Sempati

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Miturut mitologi Hindu, Sempati (Sanskerta: सम्पाति, Sampāti) iku jeneng manuk raksasa, seduluré Jatayu, putrané Sang Garudha, kangmasé manuk Aruna. Nalika isih nom, Jatayu lan Sempati balapan menyang srengéngé. Nalika iku kaloroné arep tekan ing srengéngé, Jatayu arep kobongan. Supaya nglindhungi Jatayu, Sempati mbuka swiwiné. Jatayu slamet, nanging swiwiné Sempati entèk amarga kobong.

Sawisé kelangan swiwiné, Sempati dadi kerep meneng ing papan panggonan kang padha sinambi ngentèni mangsa. Nganti pungkasane Anoman lan bala wanarane teka. Kanthi paweruhe kang tajem, Sempati bisa nyritakake kahanane Dewi Sita ing Alengka. Manut pituduhe Sempati, Anoman lan bala wanarane bisa ngerti kahanane Sita isih urip lan dicekel ing Krajaan Alengka. Sawise ngrewangi bala wanara, wulu nome mulai thethukulan ing swiwine Sempati, amarga Sempati oleh kanugrahan yen dheweke bakalan oleh swiwine maneh yen dheweke bisa nulungi Rama.

Sempati duweni kanca raket sing aran Resi Rawatmaja saka pertapan Puncakmolah. Sempati tau nylametake Rawatmaja lan Dewi Kusalya saka Prabu Dasamuka. Nanging Sempati kalah nglawan Prabu Dasamuka. Wulu-wulu ing awake dibubuti karo Prabu Dasamuka nganti trondhol. Banjur Sempati diuncalake menyang angkasa lan tiba ing lereng gunung Warawendya. [1]

Kanthi mantra sakti penawar racun ajarané Rawatmaja, Sempati isih bisa nulungi Anoman lan bala wanara Pancawati kang wuta amarga diracuni dening Dewi Sayempraba. Sempati mati sawise Anoman lan bala wanarané lunga.

Cathetan sikil[sunting | sunting sumber]

  1. ^ (id)Waluyo, Ki Solichin. 2007. Mengenal Tokoh Wayang Jilid Dua. Kaca 104. Surakarta: CV. Asih Jaya.
Sumber artikel punika saking kaca situs web: "http://jv.wikipedia.org/w/index.php?title=Sempati&oldid=833737"