthel.[3] Nalika ngombé sirup kudu dicampur karo banyu.[3] Sirup umumé diombé karo ès watu, ananging sirup uga kena diombé karo banyu anget.[3] Sirup digawé kanthi manéka rasa. Biyasané rasa woh-wohan kayata jeruk, stroberi, klapa, pandhan, apel, bléwah, kiwi, térong landa, dlima, arbey.[3] Saliyané iku sirup uga ana kang digawé saka campuran rasa woh-wohan mau kayata jeruk karo bléwah, klapa-pandhan.[3]

Sirup biyasané diwadhahi gendul lan didol ing toko-toko.[3] Ana uga obat sirup, obat iki banjur digawé sirup dhéwé kanthi digodhog karo gula lan banyu.[3] Sirup kang didol biyasané nduwèni mèrek.[3] Mèrek-mèrek sirup ing Indonésia kayata Sirup ABC, Sirup Marjan, Indofood lan liya-liyané. [3] Saliyané iku sirup uga ana kang wis diwadhahi ing gelas-gelas lan didol kanthi di press tutupé.[3]

Cathetan sikil[sunting | sunting sumber]

  1. ^ a b c (id)artikata.com(diundhuh tanggal 28 Juni 2011)
  2. ^ a b c (id)ciputraentrepreneurship.com(diundhuh tanggal 28 Juni 2011)
  3. ^ a b c d e f g h i j k l (id)food-info.net(diundhuh tanggal 28 Juni 2011)


Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.

Sumber artikel punika saking kaca situs web: "http://jv.wikipedia.org/w/index.php?title=Sirup&oldid=851840"