Trisirah

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Trisirah (Sanskerta: त्रिसिर; Trishira) iku putrane Prabu Dasamuka (Rahwana), Raja Alengka. Jenenga ing basa Sanskerta tegesé "wong sing nduwé sirah cacahe telu". Trisirah nduwé sedulur sabapak, nanging béda ibu, yaiku Indrajit putrané Dewi Tari, Pratalamariyam utawa Bukbis putrané Dewi Urangrayung, Trikaya lan Trimuka putrané Dewi Wisandi, lan Yaksadewa.[1]

Trisirah iku sekti madraguna. Dhèwèké pinter babagan perang lan dolanan sanjata gada lan lembing. Nalika numindaki triwikrama, sirahé malih rupa dari cacah telu. [1]

Nalika Perang ing Krajaan Alengka, Krajan iku diserang èwonan kethèk, bala wanara kang dipandhegani dening Sugriwa. Serangan iku kanggo nylametaké Dewi Sita saka Rahwana. Trisirah maju ing palagan kanggo mbéla negarané. Pirang-pirang wanara bisa dipatèni déning Trisirah.[1] Wibisana kang ngerti apesé Trisirah banjur ngongkon Lesmana supaya ngadhepi Trisirah. Lesmana kang diréwangi Rama pungkasané bisa matèni Trisirah. Trisirah mati amarga kena panah saktiné Lesmana.


Cathetan sikil[sunting | sunting sumber]

  1. ^ a b c (id)Waluyo, Ki Solichin. 2007. Mengenal Tokoh Wayang Jilid Dua. Kaca 130. Surakarta: CV. Asih Jaya.
Sumber artikel punika saking kaca situs web: "http://jv.wikipedia.org/w/index.php?title=Trisirah&oldid=839925"