Pelem golèk

Saka Wikipédia Jawa, bauwarna mardika basa Jawa
(Kaelih saka Golèk)
Pelem golèk, pelem gedong, lan pelem arumanis kang didol ing pinngir dalan

Pelem golèk iku salah siji jinising pelem sing wanguné dawa. Nalika isih nom, rasané kecut banget, nanging yèn wis mateng, rasané legi banget. Jinis pelem lokal asal Probolinggo lan Pasuruan iki jenengé misuwur. Mantri Pertanian wis nemtokaké pelem golèk iki minangka varietas unggul. Woh pelem iki wanguné lonjong dawa, pucuké lancip. Werna wohé sing isih anom ijo, yèn wis tuwa malih dadi kuning ing bongkoté lan rada ijo ing pucuké. Kulit woh ora pati kandel, alus, lan ana tutul-tutul klanjer awarna putih kapara ijo lan owah dadi soklat sawisé tuwa. Daginig wohé kandel, awarna kuning tuwa, empuk, ora ana seraté, lan yèn diiris ora akh ngetokaké banyu.

Wit pelem golèk kalebu tuwuhan dhataran cendhèk. Tuwuhan iki bisa tuwuh apik ing tlatah sing dhuwuré watara 0–300 m sadhuwuring sagara. Sanadyan mangkono, tuwuhan iki uga isih bisa urip nganti tlatah sing dhuwuré 1.300 m sadhuwuring banyu sagara. Dhaérah kanthi curah udan watara 750-2.250 mm per taun lan temperatur 24-27 °C minangka papan tuwuh sing apik tumrap tuwuhan iki. Jinis lemah sing disenengi ya iku lemah sding gembur, kanthi drainase apik, duwé pH antara 5,5-6, lan jeroné banyu lemah watara 50–150 cm[1]

Rujukan[besut | besut sumber]

  1. Mangga info Archived 2013-12-08 at the Wayback Machine. (diaksès 3 Juli 2012)