Stroberi

Stroberi
Klasifikasi èlmiah
krajan:	Plantae
divisio:	Magnoliophyta
kelas:	Magnoliopsida
ordo:	Rosales
kulawarga:	Rosaceae
Subkulawarga:	Rosoideae
Suku:	Potentilleae
Subsuku:	Fragariinae
Genus:	Fragaria L.
Spesies
20+ spesies; pirsani teks

Stroberi utawa strawberi (uga ditepungi kanthi jeneng arbei, saka basa Walanda aardbei) iku sawijining genus tetanduran jroning kulawarga Rosaceae, uga arupa jeneng woh saka tetanduran iki. Ana kurang luwih 20 spesies stroberi. Spesies sing paling umum ditandur kanggo didol yaiku saka asil panyilangan Fragaria × ananassa.

Woh stroberi wernané ijo rada puti nalika tuwuh, lan akèh-akèhé malih dadi abang nalika mateng. Jenengé asalé saka basa Inggris kuna streawberige sing arupa gabungan saka streaw utawa "straw" lan berige utawa "berry". Alesan pamènèhan jeneng iki isih ora cetha. Sapérangan spesies Lepidoptera njupuk sumber panganané saka tetanduran stroberi, mula spesies iki dadi ama utama tanduran stroberi.

Klasifikasi

Ana luwih saka 20 spesies Fragaria ing saindhenging donya. Kunci panglompokan spesies stroberi iki yaiku adhedhasar cacahing kromosomé. Ana pitung jinis kromosom utama sing ana ing kabèh spesies. Sapérangan spesies iku diploid yaiku duwé rong pasang saka pitung kromosom ndadèkaké gunggungé 14 kromosom. Sing liyané arupa tetraploid yaiku duwé patang pasang saka pitung kromosom ndadèkaké gunggungé 28 kromosom, hexaploid (6 pasang), oktoploid (8 pasang) utawa dekaploid (10 pasang).

Spesies diploid

• Fragaria daltoniana
• Fragaria iinumae
• Fragaria nilgerrensis
• Fragaria nipponica
• Fragaria nubicola
• Fragaria vesca
• Fragaria viridis
• Fragaria yezoensis

Spesies tetraploid

• Fragaria moupinensis
• Fragaria orientalis

Spesies hexaploid

• Fragaria moschata

Spesies oktoploid lan variané

• Fragaria x ananassa
• Fragaria chiloensis
• Fragaria iturupensis
• Fragaria virginiana

Spesies dekaploid lan variané

• Fragaria × Potentilla
• Fragaria × vescana

Sapérangan spesies anyar wis ditepungaké sing arupa subspesies saka spesies-spesies ing dhuwur.

Pranala njaba

Wikimedia Commons gadhah galeri bab:

Stroberi

• (en) Darrow, George M. The Strawberry: History, Breeding and Physiology. New York. Holt, Rinehart and Winston, 1966. Available online.
• (en) List of Fragaria resources, USDA
• (en) GRIN Fragaria Taxonomy Database Listing of Fragaria species, also from a USDA website
• (en) Medicinal uses of strawberries in Armenia, from an ad-supported wiki
• (en) Fragaria chiloensis pictures from Chilebosque