Kelir

Artikel ini bab layar pawayangan. Kanggo panrapan liya delengen warna.

Dhalang sangareping kelir.

Kelir iku layar pawayangan. Lumrahé digawé saka bahan motha putih kang pinggiré diwènèhi plisir warna abang. Sakubengé kelir diwènèhi bolongan kanggo ngubetké tali nalika masang kelir ning warangkané. Déné pigunané kelir mau tumrap pagelaran wayang ya iku ing sisih kiwa lan tengené minangka dhasaran kanggo mbèbèrké wayang. Déné ing pérangan tengah minangka panggung kanggo wayang kang lagi dimainaké. Sak ngarepé kelir dipasangi bléncong, ya iku lampu kang gunané kanggo nyorot wayang saéngga ana ayang-ayangé (yèn ditonton saka mburi kelir). Ing jagat pewayangan, mligi wayang purwa utawa wayang kulit, kelir duwé makna kang wigati, nganti dadi jeneng sesulih pakeliran kanggo nyebut jagat pewayangan. Kanggo mbèbèr lan nancepaké wayang kulit, lumrahé migunakaké gedebog utawa wit gedhang kang dipasang ing sakngisoré kelir. Séjé manèh kang kanggo nancepakê wayang klithik utawa wayang krucil lumrahé digawé saka bahan kayu kang wis dibolongi.

Jejeran / Simpingan Wayang

(Kanggo pratélan pepak wayang sajeroning simpingan, pirsani Simpingan)

Sisih Kiwa

Dijejer ing simpingan sisih kiwa ing antarané: ꧎ꦅꦶꦺꦌꦺꦌꦽꦀꦶꦼꦇꦶꦏꦞꦶꦼꦓꦁꦛꦶꦇꦶꦾꦄꦶꦈꦀꦶꦼꦀꦁꦚꦃꦉꦶꦍ꧐

• Buta raton (contoné, Dasamuka, Nilundraka)
• Raseksa mudha (Prahasta, Suratimantra)
• Wayang Bapang (ratu sabrang)
• Wayang Boma (Bomanarakasura)
• Indrajit
• Trisirah lan sejenise
• Prabu Baladewa kanthi manéka wanda (versi)
• Kakrasana
• Salya
• Prabu Matswapati
• Duryudana
• Setyaki
• Samba
• Narayana

Sisih Tengen

Kang ditata ing sisih tengen diwiwiti saka wayang Tuguwasesa (Tuhuwasesa) lan dipungkasi nganggo wayang bayen.

• Prabu Tuguwasesa
• Pandhawa
• Rama Parasu
• Gathotkaca
• Antareja
• Anoman
• Rama
• Arjuna Sasra
• Abimanyu
• Palasara
• Sekutrem
• Wayang putran
• Bati

Ugi Mirsani

• Wayang kulit
• Wayang klithik