Wiswamitra

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Wiswamitra (Sanskerta: विश्वामित्र; Viśvā-mitra: "mitraning donya") yaiku jeneng salah sijine Brahmaresi ing Agama Hindu kang nampa wahyu Tuhan. Jeneng Wiswamitra uga ana ing kitab Ramayana, bebarengan karo Resi Wasista. Nanging ing Ramayana, Resi Wiswamitra asale saka keturunan kesatria lan biyen minangka raja.

Raja Kaushika[sunting | sunting sumber]

Wiswamitra yaiku keturunan sawijining raja ing jaman India Kuno, lan dheweke uga diundhang Kaushika ("keturunan Kusha"). Dheweke minangka kesatria kang gagah prakasa kang minangka cicit saka raja Kusha. Salah siji saka anak papate Kusha yaiku Kushanubha, kang nindakake upacara Puthrakameshti lan entuk anak kanthi aran Gadhi minangka asile. Kaushika utawa Wiswamitra, yaiku anake Raja Gadhi. Kaushika nggantekake bapake lan mrintah kanthi apik. Dheweke banget disenengi rakyate.

Saingan karo Wasista[sunting | sunting sumber]

Sawijining dina, Raja Kaushika (Wiswamitra) karo angkatan perange kang kuwat lèrèn ing asrama Resi Wasista. Kanthi kebak sopan santun, Resi Wasista nyugati Raja Kaushika. Resi Wasista nuduhake sekabehing kaendahan lan kemakmuran ing lingkungan pertapane, kalebu lembu sakti kang diduwenine yaiku Sabala. Lembu sakti mau bisa nyiptakake apa wae kang dipenginake dening bendarane, kaya dene luh kang ora tau garing. Ngerti kasaktene lembu mau, Kaushika kepengin nduweni. Banjur dheweke ngerahake angkatan perangnya supaya ngoyok Sabala. Minangkani babagan mau, Resi Wasista ngongkon Sabala supaya nyiptakake angkatan perang. Ora let suwe, pertempuran kedadeyan antarane pasukan Kaushika karo pasukan kang diciptakake Sabala. Nalika pasukan Kaushika kadesek, pasukan Sabala sansaya akeh. Pungkasane Kaushika ngakoni kalahe lan lunga saka asrama Resi Wasista.

Sawise masrahake tahta kerajaan marang salah sati anake, Kaushika lunga menyang gunung Himalaya lan nindakake tapa muja Dewa Siwa. Sawise Siwa teka amarga gelem nampa tapane Kaushika, Kaushika njaluk supaya dheweke entuk gegaman sekti. Siwa nuruti panjaluke mau lan menehi gegaman sakti marang Kaushika. Kanthi gegaman sekti mau, Kaushika teka maneh ing asrama Resi Wasista. Sawise ngarahake sekabehing gegaman kang ditampa lumantar tapa, Kaushika durung bisa naklukake Wasista amarga mung nganggo sawijining tongkat kang jenenge Brahmadanda, Wasista bisa nglumpuhake kabeh gegaman sektine Kaushika kalebu Brahmastra kang dianggep minangka gegaman paling sekti menawa kanggo mateni wong ing Mitologi Hindu. Amarga ngrasa yen anugerah kang diwenehi Dewa Siwa siya-siya, Kaushika jaluk pamit lan ninggalake asrama Wasista kanthi rasa wirang.

Sawise kalah ing asrama Wasista, Kaushika tapa muja Dewa Brahma saperlu entuk gelar Brahmaresi supaya madani Resi Wasista. Sawise tapa nganti pirang-pirang taun, Dewa Brahma teka, banjur menehi gelar Rajaresi marang Kaushika.

Sumber artikel punika saking kaca situs web: "http://jv.wikipedia.org/w/index.php?title=Wiswamitra&oldid=837498"