Kosalya

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kosalya (Sanskerta: कौशल्या, Kauśalyā), yaiku jeneng sawijining tokoh ing wiracarita Ramayana. Dhèwèké dikenal minangka garwa pisanané Dasarata raja Kerajaan Kosala kang nglairaké Sri Rama.

Yen dideleng saka jenengé, Kausalya yaiku putri kang asalé saka Kerajaan Kosala. Ing kesusastran Hindu pancèn kerep ana jeneng sawijining putri ngrujuk marang negri asal-usule. Tuladhane, Gandari saka Kerajaan Gandhara utawa Pancali saka Kerajaan Pancala.

Kosalya liyane[sunting | sunting sumber]

Saliyané Kosalya permaisuri Dasarata, ing mitologi Hindu uga ana tokoh-tokoh liyané kang jenengé uga padha yaiku:

Versi pewayangan[sunting | sunting sumber]

Ing pewayangan kang ngrembaka ing Jawa, Kosalya sinebut kanthi jeneng Sukasalya, putri saka Banaputra raja Kerajaan Ayodya. Saliyane kuwi, dheweke uga dikenal kanthi jeneng Raguwati.

Samangsa enom, Sukasalya tau lara lumpuh. Banaputra uga ngumumake bakal ngawinake Sukasalya marang sapa wae kang bisa ngobati penyakit putrine mau. Jebul kang kasil ngobati Sukasalya malah adik Banaputra dhewe kang jenenge Resi Rawatmaja. Mula kedadeyan tenan kawinane pak lik karo keponakan.

Ing sawijining dina Kerajaan Ayodya diserang dening Rahwana raja raksasa saka Kerajaan Alengka. Banaputra mati ing pertempuran mau. Rawatmaja uga tatu parah. Dheweke uga sempet ngongkon Sukasalya supaya ngjaluk tulung marang Dasarata sadurunge pungkasane uga mati.

Kanca Rawatmaja kang awujud manuk jenenge Sampati uga dikalahake dening Rahwana. Sekabehing wulune rontok amarga kena gamane Rahwana. Dheweke banjur menehi salar wulune kang mblarah ing lemah marang Sukasalya minangka pusaka. Kanthi nggawa sakler wulu Sampati, Sukasalya bisa mlayu luwih cepet ngindari gudakane Rahwana.

Sukasalya njaluk tuklung marang sawijining pandita enom kang jenenge Dasarata, kang minangka sepupu bapake saka pihak ibu. Dasarata uga kekancan karo Jatayu adik Sampati. Wiwitane dheweke nolak nulungi Sukasalya amarga wis dadi hak tumrap Rahwana kanggo nduweni putri sawijining negri kang dikalahake. Nanging banjur keprungu patunjuk dewata yen Sukasalya bakal dadi bojone Dasarata kang candhake bakal nglairake awatara Wisnu.

Dasarata uga nyiptakake Sukasalya palsu saka sawijining kembang kang ngrengga rambute randha Rawatmaja mau. Nalika Rahwana teka, Dasarata masrahake Sukasalya palsu marang dheweke. Rahwana seneng banget amarga Sukasalya rupane memper karo Widawati, wanita kang disenengi wis mati karana bunuh diri. Dheweke malah masrahake Kerajaan Ayodya kang wis dikwasani marang Dasarata.

Nalika bali ing Alengka, Sukasalya palsu kang digawa Rahwana uga mati. Rahwana nesu banjur munggah ing kahyangan saperlu nuntut para dewa supaya nguripake maneh putri mau. Sawise lumantar pertempuran, pungkasane para dewa ngakoni yen Rahwana pancen kuwat. Rahwana dikandani yen Widawati bakal lair maneh minangka putrine dhewe. Minangka pangganti Sukasalya, Rahwana entuk sawijining bidadari putri Batara Indra kanthi aran Dewi Tari.

Delengen uga[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Kosalya&oldid=833698"